Кыргыз Республикасынын Премьер-министри Мухаммедкалый Абылгазиев ЕККУнун Бишкектеги Программалык кеңсесинин башчысы, Элчи Пьер фон Аркска кайрылып, «Ачык асман» Улуттук форумунун катчылыгынын жетекчиси Иманкадыр Рысалиевди анын айланасындагы жагдай коомдо чоң резонанс жараткандыгына байланыштуу ээлеген кызматынан артка чакыртуу процессин демилгелөөнү сунуштады.

Бул тууралуу премьер-министрдин маалымат катчысы билдирди

«Мындай чечимге мамлекеттик башкаруунун ачык-айкындыгы принциптерин мындан ары карай натыйжалуу илгерилетүүнүн жана мамлекеттик башкарууга жарандык секторду тартуунун маанилүүлүгү түрткү болгон»,-деп айтылат билдирмеде.