Окуялар

Окуялар

Парламентте Эсеп палатасынын 2018-жылдагы иши каралат

Бишкек. 16 . 09.2019. informator. kg 2019-ж. Бүгүн, 16-сентябрда, Жогорку Кеңештин Агрардык саясат, суу ресурстары, экология жана регионалдык өнүктүрүү боюнча комитети  “Кыргыз Республикасынын 2018-жылга республикалык бюджетинин аткарылышына жүргүзүлгөн аудит жөнүндө отчет тууралуу”маселени карайт. Буга байланыштуу КРнын Эсептөө палатасынын төрагасы Улукбек Марипов палатанын аткарга иштери боюнча эл өкүлдөрүнүн алдында отчет бермекчи.

Эске сала кетсек, мыйзамга ылайык Эсеп палатасынын төрагасынын отчету парламенттин 3 комитетинен өтүп андан соң жалпы жыйынга чыгарылат.

Тынар Шаршенбеков колону колдон алдырды

Бишкек. 16 . 09.2019. informator.kg Кечээ, Нур-Султан шаарында өтүп жаткан Күрөш боюнча дүйнө чемпионатында кыргызстандык балбан Тынар Шаршенбеков грек-рим күрөшүнөн 63 килограммга чейинки салмакта коло байгени казакстандык Алмат Кебиспаевге алдырып койду. Ал атаандашы менен болгон финалдык кармашта 9:0 эсебинде утулуп калды.

Буга чейин кармаштарында Тынар Шаршенбеков алгач болгариялык Румен Савчевди 8:1ге утса, чейрек финалда жапониялык Шиноби Отага жеңилп калган. Андан соң беларусиялык Максим Ниходаны 6:4 эсебинде жеңип, коло байге үчүн кармашка жолу ачылган болчу.

Патрулдук милиция 1-октябрда ишке чыгат

Бишкек. 16 . 09.2019. informator. ИИМдин алдындагы жаңы түзүлүп жаткан патрулдук милициянын алгачкы курамы 1-октябрдан тарта ишке чыгат. Бул тууралуу вице-премьер министр Жеңиш Раззаков билдирди.

Ал белгилегендей, эки этаптагы тандоодон кийин кабыл алынган 871 жаш кадр ңч айлык кошумча курсту окуп бүтүү алдында турат. “Азыр алар патрулдук милициянын укук-милдеттери тууралуу окууларды аяктап жатышат. Алардын формасынан тартып айлык маянасына чейинки чыгымдары үчүн  бюджеттен быйыл 197 миллион сом каралды. Алар коомдук тартипти көзөмөлдөшөт”,-дейт ал.

Эске сала кетсек, учурда патрулдук милиция болууну каалагандардын экинчи тобу экзамен тапшырып жатышат.

Атамбаевдин тагдыры. Шайлоо-2020. Президент менен Убактылуу өкмөттөгүлөр дагы эмнелерди сүйлөштү?

Бүгүн, 2010-жылдын 7-апрелиндеги ыңкылаптан түзүлгөн Убактылуу Өкмөттүн мүчөлөрүн Президент Сооронбай Жээнбеков мамлекеттик резиденцияда кабыл алды. Жолугушууга ошол кездеги өкмөт мүчөлөрүнөн абакта жаткан Алмазбек Атамбаев менен денсоолугунан улам Болот Шер гана барган жок. Калган саясатчы, экс-министрлер менен Президенттин ортосунда кайсыл багытта сөздөр болгону тууралуу саясатчы Темир Сариевден сурадык.

“Жолугушуу жылуу маанайда өттү. Негизинен мамлекеттик түзүлүш, Кыргызстан үчүн керектүү ири долбоорлорду ишке ашыруу, реформалар тууралуу кеп болду. Биз Кытай-Кыргызстан-Өзбекстан темир жолунун курулушу маанилүү экендигин, ошондой эле энергетикалык ресурсту туура пайдаланууну, курулушу токтоп турган ГЭСтерден Чакан ГЭСтерге чейин куруу экономикалык жактан абдан зарыл болуп турганын айттык, тоо кен тармагын пайдалануу жаатында жакшы сунуштар болду. Можаритардык система менен шайлоону өткөрүү боюнча да сөздөр айтылды”,-дейт ал.

Ошондой эле саясатчы Президент С. Жээнбеков Атамбаев темасына, келе жаткан 2020-жылдагы  шайлоолорго кайрылганын да ырастады. “Ал киши Президенттик мөөнөтү бүткөндөн кийин Роза Отунбаева сыяктуу эл арасында эркин калууну каалаарын, ошондуктан кийинки шайлоолорго калыс туруп берээрин убада кылып, Алмаз Атамбаевге деле жакшы чыдаганын, болбосо, ал деле бүгүн ушул курамдын катарында отурса болмоктугун, тилекке каршы, көп иштерге кийлигишип, мыйзамга каршы аракеттерди жасаганы үчүн катышпай калганын да өкүнүч менен айтты”,-дейт Темир Сариев.

Экс-премьер-министр ошону менен бирге саясий куугунтук жеген Садыр Жапаровдун иши да ортого салынганын, Президент менен мындай форматтагы жолугушуулар дагы да уланып, конструктивдүү диалогдор болуп тураарын белгиледи.   

Убактылуу Өкмөттүн мүчөлөрү бак отургузушат

Бишкек. 14.09.2019. Убактылуу Өкмөттүн мүчөлөрү бүгүн саат 17:00дө Президент Сооронбай Жээнбеков менен жолугушмак. Алар жолуугу алдында өлкө башчы «Ынтымак» деп атоону сунуш кылган жаңы паркка көчөт отургузууну чечишкен.

Учурда алар паркта чогулуп жатышат. Бул жолугушуу Президент тараптан демилгеленген. Арасында Алмаз Атамбаев гана шартка байланыштуу жок. Ошондой эле Азимбек Бекназаровдун да келиши күмөн экени айтылууда.

Дайынсыз малчылар аман-эсен куткарылды

Бишкек. 14.09.2019. informator.kg 9-сентябрда жааган кардан улам Суусамырдын жогорку аймактарында мал-жандыгы менен калып калып, дайынсыз болгон 11 чабан 150 жылкысы, 400 бодо малы жана 4800 кою менен коопсуз жайга түшүрүлдү. Бул маалыматты, КР ӨКМнын маалымат кызматы таратты.

Анда, алардан сырткары, 200 баш кой жана төрт жылкы кар алдында калып өлгөнү маалымдалды.

Жалал-Абад облустук ооруканасына жаңы корпус курулат

Бишкек. 14. 09.2019. informator.kg  Жалал-Абад облустук клиникалык ооруканасына жаңы корпус курулат. Бул тууралуу Саламаттыкты сактоо министрлигинен кабарлашты.

Анда белгилүү болгондой, 100 койкалуу корпустун учурда курулушу башталып, 2010-жылдын октябрына чейин ишке берилмекчи. “Курулуш толугу менен мамлекеттик бюджеттен каржыланып, жалпы сметалык баасы 76 сом деп бааланууда. Каржы министрлиги алгачкы каражатты бөлүп, иш кызуу башталды”,-деп айтылат билдирүүдө.

Бул жаңы корпуска бет-жаак хирургиясы, офтальмологиялык жана урологиялык бөлүмдөр жайгаштырылмакчы.

Экс-төрага Ч. Турсунбеков М.Аспековдун акча талап кылганын айтты

Бишкек.13.09.2019. informator.kg Парламенттин мурдагы төрагасы Чыныбай Турсунбеков Мелис Аспеков деген активисттин шантаж жасап, акча талап кылганын айтып, укук коргоо органдарына анын маалыматтарын кылдат текшерүүнү тапшырды.

«Мелис Аспеков деген бар экен, активист имиш. Ошол бирөөлөрдү ортого салып, жолуккусу келгенден кабыл алсам, мурда соттолгонун, аны мен каматкандыгымды, УКМКнын айрым кызматкерлери мени каралап бер деп жатканын, ал материалдарды таркатпаш үчүн мен ага акча беришим керектигин, ал сотко акча берип, соттуулугун алдырып, депутат болгусу келип жатканын айткан. Албетте, мен акча берген эмесмин. Эми ал чектен чыгып, мен жөнүндө ар нерсени жазып, «бирөөлөр анонимдүү телефон чалуулар менен коркутуп жатканын» айтып жатат. Ошондуктан, анын маалыматтарын текшерип, ага чалгандарды аныкташ керек»,-деди ал фракция жыйынында.

Эске сала кетсек, Мелис Аспеков Ч. Турсунбековду мыйзамсыз боюуга айыптап, Башпрокуратурага арыз жазганын жарыялап жаткан.

MegaHome: мобильная связь, домашний интернет и цифровое ТВ в одном тарифе от MegaCom

Informator-13.09.19 Больше не нужно каждый раз платить отдельно за кабельное телевидение, мобильную связь и домашний безлимитный интернет! Компания MegaCom предлагает альтернативу – новый тариф MegaHome*, с которым все самое необходимое включено в одно выгодное предложение. Если вы цените удобство, качество и экономию на услугах связи без ограничения их использования, то это комплексное решение именно для вас.

Что вы получаете?

  • Более 120 ТВ-каналов в отличном качестве;
  • Домашний безлимитный интернет до 20 Мбит/с;
  • Две SIM-карты с бесплатными звонками между номерами, 5000 минут внутри сети, а также 35 ГБ дневного трафика и ночной безлимитный интернет без ограничений скорости.

Преимущества MegaHome

  • Оплата производится с одного мобильного номера. Достаточно пополнить единый счет на 1 490 сомов в месяц и больше не беспокоиться об оплате. 
  • Оптимальный ТВ-пакет, идеально подходящий любой семье. Он включает информационно-развлекательные, детские, музыкальные, фильмовые, познавательные и другие каналы. Для безопасного просмотра предусмотрена бесплатная функция «Родительский контроль», которую можно активировать нажатием одной кнопки.
  • Высокое качество предоставляемых услуг: телеканалы в формате HD, высокоскоростной интернет, бесперебойная мобильная связь.

Как подключить тарифное предложение? 

  • Зайти на сайт megahome.kg, где находится информация о тарифе и электронная заявка на подключение. При оформлении заявки необходимо указать ФИО, домашний адрес и контактные данные;    
  • Для того, чтобы активировать тариф, также можно обратиться по номеру 0555 00 80 00 или 8000 (для абонентов MegaCom).

MegaHome – отличное решение для всей семьи!

* Тарифное предложение действует для физических лиц, проживающих в многоквартирных домах г.Бишкек, Ош и Чуйской области, где есть техническая возможность подключения.

Технический партнер — ОсОО «Акнет», лиц. ГАС КР №17-0110-КР, №00-110-КР, 14-1090-КР.

Кореялык ишкер: «Мени кыргыз аялым алдап кетти»

Informator-13.09.19 Бүгүн, 13-сентябрда Түштүк Кореядан келген ишкер Ли Хи Ман өлкөдөгү укук коргоо органдарына нааразы экенин айтып чыкты.

Ли Хи Мандын айтымында, ал Кыргыз өлкөсүндө кыргыз аялга үйлөнгөн. Бирок аялына болгон ишеними акталбаганын журналисттерге айтып берди. Менин бизнесим жакшы жүрүп жатканда, аймактагы көптөгөн адамдарга жардам көрсөтүп жүрдүк. Кийин Түштүк Кореянын Кыргыз мамлекетиндеги ассоциациясына ишке орношуп калдым. Бул учурда бизнеске убактым болбогондуктан, ишкерликти жүргүзүүнү аялыма ишенип дайындап, жардам берип турарымды айттым. Көп өтпөй аялымдын көзүмө чөп салып жүргөнүн өз көзүм менен көрдүм.

Көз алдымда үй-бүлөм талкаланып жатканына жүрөгүм ооруду. Бирок аялым эми андай иштерге барбай турганын убадалап, кепилдик катын жазып берген. 4 ай өткөндөн кийин ал менин мүлктөрүмдүн баарын туугандарына өткөрүп, өзү сотко ажырашуу тууралуу арыз жазып, ал жердегилер бизди ажыраштырып койгонун билдим», — деди ал. Ошондой эле түштүк кореялык жаран бул боюнча укук коргоо органдарына кайрылганын, бирок алар бул ишти териштирбегендигин, тескерисинче анын акчасын алып, коркута башташканын кошумчалады.