Окуялар

Окуялар

Урмат Самаев спортчу, криминал эмес!

Бишкек. 26.06.19. Бишкек «Депутат Урмат Самаев эч качан уюшкан кылмыштуу топтун катарында болгон эмес, эч кандай кылмыш ишине аралашып, жоопкерчиликке тартылгна эмес. Эгер кимде мындай маалыматтар болсо, ачыкка алып чыгышсын, кайрайлы». Мындай сөздү ЖКнын депутаты, «Кыргызстан» партиясынын мурдагы фракция башчысы Канатбек Исаев айтты.

Анын пикиринде, коомчулукту адаштыруу максатында айрым кызыкдар тараптар спортчуларды ар кандай криминалдык топторго байлап, аралаштырып жиберген учурлар арбын. «Эгер, ага мурда кылмыш иши козголуп же жабылып калган болсо, тиешеси бар болсо депутаттыкка талапкер болгондо эле ИИМ справка бермек, шайлоого катыша алмак эмес. Мен Урматты жакшы тааныйм, анда мындай окуяларга аралашкан нерсе болгон эмес. Айрым аны, ал тургай мени деле контробанданы калкалап атат деп деп каралагандарды угуп эле жүрөбүз. Бирок, же бажы кызматы же чек ара кызматы жеэкономикалык кылмыштарга каршы кызматтар, ИИМдин органдары бир дагы фактыны каттап же далилдеген учур болсо, анда из макул элек. Мунун баары саясий кызыкчылык, интрига»,-деди ал.

Эске салсак, депутат Урмат Самаевди фракция ЖКнын Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин башчысынын орун басарлыгына көрсөтүлүүдө.

Asia Mallдо өрт чыкты

1.07.19 informator.kg Борбор калаабызда орун алган Asia Mall соода борборунда өрт чыкты. Бул тууралуу ӨКМ саат 13:00до биолдирди. Өрттү өчүрүү үчүн, төрт өрт өчүрүүчү автоунаа жөнөтүлгөн. Анда, соода борбордун 4чү кабатындагы кафелердин биринен өрт чыккан. Жабыркагандар жок, өрт өчүрүлдү.

Атамбаевдин митингинде сэндвич таратылды — видео

3.07.19 informator.kg Бүгүн 3-июль «Медиа-Форумдун» алдында Атамбаевдин жактоочулары «Соке болбой калды» тынчтык митингине чогулушту.

Митингдин соңунда катышуучуларга сэндвич таратылып, биздин объективге түштү.

«Айыл банк» аш сынагын өткөрдү. Зонтик көтөрткөн Бактыбек Шамкеев…

Бишкек.10.07.19. informator.kg

Өткөн дем алыш күндөрү «Айыл банктын» эмгек жамааты Чүйдөгү форель чарбаларынын биринде ашпозчулардын сынагын өткөргөн. Анда жамааттын ичиндеги командалар аш басып, сынактын калыстары банктын төрагасы Бактыбек Шамкеев, Банктын Директорлор Кеңешинин башчысы Малабек Токтоболотовдор ар түркүн аштан жеп, баа коюп отурушкан.

Соцтармактарда жүргөн сынактын жүрүшү боюнча тасмада элдин көңүлүн бурган нерсе-алдыда аты аталган аткаминерлер банктын кызматкерлерине кол чатыр карматып турганы болууда.

Тагыраагы, акыркы эки жылдан бери коомчулуктун кол чатыр карматкан чоңдорго кыжыры келип, мындан улам Президент Сооронбай Жээнбеков баш болуп, кол чатырды өздөрү колуна кармап калган эле.

Бирок, «Айыл банкка» жаңы барган Бактыбек Шамкеевдин карапайым кассир жигитке эки саат бою кол чатыр карматып коюп, алдына кыз-келиндерди бийлеткени моралдык жактан канчалык туура?

Бул суроого балким, башбакан банкир өзү жооп берээр…

Кыргызстан менен Тажикстандын чек ара маселеси — тургундар менен алмашуу

12.07.19 informator.kg Кыргызстан менен Тажикстан кээ бир айыл тургундарын алмашуу менен чек ара маселесин чечсе болот. Бул тууралууу тегерек стөлдө Баткен облусунун мурдакы жетекчиси Мамат Айбалаев билдирди.

Анын айтымында, калк жыш жайланышкан аймактардагы чек араны аныктоо татаал болгондуктан, Тажикстан менен Кыргызстан этникалык тажиктер жана кыргыздар жашаган айылдарын алмашып алса болот.

«Ворух менен Мачаидеги тажик жарандары менен Жерге-Тал менен Мургабтагы этникалык кыргыздарды алмашып алса болот. Ага болбосо, Ходженттин айланасындагы айылдарда дагы 22 миңдей кыргыздар жашайт. Алар дагы Кыргызстанга жакын көчүп келүүгө каршы болбос. Тажик жарандары дагы мыйзамды сыйлаган калк», — дейт ал.

Белгилей кетсек, Ворух анклав Кыргызстандын айылдары менен курчулган. 

Ысык-Көл. Туристтик милицияга жол тандабас бөлүндү

18.07.19 informator.kg Ысык-Көл облусунун туристтик милициясына тоолуу каттамдарда коопсуздукту камсыз кылуу үчүн жол тандабас бөлүндү. Бул тууралуу 18-июлда ОИИБдин басма сөз кызматы билдирди.

Маалыматка караганда, тоолуу каттамдарда эс алып жүргөн чет элдик туристтердин коопсуздугун камсыз кылуу максатында ИИМ тарабынан Ысык-Көл ОИИБдин туристтик милициясына жол тандабас берилди.

Ысык-Көлдүн жээгинде жайгашкан эс алуу үйлөрүнө КМШ өлкөлөрүнөн келген туристтердин коопсуздугун камсыз кылуу максатында Бишкек ШИИБдин туристтик милициясынан кошумча күчтөр тартылды.

М.Абылгазиев: ички ресурстарды активдүү колдоно баштадык

24.07.19 informatir.kg Биз экономикалык стимулдаштырууда ички ресурстарды активдүү колдоно баштадык. Мындай пикирин премьер-министр Мухаммедкалый Абылгазиев Өкмөттүн кезектеги жыйынында билдирди.

 Мухаммедкалый Абылгазиев билдиргендей, ушул жылдын биринчи жарым жылдыгы коомдук-саясий окуялар жана бир катар эл аралык иш-чаралар менен эсте калды. Бул мезгилде 10дон ашык жогорку деңгээлдеги эл аралык иш-чара өткөрүлүп, алардын алкагында Орусия менен 6,2 млрд доллар, Кытай менен 7,6 млрд доллар, Корея менен 145 млн долларлык бизнес-контракттар жана келишимдер түзүлдү.

Мухаммедкалый Абылгазиев макроэкономикалык көрсөткүчтөргө токтолуп, өлкө ИДПсынын көлөмү 232,5 млрд сомду түзүп, 6,4% өскөнүн белгиледи.

«Өлкөнүн өнөр жай субъекттери тарабынан 127,5 млрд сомдук өндүрүм өндүрүлгөн. 108 ишкана ишке кирип, 25,2 миң жумушчу орундары түзүлдү. Анын ичинде 23,5 миң орун жеке ишкердикте ачылды. Өнөр жайында – 2820, тамак-аш жана кайра иштетүүдө 42 жаңы ишкана ишке кирип, 1278 жумуш орун түзүлдү», — деп билдирди Мухаммедкалый Абылгазиев.

Кыргызстандык суучул 2020-жылдагы Олимпиадага 2-лизенциясын утуп алды

Бишкек. 26.07.19. Кыргызстандык сууга сүзүүчү Денис Петрашов 2020-жылдагы Дүйнөлүк Олимпиада оюндарына катышууга 2-лицензияны жеңип алды. Бул тууралуу спорттук ММКлар жазып чыгышты.

Анда белгилүү болгондой, Түштүк Кореянын Кванду шаарында сууга сүзүү боюнча эл аралык мелдеште Денис 200 метрлик дистанцияга жарышка чыгып, 2 мүнөт 11,65 секундда келип, Кыргызстандын рекордун жаңырткан жана Олимпиадалык нормативди толтурган.

Буга чейин ал 100 метрлик дистанцияда да 28-орунга чыгып, Олимпиадага жолдомо алган эле.

Эки мекендешибиз Казахстанда көз жумду

Бишкек. 2.08.19 İnformator — Кыргызстандык 2 жаран Казакстандын Кызыл-Ордо облусунда катталаган жол кырсыгында каза болду. Бул тууралуу TengriNews маалымат сайты каабарлады.

Маалыматка караганда, кырсык кечээ Батыш Европа-Батыш Кытай жолунда катталган. Жеңил унаа менен жүк ташуучу унаа кагышкан.

«4 киши окуя болгон жерде каза болгон, дагы бири райондук оорукананын жандандыруу бөлүмүндө көз жумду. Каза болгондордун экөө Кыргызстандын жараны. Дагы 3 кыргызстандык дарыгердин көзөмөлүндө турат. Алардын абалы оор», -деп билдирди басылма.

Эртеңден тарта Төө-Ашуудагы туннел маал-маалы менен жабылат. Себеби?

Бишкек. 07.08.2019. Эртең, 8-августтан тартып 5-сентябрга чейин Төө-Ашуудагы туннел маал-маалы менен жабылып турат. Буга өткөөлдү оңдоп-түзөө иштери себеп болот. Бул маалыматты КРнын Транспорт жана жолдор министрлигинен таратышты.

Анда маалым болгондой, оңдоо иштери таңкы 8:00дөн 9:30га чейин жана түшкү 14:00дөн 15:30га чейин жүрүп, унаалардын каттоосу тосулат. Ал эми калган учурларда айдоочулар үчүн жол ачык болмокчу.