Окуялар

Окуялар

Бердымухамедовдун өлүмү тууралуу жазгандарга активдүү күрөш башталды

29.07.19 informator.kg 25-июлдан баштап Түркмөнстанда президенти Гурбангулы Бердымухамедовдун өлүмү жана ден- соолугунун начарлашы тууралуу тараган ушактарга каршы активдүү күрөш башталды. Ашкабаддын күч түзүмдөрү жана аймактарда күчөтүлгөн тартипте кызмат өтөөгө өткөнүн «Хроники Туркменистана» басылмасынын кабарчылары жазды.

Маалыматка ылайык, Лебап облусунда үч адам кармалып, алар өлкөнүн туруктуулугун бузууга аракет кылды деп айыпталууда.

Мындан сырткары, Маданият министрлигине ушактарга каршы үгүт иштерин жүргүүзүү тапшырылган.

Мындан улам Instagram социалдык тармагында бир эле убакта бир канча Түркменстандын маданият кызматкерлери тарабынан ушактарга ишенбөөгө чакырган видео кайрылуулар #duryalan (токто жалган) деген хэш-тегтер менен тарады.

Эске салсак, буга чейин 21-июлда Евразия көйгөйлөрүн иликтөө борборунун директору Аслан Губаевдин «Говорит Москва» агенттигине көз жумду деген маалыматты билдиргенин бир катар маалымат булактары жазган болчу. Андан соң Түркмөнстандын Кыргызстандагы элчилиги өлкө президенти Гурбангулы Бердымуxамедовдун көз жумгандыгы тууралуу кабарды жокко чыгарып, анын 15-июлда эмгек өргүүсүнө чыккандыгын айткан.

Шумахер пришел в сознание после шести лет комы.

Informator — 12.09.19 Семикратный чемпион мира в «Формуле-1» Михаэль Шумахер пришел в сознание после шести лет комы.

Ранее сообщалось, что 50-летний спортсмен был перевезен в Европейский госпиталь Жоржа Помпиду.

Шумахер поступил в отделение сердечно-сосудистой хирургии к известному профессору кардиохирургу Филиппу Менаше. Отмечалось, что гонщику будет назначено лечение с использованием стволовых клеток.

Спортсмен получил черепно-мозговую травму головы в декабре 2013 года при падении во время катания на горных лыжах.

Австралиянын Өкмөтү өрттүн кесепетин жоюуга 1,39 млрд. $ бөлөт

Бишкек. 6.01.20. informator.kg

2020-жылдын 5-6-январь күндөрү аптаптуу ысык каптап, өрт күчөгөн Австралияда жамгыр жаап, бул кабар дүйнө жүзүн кубантты.  Анткен менен өткөн жылдын октябрынан берки жалбырттаган кызыл жалындан улам 6 миллион гектар токой аянтынан айрылган Австралияда өрттүн кайрадан күчөө ыктымалдыгы барын айткандар да бар.

Ал арада Премьер-министр Скотт Моррисон аба ырайынын өзгөрүшү менен бирге өрттү токтотуу аракети да күчтөндүрүлгөнүн, Өкмөт жакынкы 2 жыл ичинде тилсиз жоодон жабыркаган жаратылышты, чарбаларды калыбына келтириүү үчүн 1,39 млрд. доллар бөлүүнү карап жатканын ММКларга билдирген.

Анын айтымында, Австарлиянын бийлиги азыр өрт жалмап кеткен фермаларды, муниципиалдык мекемелер менен инфраструктураны калыбына келтирүү үчүн колдо бар ресурстун баарын жумшаганга даяр турат.

Эске сала кетсек, бул каргашадан жалпысынан 24 адам көз жумуп, флора менен фаунада жашаган 8 миң коал жана миллиондогон башка жаныбарлар өлүмгө учурады. Жүздөгөн асыл тукум мал чарбалары да кызыл жалындын кучагында талкаланды.

«Чек ара» коомдук бирикмеси түзүлдү — максаты

Informator.kg — Баткен облусунун депутаттары «Чек ара» коомдук бирикмесин түзүштү.

Коомдук бирикме аталган облустун коңшу өлкөлөр менен чек арасын аныктоо иштерин көзөмөлдөп, чек арага жакын айылдардын социалдык көйгөйлөрүн чечүү багытында иш алып бармакчы.

«Чек ара маселесине олуттуу кароо керек. Биздин сунуштар, пикирлер көз жаздымда калууда. Андыктан расмий топ түзүп иш алып баралы деп чечтик», — дейт жергиликтүү кеңештин депутаттары.

Лейлек районунун депутаттары президентке, премьер-министр жана Жогорку Кеңшке 12 сунуш менен кайрылуу жолдошкон. Ага 85 жергиликтүү депутат кол койгон. Бирок, алардын кайрылуусуна азыр эч кандай жооп жок. Райондун депутаттары өлкө жетекчилеринин кабыл алуусун да күтүүдө.

Чек ара. Сооронбай Жээнбеков Ак-Сайдын тургундары менен жолугушту

25.07.19 informator.kg Президент Сооронбай Жээнбеков бүгүн Баткен облусунун Ак-Сай айылынын тургундары менен жолугушту. Бул тууралуу президенттин маалымат кызматы кабарлады.

Мамлекет башчысы чек ара толугу менен көзөмөлдө экенин, эми чек ара аймактарын көзөмөлдөгөн патрулдук иш туруктуу негизде жүргүзөрүн белгиледи. Сооронбай Жээнбеков ошондой эле, аймактагы көйгөйлөр чечилерине убада кылып, элди чагымчыл аракеттерге алдырбоого чакырды.

«Күч органдарынын кызматкерлери менен эриш-аркак аракет кылыңыздар. Элибиз байыртадан кең пейил, меймандос эл. Биз коңшу өлкө менен жакшы мамилени сактоого, бекемдөөгө умтулушубуз керек. Чыр-чатактын кайсынысы болбосун, зыян гана алып келет. Сабыр күтүп, токтоо бололу. Бардык маселени чечебиз, ага убакыт гана керек. Балдарыбыздын келечеги үчүн, өлкөнүн келечеги үчүн — тынчтыкты сактообуз зарыл», — деп баса белгиледи президент.

Ошондой эле, президент чек ара көйгөйлөрүнө байланыштуу жергиликтүү тургундардын пикирлерин укту.

Мамлекет башчысы Ак-Сай айылында жергиликтүү тургундар менен жолугушуудан кийин чектеш Тажикстандын Исфара шаарына Тажикстандын президенти Эмомали Рахмон менен жолугушууга жөнөп кетти.

Кубанычбек Кулматов тергөөдөгү башаламандыкты айтты

Камакта жаткан мурдагы Бишкек мэри Кубанычбек Кулматов тергөөдөгү баш аламандыкты сотто айтты.

Бишкек шаардык сотундагы баш коргоо чарасын караган сотто ал «Мага эмдигиче эмнеге айыпталып жатканым боюнча иш менен тааныштырып, колума бере элек. Бул тергөө менен прокуратурадагы жеткен башаламандык. Эмнеге отурам билбейм..»,-дейт ал.

Эске сала кетсек ал, ТВЕА компаниясынын Бишкек ЖЭБин реконструкциялоо долбоорунун алкагында салган мектебинде коррупцияга жол берген деп айыпталып келет.

Токтогул. Тургундар кендердин түбөлүккө казылбашын талап кылышты

Informator.kg 08.10.19 Токтогул районунун Үч-Терек, Кызыл-Өзгөрүш айыл аймактарынан 500гө жакын адам геологиялык чалгындоо ишине нааразы болуп, элдик жыйынга чогулушту. Кен түбөлүк казылбашы керек деген талапты койгон тургундар менен аким баш болгон бийлик өкүлдөрү жолукту. Бул тууралуу Turmush.kg маалымат агенттиги жазып чыкты.

Маалым болгондой, райондогу геологиялык чалгындоо иштерин Кызыл-Өзгөрүш, Үч-Терек айыл аймактарындагы Такталык, Каргыш, Кокуй-Бел жана Кара-Кыр участкаларында «Кирекс Оф Минералс» компаниясы жүргүзгөн. Энергетика, өнөр жай жана жер казынасын пайдалануу мамлекеттик комитети жалпысынан ал үчүн 21 миң гектардан ашуун жер берген. Аймактарды чалгындоого айылдык кеңештин депутаттары да макулдук берип, токтом чыгарып беришкен. Бирок элдин нааразычылыгынан улам Үч-Терек айылдык кеңештин депутаттары 2017-2018-жылдары чалгындоого уруксат берген токтомдорун өздөрү быйыл артка кайтарып алышкан.

Үч-Терек айыл өкмөтүнүн жергиликтүү кеңештин депутаты Зыпарбек Кулманбетов: «Кезегинде элге маалымат жеткиликтүү берилбей калган, анан өзүбүздө толук кандуу маалымат болбостон чалгындоо ишин жүргүзүүгө уруксат берип койгонбуз. Элдин талабынан улам макулдук берилген токтомду жокко чыгардык. Биз эми айыл аймакта чалгындоо ишине байланышкан лицензияларды жокко чыгаруу маселесин коюп жатабыз. Биз жайыттарды жок кылып албайлы деп ушул макулдук берген токтомду кайтарып алдык. Учурда Ничке-Сай, Өзгөрүш айыл өкмөттөрүнүн жергиликтүү кеңештин депутаттары да биздин чечимди колдошуп, алар дагы кайтарып алуу жагын карап жатышат», — деди.

М. Абылгазиев АРИСтин долбоорлору боюнча жыйын өткөрдү. — АРИСтин долбоорлору

Informator.kg — 3.10.19 Кыргыз Республикасынын Премьер-министри Мухаммедкалый Абылгазиев Коомчулукту өнүктүрүү жана инвестициялоо агенттиги (АРИС) тарабынан жүзөгө ашырылып жаткан долбоорлорду талкуулаган жыйын өткөрдү.

Бүгүнкү күндө  агенттик тарабынан суу менен камсыз кылуу жана сууну буруу, социалдык инфратүзүм, жайыттарды жана мал чарбасын жакшыртуу багыттары боюнча иштер аткарылууда. 

Учурда АРИС жалпы суммасы 205 млн доллар болгон 12 долбоорду ишке ашырууда. Алар төмөнкү багыттар боюнча: 

— айыл жергесин суу менен камсыз кылуунун жеткиликтүүлүгүн, сапатын жана санитариялык абалын жакшыртуу;

— социалдык жана экономикалык инфраструктуралык объектилерге      жеткиликтүүлүгүн жакшыртуу;

— мал чарбачылыгынын өндүрүмдүүлүгүн жогорулатуу, жайыт жамааттарынын кирешесин көбөйтүүгө жана экономикалык жактан өсүүсүнө жардам берүү;

— сейсмикалык туруктуулугун жогорулатуу жана энергонатыйжалуулугу жогору технологияларды колдонуу менен шаардык инфраструктураны башкаруу.

Өкмөт башчы учурда калкты ичүүчү таза суу жана сугат суу менен камсыз кылуу маселеси, айрыкча аймактарда курч болуп турганын белгиледи.

Анын айтымында, эл аралык изилдөөлөргө ылайык, дүйнө жүзү боюнча жылдан-жылга суунун запасы азаюуда,  буга байланыштуу аны үнөмдүү колдонууну камсыз кылуу керек. 

«Суу ресурстары ар бир өлкө үчүн баа жеткис кенч, ошондуктан биз аяр жана үнөмдүү колдонууну камсыз кылышыбыз керек. Кыргыз Республикасынын Президенти Сооронбай Жээнбеков жарандарды ичүүчү таза суу жана сугат суу менен камсыз кылуу боюнча маселесине өзгөчө артыкчылыктуу маани берет. Бул маселени комплекстүү чечүү менен жөнөкөй жарандардын жашоо шартын жакшыртууга шарт түзүлөт, ошондой эле айыл чарбасын өнүктүрүүнү шарттайт» — деп белгиледи Мухаммедкалый Абылгазиев.

Премьер-министр ошондой эле суу объектилерин оңдоп-түздөө жана инфратүзүмдү өнүктүрүүгө тартылган каражаттарды натыйжалуу колдонуунун маанилүүлүгүн белгиледи. 

«Милдеттер көп. Калкты ичүүчү таза суу менен камсыз кылуу боюнча белгиленген максаттарды тездетүү үчүн бардык чараларды кабыл алуу керек. Калктын зарыл болгон муктаждыктарын аныктоо, социалдык мобилизациялоо иш-чараларын өткөрүү, жергиликтүү өз алдынча башкаруу органдары тарабынан жергиликтүү аймакты өнүктүрүүнүн стратегиялык планын түзүү жана жаңылоо, инвестицияларды натыйжалуу колдонуу, — мунун бары тийиштүү органдардын АРИСтин өкүлдөрү менен биргелешкен ишин талап кылат», — деди Премьер-министр.

Мухаммедкалый Абылгазиев министрликтердин жана мекемелердин жетекчилерине Коомчулукту өнүктүрүү жана инвестициялоо агенттиги менен иштерди активдештирүүнү жана эки жуманын ичинде аткарылган иштер жана маселелерди чечүү жолдору тууралуу маалымат берүү тапшырмасын берди. 

Дамирбек Асылбек уулу Кыргызстанга экстрадицияланды

Бишкек. Informator.kg 2018-жылы Казакстанда контробандага шектелип кармалган ЖКнын 6-чакырылышынын депутаты, спортчу Дамирбек Асылбек уулу кечээ, 18-ноябрда Кыргызстанга экстрадицияланды. Бул тууралуу өздүк булактардан маалым болду.

Анын менен кошо кармалган эки кыргызстандык жаран да жаза мөөнөтүн мындан ары Кыргызстандын ЖАМКсынын алдында өтөшмөкчү.

Эске сала кетсек, соттор Дамирбек Асылбек уулунун контробандалык жүктөргө, трансулуттук кылмыштуу топторго тиешеси бар экендиги далилденген эмес. Бирок, сот аны 10 жылга эркинен ажыраткан.

Алар менен кошо кармалган 28 адамга да Алмата шаардык соту өкүм чыгарып, тарапташтары нааразы болуп келет.

Бишкек. Из ящика для пожертвований украли все деньги

Informator.kg — В жилмассиве «Ак Орго» в Бишкеке злоумышленники украли из урны для пожертвований 35 тысяч сомов.

Деньги собирали в магазине «Ак-Орго» для малоимущих граждан. 16 октября около 18.00 их украли. Пострадавшие обратились с заявлением в милицию.

Как сообщают в ГУВД Бишкека данный факт был зарегистрирован в Едином реестре преступлений и проступков, ведутся поиски подозреваемых.