Окуялар

Окуялар Страница 2

Тендер. Коррупцияга шектелген мам.каттоонун кызматкерлери боюнча сот чечими чыкты.

Жаңы муундагы биометрикалык паспортторду даярдоодо бланктарды сатып алуу боюнча өткөрүлгөн тендерде коррупцияга шектелген Мамлекеттик каттоо кызматынын мурунку Статс-секретары “Б.Д.Б.”, төрага орун басары “С.Р.Р.” жана “Инфоком” мамлекеттик ишканасынын мурунку башчысы “А.Т.Т.” карата Бишкек шаарынын Биринчи Май райондук соту тарабынан өкүм чыгарылды.
Тергөө органдары тарабынан аталган кызматкерлерКР “Мамлекеттик сатып алуулар жөнүндө” мыйзамын бузуп, мамлекеттин эсебинен жеке өздөрүнө материалдык пайда көрүү үчүн шарттарды түзгөндүгү аныкталды.
Жыйынтыгында, Мамлекеттик каттоо кызматынын кызматкерлери КР Кылмыш-жаза кодексинин 319-беренесинин 1-б. (Коррупция) боюнча күнөлүү деп табылып, жумшартуу шарттарын эске алуу менен “С.Р.Р” 270 000 сом, “А.Т.Т.” 270 000 сом, “Б.Д.Б.” 230 000 сом мамлекетке айып төлөө милдеттендирилди.
Аталган кызматкерлерге карата өкүм чыгарууда сот айыпталуучулардын кылмышты тергөөдө жана айкындоого багытталган келишимдин бардык шарттарын жана милдеттенмелерин так сактагандыгын, жана ошондой эле күнөөлөрүн толугу менен мойнуна алып, өкүнгөндүгүн эске алды.
Белгилей кетсек, сотко чейинки өндүрүштүн алкагында Мамлекеттик каттоо кызматынын мурунку Төрайымы А.К.Шаикова коррупция боюнча айыпталып, азыркы учурда эл аралык издөөдө.
Учурда биометрикалык паспортторду даярдоодо бланктарды сатып алуудагы тендердеги коррупция фактысы боюнча бардык катыштыгы бар адамдарды аныктоо жана жоопко тартуу багытында тергөө иштери уланууда.

Индиялык дыйкан иттерин эмне себептен боёгондугун түшүндүрдү.

Индиялык дыйкан өз иттерин кара жана сары түскө боёп салган. Мындай метод дыйкандын плантацияларына зыян алып келген маймылдарга каршы колдонулган.

«Маймылдар боёлгон иттерди жолборс деп ойлоп, алыстан көрүп эле, плантацияларга келбегенге аракет кылышууда»,- дейт дыйкан.

Буга чейин ал оюнчуктарды коюп келген, бирок оюнчуктар кыймылдабай тургандыктан жана алардын түсү күндөн тез өчкөндүктөн эффективдүү болгон эмес. Ал эми дыйкандын айтымында иттердеги боёктор 1 айга жетет.

«Ишеним суроосу…» Украинанын Өкмөт башчысы арызын жазды

Бишкек.18.01.20. informator.kg Кечээ, Украинанын Премьер-министри Алексей Гончарук Президент Владимир Зеленскийге кызматтан кетүү арызын жолдогон. Бул тууралуу ал соцтармактарга өзү жарыялаганын биринчилерден болуп «КоммерсантЬ» жазып чыккан.

Түшүндүрмөсүндө Өкмөт башчы арызды «Президентке болгон ишеним менен сый-урматка болгон ар кандай шектенүүлөрдү жок кылуу үчүн»

«Мен кызматка президенттин программасын ишке ашыруу үчүн келгемин. Ал мага ачыктык менен адептүүлүктү үлгүсү. Бирок, биздин президентке болгон ишеничибиз менен сый-урматыбызна болгон баардык шектенүүлөрдү жок кылуу үчүн арызымды жазып, Президенттин парламентке жолдоосун сурандым»,-дейт А. Гончарук.

Азырынча Президенттин кеңсеси арыз келгенин, ал каралып жатканын, Владимир Зеленский ал боюнча кийинчерээк кандай чечим алаарын жарыялай турганын айтышкан.

Эске сала кетсек, бул абалга жергиликтүү Ютуб-каналдардын бириндеги өкмөттүн жыйыны тууралуу сюжет себеп болгон. Анда А.Гончарук «Зеленскийдин экономикалык процесстерге болгон түшүнүгү өтө эле примитивдүү» деп айткан жери бар.

Муну өкмөт башчы «монтаждалган аудио, акыркы учурда өкмөттүн жыйындарындагы сөздөрдү бурмалап, фрагменттерди кесип,курап, жарандарга жалган билдирүү тараткан сайттар арбыды, мен андай сөздөрдү эч качан айткан эмесмин»,- дейт.

Кыргызстанда телесериал тартуу үчүн өкмөт 30 млн сом бөлдү.

Кыргызстанда тематикалык телесериалдарды тартуу үчүн Маданият, маалымат жана туризм министрлигине 30 млн. сом бөлүндү.

Бул тууралуу премьер-министр Мухаммедкалый Абылгазиев 17-январда «Дарак ыры» мюзиклинин авторлору менен жолугушканда айтты.

Өкмөттүн басма сөз кызматы тараткан маалыматка караганда, Абылгазиев бул каражат балдарды руханий өнүктүрүү жана тарбиялоо үчүн мамлекеттик буйрутманын алкагында бөлүнгөнүн билдирди.

— Тасмада эң башкы үч тема – адам, үй-бүлө, мекен болуш керек. Албетте, негизги принциптер сакталган болсо, жанрлар жана сюжеттер боюнча эч кандай чектөөлөр болбойт, – деди премьер-министр.

Жолугушууда Мухаммедкалый Абылгазиев «Дарак ыры» мюзиклинин режиссеру жана сценаристи Айбек Дайырбековго премьер-министрдин энчилүү саатын тапшырды.

«Дарак ыры» — сүйүү, жаратылыш, салт-санаа темасын камтыган тарыхый мюзикл жана кино дастан. Ал буга чейин бир катар эл аралык сыйлыктарды алган.

Билим министрлигин сотко беребиз деген мугалимдердин айлыгы кыскарды.

Жалал-Абад облусунун Аксы районундагы мугалимдер Билим берүү жана илим министрлигин сотко беребиз сотко беребиз дегенден кийин майрам күндөрү кыркылган айлык акы төлөнмөй болду. Бул тууралуу Аксы райондук билим берүү бөлүмүнүн башчысы Талант Эмилбек уулу билдирди.

Анын айтымында, министрлик 1-январь жана 7-январь күндөргө акы төлөп бермей болду.

«Мугалимдердин даттануусунан кийин Билим берүү жана илим министрлиги менен байланышып, тактадык. Министрликтен майрам күндөрү кыркылган айлык акыны төлөп берерин билдирди», — деди Т.Эмилбек уулу.

Буга чейин Аксы районундагы А.Жаныбеков орто мектебинин социалдык педагогу, жергиликтүү кеңештин депутаты Тилеген Керимкулов майрам күндөрү мугалимдердин маянасы кыскартылганы үчүн алар Билим берүү жана илим министрлигин сотко беришерин айткан.

Президент уволил судью городского суда — подробнее.

Судья Ошского городского суда Айнура Сулайманова досрочно освобождена от должности. Президент Сооронбай Жээнбеков подписал соответствующий указ. Об этом сообщает пресс-служба главы государства. 

Уточняется, что с предложением об освобождении к президенту обратилась дисциплинарная комиссия при Совете судей, куда поступило представление от прокуратуры Ошской области. 

Айнура Сулайманова при рассмотрении уголовного дела в отношении обвиняемого в совершении особо тяжкого преступления, связанного с наркотиками, вынесла судебный акт о принудительном применении мер медицинского характера, не исследовав все обстоятельства. В материалах дела нет также заключения судебной экспертизы.

Вышестоящая инстанция акт отменила, обвиняемый был признан виновным и приговорен к 10 годам лишения свободы.

Кроме того, судья Айнура Сулайманова изменила санкцию на домашний арест члену ОПГ по прозвищу Казак, подозреваемому в изнасиловании несовершеннолетней.

Кыргызстанда молдолорго 100$ айлык берүү сунушталды

Кыргызстанда молдолорго 100$ айлык берүү сунушталды. Мындай сунушту Турсубай Бакир уулу сунуштоодо.

Турсунбай Бакир уулу социалдык баракчасына «Молдолорго 100$ айлык берүү керектүү чара. Молдолор төрөлгөндө да , үйлөнгөндө да, сүннөтткө отургузуу маалында да жана өлгөндө да керектүү адамдар»,- деп сунушун калтырган.

Айып пул 3 эсе төмөндөтүлдү. Кандай өзгөрүүлөр бар?

Мыйзамда Бузуулар жөнүндө кодексинини 123-1-беренесинде (Транспорт каражаттарынын айдоочуларынын жол кыймылынын эрежелерин бузуусу) көрсөтүлгөн айрым бузуулар үчүн айып пулдун өлчөмү 3 миң сомдон 1 миң сомго чейин төмөндөтүлгөн.

Ага төмөнкү жол эрежелери кирет:

— жол белгилеринин талаптарын аткарбоо;

— жолдун жүрүүчү бөлүгүндөгү чийиндердин талаптарын аткарбоо (каршы кыймылдын тилкесине чыгуу менен кууп өтүү, же болбосо манёвр жасоо эрежелерин бузууларды кошпогондо);

— токтоо же токтоп туруу эрежелерин бузуу;

— коопсуз дистанцияны, интервалды сактабоо, же болбосо жолдун жүрүүчү бөлүгүндө транспорт каражаттарын жайгаштырууну бузуу же автомагистралда жүрүү эрежелерин бузуу;

— светофордун тыюу салуучу сигналы же жөнгө салуучунун тыюу салуучу жаңсоосу болгондо жол белгилери же жолдун жүрүүчү бөлүгүнүн чийиндери менен белгиленген стоп-линиянын алдында токтоо жөнүндө Жол кыймылынын эрежелеринин талаптарын аткарбоо;

— каршы кыймыл тилкесине чыкпай туруп кууп өтүү же маневр жасоо эрежелерин бузуу;

— тышкы жарык берүүчү приборлорду же болбосо эскертүүчү сигналдарды пайдалануу эрежелерин бузуу (бардык механикалык транспорт каражаттарына сутканын жарык убагында калктуу конуштардан тышкары жерлерде фаранын жандырылган жакын жарыгы менен жүрүү талаптарын кошпогондо).

Ал эми жалган же жасалма мамлекеттик каттоонун номердик белгилери (белгиси) менен башкаруу бузуулар категориясынан (айып пулу 10 000 сом) жоруктар категориясына өткөзүлүп, айып пулу 20 000 сомдон 30 000 сомго чейин көбөйтүлдү.

«Ысык-Көлдө Казахстандын төрт анклавы бар». Бекназаров айрым документтерди эстеди.

Саясатчы, Кыргызстандын Малайзиядагы элчиси Азимбек Бекназаров  кыргыз жерлеринин коңшуларга өтүп кетишине Адахан Мадумаровду күнөөлөдү. Бул туурасында бүгүн, 16-январда өткөргөн маалымат жыйынында билдирди.

Анын айтымында, учурда «Бүтүн Кыргызстан» саясий партиясынын негиздөөчүсү Адахан Мадумаров экөө 2005-жылы Акаевге каршы «Акаевге отставка, эл үчүн реформа» деген кыймыл түзүшкөн. Бирок шайлоонун алдында Мадумаров кыймылдан чыгып кеткен.

Бирок мен ага карабай, көп жылдан берки саясий позициясын, акылдуулугун, курчтугун эске алып,  Бакиевге кирип, социалдык өнүгүү боюнча вице-премьер-министр кызматына койдургам.  Бирок ал Өкмөткө кирери менен биз менен эмес, дароо эле Данияр Урицкий (Данияр Үсөнов-ред.) менен колтукташып кетти. Ошондон баштап 2010-жылга чейин Адахандын үнүн үч жерде гана уккансыңар, — деди Бекназаров.

Ал Мадумаровдун үч тарыхый документке кол койгондугун айтып, төмөнкүлөргө токтолду:

«Казак-кыргыз чек арасы каралып жатканда Каркыра, Көк- Сай, Токмоктун маңдайы, Маймак баардыгын казактарга өткөрүп берген. Тарыхый документте Жогорку кеңештин төрагасы Мадумаровдун «макул» деген добушу менен анын колу турат.

Азыркы учурда Айбалаев менен тартышып жүрбөйбү? Чек ара боюнча меморандумда Улуттук коопсуздук кеңешинин катчысы катары Адахандын колу бар. Анын ошол кызматта туруп меморандумга кол койгонго укугу бар беле? Өкмөт, Жогорку Кеңеш, Президент кол койгонго укук берген эмес.

Ысык-Көлдүн жээгинде Казакстанга өткөн 50 гектар жери менен төрт анклав бар. Алар Казакстанга мөөнөтсүз өткөрүлүп берилген. Мадумаров, Данияр Үсөнов экөө кезексиз жыйын өткөрүп, казактарга өткөрүп берген. Чек араны бир күндө өткөрүп берген. Ал жерде да Мадумаровдун колу турат».

Андан башка дагы Мадумаров 2009-жылы сунушталган «Кыргызстандын президентин Президенттин алдындагы кеңешме аныктайт» деген мыйзамдын автору экендигин кошумчалады.

Ошондой эле шайлоого партиялык тизме менен шайлансын деген мыйзамды да Мадумаров, Бакиев, Медет Садыркулов даярдап алып келгенин белгиледи.

Сөзүнүн аягында ал өзүнүн сатылбагандыгын айтып, Мадумаров менен айтышпай турганын, баары алдында жооп бере турганын билдирди.

Эске салсак, Мадумаров өзүнө карата айтылган жогорудагы сындарды четке кагып келет.