Окуялар

Окуялар Страница 3

«Ысык-Көлдө Казахстандын төрт анклавы бар». Бекназаров айрым документтерди эстеди.

Саясатчы, Кыргызстандын Малайзиядагы элчиси Азимбек Бекназаров  кыргыз жерлеринин коңшуларга өтүп кетишине Адахан Мадумаровду күнөөлөдү. Бул туурасында бүгүн, 16-январда өткөргөн маалымат жыйынында билдирди.

Анын айтымында, учурда «Бүтүн Кыргызстан» саясий партиясынын негиздөөчүсү Адахан Мадумаров экөө 2005-жылы Акаевге каршы «Акаевге отставка, эл үчүн реформа» деген кыймыл түзүшкөн. Бирок шайлоонун алдында Мадумаров кыймылдан чыгып кеткен.

Бирок мен ага карабай, көп жылдан берки саясий позициясын, акылдуулугун, курчтугун эске алып,  Бакиевге кирип, социалдык өнүгүү боюнча вице-премьер-министр кызматына койдургам.  Бирок ал Өкмөткө кирери менен биз менен эмес, дароо эле Данияр Урицкий (Данияр Үсөнов-ред.) менен колтукташып кетти. Ошондон баштап 2010-жылга чейин Адахандын үнүн үч жерде гана уккансыңар, — деди Бекназаров.

Ал Мадумаровдун үч тарыхый документке кол койгондугун айтып, төмөнкүлөргө токтолду:

«Казак-кыргыз чек арасы каралып жатканда Каркыра, Көк- Сай, Токмоктун маңдайы, Маймак баардыгын казактарга өткөрүп берген. Тарыхый документте Жогорку кеңештин төрагасы Мадумаровдун «макул» деген добушу менен анын колу турат.

Азыркы учурда Айбалаев менен тартышып жүрбөйбү? Чек ара боюнча меморандумда Улуттук коопсуздук кеңешинин катчысы катары Адахандын колу бар. Анын ошол кызматта туруп меморандумга кол койгонго укугу бар беле? Өкмөт, Жогорку Кеңеш, Президент кол койгонго укук берген эмес.

Ысык-Көлдүн жээгинде Казакстанга өткөн 50 гектар жери менен төрт анклав бар. Алар Казакстанга мөөнөтсүз өткөрүлүп берилген. Мадумаров, Данияр Үсөнов экөө кезексиз жыйын өткөрүп, казактарга өткөрүп берген. Чек араны бир күндө өткөрүп берген. Ал жерде да Мадумаровдун колу турат».

Андан башка дагы Мадумаров 2009-жылы сунушталган «Кыргызстандын президентин Президенттин алдындагы кеңешме аныктайт» деген мыйзамдын автору экендигин кошумчалады.

Ошондой эле шайлоого партиялык тизме менен шайлансын деген мыйзамды да Мадумаров, Бакиев, Медет Садыркулов даярдап алып келгенин белгиледи.

Сөзүнүн аягында ал өзүнүн сатылбагандыгын айтып, Мадумаров менен айтышпай турганын, баары алдында жооп бере турганын билдирди.

Эске салсак, Мадумаров өзүнө карата айтылган жогорудагы сындарды четке кагып келет.

Жогорку Кеңеште Баткенге суу сактагыч куруу сунушталды.

Жогорку Кеңештин депутаты Карамат Орозова: «Суунун көпчүлүк бөлүгүн Тажикстан жана Өзбекстан пайдаланат. Ошентсе да Баткен суу таңкыстыгы бар жер болуп эсептелинет. Ошондуктан, Баткендеги суу таңкыстыгын жоюу максатында суу сактагычтарды жана БСРлерди курууну сунуштайм»,- деп депутат.

Атамбаев үй-бүлөсү менен жолукту.

Абакта олтурган Алмазбек Атамбаевге уулу Сеид Атамбаев менен жолугууга уруксат беришти. Бул туурасында мурунку президенттин жактоочусу Сергей Слесаревге таянып, 24.kg жазды.

Жактоочунун айтымында, УКМКнын Тергөө абагында отурган экс-президент жубайы жана кичүү уулу Кадыр менен да жолукту.

«Атамбаевдин ден соолугу жакшы, эч нерсеге арызданган жок. Кой-Ташта 7-8-августта болгон окуялар боюнча кылмыш иштин материалдары менен таанышып жатам. Экспертизалардын корутундусу менен жарым-жартылай тааныштым», — деп билдирген Сергей Слесарев.

Эске салсак, камакта отурган мурунку президент Алмазбек Атамбаев уюшкан кылмыштуу топтун кызыкчылыгы үчүн коррупцияны уюштурууга, башкача айтканда, кримтөбөл Азиз Батукаевдин абактан мөөнөтүнөн мурда бошотулушуна тиешеси бар деп шектелип жатат.

Аваз Акимов менен Айдана Дека кыздуу болушту.

Ырчы Аваз Акимов менен Айдана Дека кыздуу болушту. Бул тууралуу ырчылардын санаалаштары социалдык тармактагы баракчаларына жазышты.
Эскерте кетсек, түгөйлөр 2019-жылдын март айында баш кошушкан.

Кыргызстанда бак-дарактарды отургузуу күнү белгиленет.

Бүгүн, 15-январда Жогорку Кеңеш жыйынында “Март айынын үчүнчү аптасынын ишемби күнүн “Бак-дарактарды отургузуунун жалпы улуттук күнү” деп жарыялоо жөнүндө” токтомдун долбоору каралды. Бул тууралуу Жогорку Кеңештин басма сөз кызматы билдирди.

Демилгечи депутат Айнуру Алтыбаева токтом долбоору боюнча баяндама жасады.

Долбоор экологиялык жана санитардык абалды жакшыртуу, республикадагы шаарлар менен калктуу конуштардын аймактарын жашылдандыруу, бак-дарак аянттарын көрктөндүрүүнү жана көбөйтүүнү колдоо максатында даярдалган. Ошондой эле атмосфералык абаны булгоочу заттардын концентрациясы көбөйүп жаткандыгы да бул токтом долбоорунун иштелип чыгышына себеп болгон.

Депутат А.Алтыбаеванын айтымында, бак-дарак отургузуу күнү сыяктуу күндөр Россияда, Казакстанда, Кытайда жана башка бир катар өлкөлөрдө белгиленип, өз натыйжасын берип келүүдө.

Долбоорго ылайык, ар жылдын март айынын үчүнчү аптасынын ишемби күнүн Бак-дарактарды отургузуунун жалпы улуттук күнү деп жарыялоо менен облус, район, шаар бийликтери бак-дарак көчөттөрүн отургузуу, аларды асыроо жана сактоо иш-чараларын көрөт.

Талкууда каржы булактарын издеп табуу маселеси боюнча КР Өкмөтү менен макулдашылгандыгы такталды. А.Алтыбаеванын маалыматында, токтом менен талап кылынуучу бак-дарак маселеси боюнча өлкө аймагындагы питомниктерде көчөттөр жетиштүү.

Депутат Исхак Масалиев бул маселени Өкмөткө тапшырма катары эле берүүнү сунуштап, атайын токтом кабыл алып, ага улуттук деген макам берүүнүнүн зарылчылыгы жоктугун айтты. Мындай пикирди депутаттар Акылбек Жапаров, Курманкул Зулушев улады.

Атамбаев 15-мартка чейин камакта калды.

Биринчи май райондук соттун чечими менен мурдагы президент Аламзбек Атамбаев 2020-жылдын 15-мартына чейин камакта калтырылды. Ошондой эле соттук териштирүүнүн мөөнөтү да узартылган.

Азиз Батукаевдин бошотулушу боюнча, убактылуу атайын комиссиянын корутундусунда, анын бошотулушу Атамбаевдин көрсөтмөсү менен уюштурулгандыгы айтылат.

Бул факт боюнча А. Атамбаевге, И. Жолдубаевага (президенттин аппаратынын соттук реформа жана мыйзамдуулук бөлүмүнүн мурдагы башчысы), К. Качкыналиевге (Жазаларды аткаруу мамлекеттик кызматынын төрагасынын мурдагы кеңешчиси) жана А. Раимжановго (Улуттук гематология борборунун мурдагы директору) коррупция беренеси боюнча айып тагылган.

Митинг. Президентке 6 талап коюлду.

Бүгүн Бишкекте кыргыз-тажик чек арасындагы жаңжалга байланыштуу митинг өттү. Акцияга Баткен облусунун тургундары жана жарандык активисттер катышты.

Нааразы болгон тараптын алдына президенттин жана өкмөттүн аппаратынан бир дагы өкүл чыккан жок. Митингге депутаттар дагы көңүл бурушпады.

Нааразычылык акция аяктагандан кийин чогулгандар мамлекет башчысына кайрылуу жолдошту. Анда Сооронбай Жээнбековго 6 талап коюлган:

  • жергиликтүү калктын өкүлдөрүн кабыл алуу;
  • Көк-Таш айылынын камактагы тургундарын бошотуу;
  • чек арага жакын жайгашкан райондордун тургундарынын коопсуздугун камсыздоо үчүн элдик кошуундарды түзүү;
  • Чек арачылардын жана күч органдарынын кызматкерлеринин санын көбөйтүү, техникалык жабдууну жакшыртуу;
  • чек арага жакын жайгашкан райондорго өзгөчө макам берүү жана губернатор институтун кайтарып берүү;
  • вице-премьер-министр Жеңиша Разаковду ишенимден кеткендиги үчүн кызматтан бошотуу.

Орусиянын түзөтүү колониясында 1 миң 406 кыргызстандык бар.

Орусиянын түзөтүү мекемелеринде 1 миң 405 кыргызстандык жаза өтөөдө. Бул тууралуу Кыргызстандын Орусиядагы элчилигинен кабарлашты.

Маалыматка ылайык, алардын 98 пайызы атайлап жасалган кылмыш үчүн (негизинен өз жердештерине карата жасалган кылмыштар) соттолгон.

«Орусиянын түзөтүү мекемелеринде жаза өтөп жаткан кыргызстандыктардын эсеби дайыма жүргүзүлөт. Бул багытта Орусия тарап менен бирге иштешүүнү күчөтүүнүн алкагында, Кыргызстандын ЖАМКнын өкүлчүлүгү былтыр Орусияда түзүлгөн», — деп билдиришти элчиликтен.

Задержаны подозреваемые по факту нападения на журналиста Болота Темирова.

По факту нападения на главного редактора интернет сайта «Factcheck.kg» Болота Темирова задержаны четверо подозреваемых лиц. Об этом сообщили в МВД.
Были задержаны следующие лица: Д..Б.,1993 гр, Б. А. 1993 гр, Ж.Э. 1992гр, О. А.1994 гр. все уроженцы Джалал-Абадской области.


14 января 2020 года в 07:00 часов утра в соответствии со статьей 98 УПК Кыргызской Республики вышеуказанные подозреваемые были водворены в ИВС ГУВД города Бишкек по подозрению в совершении преступления предусмотренного статьей 201 ч.2 п.1,2 ч.3 п.3 (Грабеж, совершенный группой лиц по предварительному сговору, с применением насилия) УК Кыргызской Республики. В настоящее время проводятся следственные действия направленные на установление всех обстоятельств совершенного преступления.

Балыкчы-Каракол жолундагы жол кырсыктан 2 адам көз жумду.

Балыкчы-Каракол трассасындагы жол кырсыгынан унаа күйүп, 2 адам каза болду. Бул тууралуу КР Өзгөчө кырдаалдар министрлиги билдирет. (Иллюстрациялык сүрөт)

Маалыматка ылайык, жол кырсыгы унаа жолдун 55-чакырымында (Өрнөк айылы) катталып, “КамАЗ” үлгүсүндөгү оор жүк ташуучу унаа менен Mercedes — MAN үлгүсүндөгү оор жүк ташуучу унаалар кагышкан.

«Кырсыктын кесепетинен «КамАЗ» үлгүсүндөгү унаанын кабинасы күйүп, эки эркек киши каза болуп, дагы эки эркек киши жабыркаган. Каза болгон адамдардын жансыз денеси ИИМ кызматкерлерине өткөрүлүп берилген, ал эми жабыркаган адамдарды тез жардам кызматкерлерине өткөрүп беришкен», — деп айтылат маалыматта.

Кырсык болгон жерге Ысык-Көл райондук №32 ӨКБдан 2 бөлүм жана АКУ менен 3 куткаруучу тартылган.