Саясат

Саясат

Ирина Карамушкина: «Баарыбызды чогуу камап салгыла»

Бүгүн 12-декабрда Жогорку Кеңеш Кой-Таш окуясын иликтеген мамлекеттик комиссиянын ишинин жыйынтыгын талкуулайт.

Буга чейин бул маселе Укук тартиби, кылмыштуулукка жана коррупцияга каршы комитетинен эч кандай талкуусуз колдоо тапкан. Бир дагы суроо бербей депутаттар корутундуну бир добуштан колдоп беришкен. 

Андыктан, комиссиянын ишинин жыйынтыгын, анын объективдүүлүгүн депутат Ирина Карамушкина сындап чыкты.

«Мени президентти көп сындайсың деп дайыма айтышат, бирок ал депутаттар сыяктуу эле жалданма жумушчу. Анын үстүнө өлкөдө мыйзамсыздык өкүм сүрүп жатса кантип унчукпай кое аласың? Мага ЖЭБдин модернизация иштери боюнча соттолгондордун жакындары кайрылышты. Кылмыш иши 54 томду камтыган, алар документ, сүйлөшүүлөрдүн көчүрмөлөрү жана түшүнүк каттардан турат, бирок, коррупцияны же өлкөдөн чыгарылып кеткен акчаларды ырастаган анык далилдер анда жок. Мындан сырткары, күбөлөрдүн көпчүлүгү айыпталуучулардын пайдасына көрсөтмө беришкен. Буга карабай алар соттолду. Соттук реформа деген ушулбу?

Эл өкүлү Атамбаевге карата да акыйкат чечим кабыл алынарына ишенбесин кошумчалады.

«Убактыңарды коротпой баарыбызды чогуу эле камап салгыла да! Кой-Таштагы окуяларды иликтеген комиссияны кантип күч блогу боюнча вице -премьер Жеңиш Разаков жетектесин? Күлкүң келет! Бизди камаса камашсын, бирок биз баары бир Атамбаевди саясат майданынан алып салуу үчүн бардык иштер болгонун айта беребиз. Биз эки жолу митингге чыктык, эки жолу президентке кайрылуу жазып, бизге чыгып сүйлөшүүнү өтүндүк. Биз өлкө башчысын оппозиция менен мамилесин жакшыртууга чакырдык, бирок, андан ошол бойдон жооп болгон жок»- деди Ирина Карамушкина

Премьер-министр Мухаммедкалый Абылгазиев Нарын облусуна иш сапары менен кетти

Бишкек. Informator.kg Кыргыз Республикасынын Премьер-министри Мухаммедкалый Абылгазиев Нарын облусуна иш сапары менен кетти. Бул тууралуу өкмөттүн маалымат кызматынан кабарлашты.

Анда, Өкмөт башчы сапардын алкагында «Торугарт» көзөмөл өткөрүү пунктунда инспектордук-текшерүү комплекстин ишке киргизүү аземине катышаары айтылат.


«Ошондой эле, Өкмөт башчы Ат-Башы районунда курула турган индустриалдык-соода-логистикалык борборунун пайдубалына капсула салууга катышат»,-деп айтылат билдирмеде.

Блогер Афтандил Жоробеков Аскер прокуратурасында суралды

Бишкек. Informator.kg  Блогер Афтандила Жоробеков кечээ кечинде Аскер прокуратурасына чакырылып сурактын суроолоруна жооп берди. Бул тууралуу анын жактоочусу Тимур Султанов соцтармактарга жазды.

“Афтандилди дээрлик эки саатка чукул суракта кармашты. Анын кылмыш ишке күбө катары. Тергөөнүн кызыкчылыгынан улам биз экөөбүз тең сурактагы нерселерди сыртка чыгарбоо боюнча тил кат бергенбиз”,-деди ал.

Эске сала кетсек, УКМК тараткан маалыматтар боюнча, блогер Афтандил Жоробековго улуттар аралык кастыкты козутуу беренеси коюлганы айтылган.  Бирок коомчулукта, ал фейсбуктагы Беспредел.кg баракчасына  уйгур ишкери Абдулкадыр Хабибулланын паспортун жарыялаганы үчүн суралып жатканы айтылат.

Депутаттык комиссия сурак алуу үчүн «Азаттыктын» журналисттерин чакырды.

А.Саймаитинин өлүмүн изилдөө боюнча түзүлгөн депутаттык комиссия кезектеги отурумга сурак алуу үчүн “Азаттыктын” журналисттерин да чакырып жататат. Бул тууралуу 24.kg сайтына депутаттар кабарлады.

Маалыматка ылайык мурдагы Мамлекеттик Бажы кызматынын орун басары Райымбек Матраимов менен Стамбулдагы экс-консул Эркин Сопоков сурак беришет. Эркин Сопоков азыр УКМКнын убактылуу жайында.

Айеркен Саймаитини 10- ноябрда Стамбулда Фатих районунун кафелеринин биринде атып кетишкен. Саймаити менен бир топ кыргыз саясатчыларынын сүрөттөрү жарыяланып кеткен соң Жогорку Кеңеш анын өлүмүн иликтөөнү чечкен. Бажыдагы коррупциялык схемалар тууралуу журанилисттик иликтөөдөн киийн ал калк арасына бир топ чуулгандуу ойлорду жарткан.

Маалымдамада белгиленгендей Айеркен Саймаити, Кыргызстандан белгисиз адамдар тарабынан коркутуп үркүтүүлөр болгондон кийин ал Түркияга качып чыкканга мажбур болгон. МБКнын мурдагы орун басары Райымбек Матраимов УКМКнын тергөөчүлөрүнө сурак берип чыгып, Ширин Айтматованы жана журналисттерди сотко берээрин айткан.

Путин менен Зеленский Францияда жолугушат.

Informator.kg — Бүгүн, 9-декабрда Парижде Донбасстагы абалды жөнгө салуу боюнча “Норманд форматында” жолугушуу өтөт.

Украина, Германия, Франция жана Орусия Украинанын чыгышындагы куралдуу жаңжалды токтотуу жолдорун аныктоо үчүн акыркы үч жылдан бери биринчи жолу сүйлөшүү өткөрөт.

“Норманд төрттүгү” саммитинин алдында Киевде нааразылык акциясы өттү. AFP маалымдагандай, ага беш миңдей киши катышты.

Манифестация өткөрүүнү Жогорку рададагы оппозициячыл “Европа Тилектештиги”, “Батькивщина”, “Голос”, “Свобода” фракцияларынын депутаттары демилгелеген. Алар Зеленскийди бул кездешүүдө Украинанын позициясын бекем коргоого жана “кызыл чектен” өтпөөгө чакырып жатышат.

Бир күн мурда украин оппозициясы бул “чектердин” тизмесин жарыялаган. Ага ылайык, Путин менен кездешүүдө Украинанын аймактык бүтүндүгүнүн сакталышына басым жасалышы керек; федералдашууга жол берилбеши зарыл; Украина Европага багыт алган саясатынан кайтпайт; Крым Украинага кайтарылышы керек; Украинанын Орусиянын кадамдарына байланыштуу эл аралык соттогу доосу токтотулбайт.

Прокурор Кулматовду 15, Албек Ибраимовду 20 жылга эркинен ажыратууну суранды.

Informator.kg — Ленин райондук сотунда мурунку мэрлер Кубанычбек Кулматов менен Албек Ибраимовдун иши боюнча соттук процесс уланууда.

Мамлекеттик айыптоочу Кубанычбек Кулматовду күнөөлүү деп таап, аны 15 жылга эркинен ажыратууну жана мүлкүн конфискациялоону суранды. Мындан тышкары мамлекеттик кызматта 2 жыл иштөөгө тыюу салууну өтүндү.

Ал эми Албек Ибраимовду 20 жылга эркинен ажыратып, мүлкүн конфискациялоону, 3 жыл мамлекеттик кызматтан иштөөгө тыюу салууну суранды.

Коендой ошкоштук. Мамкаттоонун башчысы «Мерседестеги» айымды кармалаган киши ал эмес экенин айтты

Бишкек. informator.kg Интернетке Кечээтен бери «Коопсуз шаардын» камералары тарабынан Бишкектин көчөлөрүндө тартылган сүрөттөр интернетке тарап, коомчулуктун кызыгуусун арттырууда. Анда 578 ACD мамлекеттик номери төрт башка унаага тагылып жүргөнүн көрүүгө болот. Ал эми алардын биринде ушул 2019-жылдын 1-декабрында Ибраимов көчөсүндө 73 км-саат ылдамдыкта ошол номер тагылган ак «Мерседес» маркасындагы унааны башкарып, жанындагы айымдын көкүрөгүнө колун салып бара жаткан айдоочуну көрүүгө болот. Соцтрамактардын колдонуучулары бул айдоочу КРнын Мамлекеттик каттоо кызматынын башчысы Алмаз Мамбетовго окшош экенин айтып чыгышты.

Бирок, айрым ММКларга жооп кылган Алмаз Мамбетов сүрөттөгү айдоочу ага окшош экенин, бирок, анын мындай унаасы, номери жок экенин, дем алуу күндөрү кара түстүгө унаа айдаарын айткан.

Анын бул сөзүн экономист, мурдагы «Айылбанктын» төрагасы Кайрат Маматов да бышыктап, сүрөт тартылган убакта Алмаз Мамбетов жубайы менен бирге чогуу башка иш-чарада отурганын кошумчалады.

Президентке ишенишкен… Аткезчиликти айтып чыккан чегарачыларга издөө жарыяланды.

Бишкек. informator.kg Эки кн мурда «Азаттык», «Клооп» баштаган ММКлар Кыргызстандан мыйзамсыз, аткезчилик жол менен миллиондогон АШК доллары сыртка чыгарылып жатканы боюнча жаңы иликтөө жарыялаган болчу.

Анда маек берген Мамлекеттик чек ара кызматынын мурдагы эки офицери — майор Айбек Камчыбеков жана улук лейтенант Марлис Осмонбеков 2018-жылдын аягында “Манас” аэропортундагы көзөмөл-өткөрүү бекетине кезек башчылыкка бекитилишкенин, иштеп жаткан чакта мыйзам акчалар миллиондоп аэропорттон эле мыйзамсыз сыртка ташылып тураарын билип, ага каршы иликтөө иштерин баштаганда кызматтан алынышканын, демек, аткезчилик схемасына бажы кызматындагылар менен чек ара кызматынын жогорку жетекчилиги тарабынан уруксат берилип турганын, анын баары бекер болбогону тууралуу жаңы фактыларды айтышкан болчу.

Кечээ болсо, Чек ара кызматынын маалымат кызматы ал эки аскер кызматкерине Аскердик прокуратура тарабынан кылмыш иши ачылып, Кылмыштарды жана Жоруктарды Каттоо бирдиктүү Реестрине катталганын, учурда сотко чейинки өндүрүш жүрүп, аларга карата издөө жарыяланганын тастыктады.

«Айткандын оозу жаман». Ширин Айтматова УКМКда 5 саат сурак берди.

Бишкек. informator.kg Жазуучу Чыңгыз Айтматовдун кызы, «Үмүт-2020» коррупцияга каршы коомдук кыймылын түзгөн Ширин Айтматова кечээ кечинде УКМКга суракка чакырылып, дээрлик 5 сааттан кийин чыкты. Бул тууралуу ал өзүнүн социалдык тармактардагы баракчасына жазды.

«Сурак мыйзамдуу негизде тынч өттү. «Тянь-Шандын конторбандисттери» чыгармасын окуп чыгууга үлгүрдүм»,-деп жазган ал суроолор негизинен акча ташып иштеп, Истамбулда өлтүрүлгөн Эркин Саймаитинин өлүмү, ага болгон коркутуулардын тегерегинде болгонун белгиледи.

Эске сала кетсек, аталган иш боюнча азыркы Премьер-министр Муканбеткалый Абулгазиевден «Азаттыктын» журналистерине чейин суралаарын УКМКдан билдиришкен.

Рита Карасартова Президенттик аппараттан баш тартканын айтты

Бишкек. informator.kg «Башталгыч кесиптик билим берүү агенттигин реформалап, бул тармакты жакшыртуу боюнча пландарым бар. Буюрса, коомчулуктун колдоосу, министрликтин жардамы менен ишке ашырабыз. Депутаттардан тартып активисттерге чейин мени сындап жатышат, бирок, ал сындар мага дем берет, чыйралтат». Бул тууралуу биздин порталга укук коргоочу, мамлекеттк кызматка жаңы дайындалган Рита Карасартова билдирди.

Анын айтымында, ага бир канча сунуштар болуп келген жана өзүнүн реформалык пландарына ылайык ушул жерди тандаган.

Мага Социалдык өнүктүрүү министрлигинен жооптуу кызматты сунушташкан, кийинчерээк Президенттик аппаратта иштөөнү сунушташты. Мен баш тарттым, кийин ушул башталгыч кесиптик билим берүү агенттигин сунушташканда үч жума ойлонуп жүрүп макул болдум. Себеби, мен канткенде биз кесиптик билимдин сапатын арттырып, адистерди кесипкөй кылып чыга алабыз деген суроого даяр жооптор бар, биз иштейбиз»,-деди ал.

Эске сала кетсек, ал буга чейин бир катар ЖОЖдордо окутуучулук кылып, укук жаатында лекцияларды окучу.