Саясат

Саясат

Мамкаттоо кызматынын башчысы Алмаз Мамбетов отставкага кетти

Бишкек.13.02.20. informator.kg КРнын Мамлекеттик каттоо кызматынын башчысы Алмаз Мамбетов отставкага кеткени кабарланды. Өкмөттөн бул маалымат тастыкталганы менен анын себеби ачыкталган жок.

Буга чейин өздүк булактар аны Өкмөт башчынын биринчи орун басарлыгына бараарын кабарлашкан болчу.

Кезектеги орун алмашуу. Кубатбек Боронов Досалы Эсеналиевдин ордуна барабы?

Бишкек. 12.02.20. informator.kg Өкмөттөгү орун алмашуу токтобойт көрүнөт. Бизге жеткен маалыматтар боюнча, вице-премьер Кубатбек Боронов кызматын тапшырып, Президенттик аппараттын башчысы Досалы Эсеналиевдин ордуна барганы жатат. Ал эми Досалы Эсеналиев болсо бүгүн Президенттен жеме уккан Архитектура, курулуш жана коммуналдык чарба агенттигине башчы болуп дайындалаары айтылууда.

Ал эми бош калган Өкмөттүн 1-орун басарлыгына Мамлекеттик каттоо кызматынын төрагасы Алмаз Мамбетовдун келиши ыктымал.

Эгер бул маалыматтар чындыкка айланса, Мамкаттоого мурдагы төрага Дастан Догоев кайтып келиши да мүмкүн.

ТЭЦ чатагы. Күнөөкөр Салайдин Авазов 5 млн. сом төлөп бергенге макул

Бишкек. 12.02.20. informator.kg Бишкек шаардык сотунда Бишкек ЖЭБинин реконструкциясы боюнча козголгон кылмыш ишин кароо улантылып жатат. Бүгүнкү отурумда «Электр Станциялары» ААКсынын мурдагы башчысы Салайдин Авазов өзүнө тагылган айыпты моюндап, кылмыш ишинин квалификациясын которууну, 5 млн. сомго чейин айып пул төлөөгө макул экендигин айтты.

«ТВЕА менен келишим түзүү боюнча ошол кездеги Президент, анын аппараты Энергетика министрлигин жетекчилиги чечим кабыл алган соң, мен «Электр Станциялары» акционердик коомунун башчысы катары аларга каршылык көрсөтө алмак эмесмин. Ал эми ЖЭБдин реконструкциясы боюнча техникалык-экономикалык негиздемени талап кылганга чейин эле башка кызматка кеткемин»,-деген ал айып пул төлөөгө макулдугун айтып жатып.

Эске сала кетсек, буга чейин Бишкек ЖЭБи боюнча соттолуп жаткандардын бири Осмонбек Артыкбаев да айып пул төлөө менен жазадан кутулууну чечкен болчу.

Кто она? Автобиография нового заместителя министра МИД КР

Бишкек. 12.02.20. informator.kg Вчера, 11 февраля, распоряжением премьер-министра Мухаммедкалыя Абылгазиева статс-секретарем Министерства иностранных дел КР назначена Нуржан Бардинова. Она раньше работала статс-секретарем Государственного агентства по делам молодежи, физической культуры и спорта.

Резюме:

Бардинова Нуржан Арзыкуловна родилась 5 декабря 1972 года в селе Покровка Джеты-Огузского района Иссык-Кульской области. В 1994-м окончила Ошский государственный университет по специальности «русский язык и литература в национальной школе». В 2001 году окончила Кыргызский государственный национальный университет по специальности «юриспруденция», в 2004-м там же получила специальность «экономист».

Трудовая биография:

  • 1995-1996 — учитель русского языка и литературы в школе-интернате имени Терешковой в Оше;
  • 1996-1997 — инженер отдела кадров АО «Ошстрой»;
  • 1997-1999 — ведущий специалист комиссии по делам семьи, женщин и молодежи при Ошской областной госадминистрации;
  • 1997-1999 — бухгалтер (по совместительству) Центра женских инициатив «Аялзат»;
  • 1999-2001 — директор Общественного фонда содействия вовлечению женщин в малый и средний бизнес при Ошской облгосадминистрации;
  • 2000-2002 — ведущий специалист отдела здравоохранения управления социальной сферы, ведущий специалист сектора административных реформ управления государственного сектора Министерства финансов;
  • 2002-2004 — ведущий эксперт отдела социальной политики администрации президента;
  • 2003-2004 — директор (на общественных началах) проекта «Развитие детей младшего возраста на уровне общин»;
  • 2004-2005 — специалист по обучению детей младшего возраста и обучению родителей отдела управления проектом «Развитие детей младшего возраста на уровне общин»;
  • 2005-2008 — эксперт сектора социальной и гендерной политики отдела экономической и социальной политики, эксперт секретариата Национального совета по делам женщин, семьи и гендерному развитию, эксперт отдела социальной политики администрации президента;
  • 2008-2020 — статс-секретарь Государственного агентства по делам молодежи, физической культуры и спорта…

В феврале 2020 года назначена статс-секретарем Министерства иностранных дел.

Акрам Мадумаров: «Мугалимдерге сыйым эң жогору…»

Бишкек. 12.02.20 informator.kg «Менин мугалимдерге болгон сыйым эң жогору, алардын кесибин абдан баалайм. Өзүм да 4 жыл жогорку окуу жайында студенттерге сабак берип, мугалим болуп иштегенмин». Бул сөздү Жогорку Кеңештин жыйынында КРнын вице-премьерлик кызматына талапкер Акрам Мадумаров айтты.

Анын айтымында, Баткендеги мектептердин бириндеги «галстук окуясы» кесиптик окуу жайдын техникалык-педагогикалык абалын жакшыртуу маселесин карап жаткан учурда орун алган. «Мага албетте сырткы кийимден биринчи билим берүүүнүн сапаты, техникалык-материалдак базанын жетиштүүлүгү маанилүү»,-деди ал.

Эске сала кетсек, КРнын вице-пермьери Жеңиш Раззаков «үй-бүлөөсүнү каралбай кеткендигин» жүйө келтирип, кызматынан баш тарткан болчу.

Бакыт Абдиев кызматын тапшырат

Бишкек. 12.02.20 informator.kg Өкмөттүн алдындагы Архитектура, курулуш жана коммуналдык чарба агенттигинин башчысы Бакыт Абдиев бүгүн кызматтан кетүү тууралуу арыз жазаарын ММКларга билдирди. Анын айтымында, Президенттин сынынан кийин ал өзүнө ушундай чечим кабыл алган.

«Мен Президенттин сынынан кийин кызматымдан чегинип арыз жазууну туура деп эсептедим. Бул менин жоопкерчиликтен качуум эмес. Ооба, ишкерлер, куруучулар уруксат кагаздарын ала албай жаткандыктарын айтып арызданышты. Бирок, бул жерде айрым учурларды эске алуу керек. Мисалы, көптөрү жашыл зоналарга же кызыл линиялар өткөн курулуш курууга болбой турган жерлерге уруксат сурашат, мындайда биздин кызматкерлер аларга обьективдүү карап мыйзам чегинде уруксат беришпейт. Албетте, «Бирдиктүү терезе» жана башка долбоорлор иш жүзүнө ашуу алдында турат. Мен таза иштедим, кылмыш иши козголот деп коркпойм, мыйзам бузган жокмун. Агенттиктин кызматкерлерине ыраазычылык билдирем»,-деди ал.

Эске сала кетсек, бүгүн Мамлекеттик резиденцияда өткөн ишкерлер менен куруучулардын кеңешмесинде Президент С. Жээнбеков аны жемеге алып, «иштей албаса ордун бошотуу керектигин» айткан болчу.

Жеңиш Раззаковдун ордуна Акрам Мадумаров келеби?

Бишкек. 11.02.20 informator.kg

Бүгүн, 11-февралда «үй-бүлөөлүк жүйөөлүү» себептерден улам өз арызы менен Өкмөт башчынын орун басары, коргоо, коопсуздук жана чегара маселелерин тескеген Жеңиш Раззаков кызматынан алынган.

Бизге жеткен маалыматтар боюнча, азыр анын ордуна Коопсуздук Кеңешинин орун басары Өмүрбек Суваналиев менен Баткен облусундагы Өкмөттүн ыйгарым укуктуу өкүлү Акрам Мадумаровдун талапкерлиги каралып жатат.

Эске сала кетсек, А. Мадумаров өткөн айда мектеп мугалимдерин галстук тагынбаганы үчүн урушуп, коомчулуктун катуу сынына калган эле.

Аскаров кетип, Асрандиев келет…

Бишкек. 4.02.2020 informator.kg

Бизге жеткен маалыматтар боюнча ушул жумада Өкмөттүн курамында  өзгөрүүлөр орун алаары күтүлүп жатат. Акүйдөгү ишенимдүү булактарга таянсак, КРнын вице-премьер министри Замир Аскаров кызматынан кетип, КР Өзгөчө кырдаалдар министри болушу ыктымал. Анын ордуна Өкмөттө экономикалык жана инвестициялык тармактарга куратор болуп, вицеликке Кыргыз-Орус Өнүктүрүү фондусунун төрагасы Эрик Асрандиевдин талапкерлиги Жогорку Кеңеште каралмакчы.

Ошондой эле дагы бир вице-премьер,  чегара, күч түзүмдөрү, коопсуздук жана укук коргоо жаатын тейлеген Жеңиш Раззаков кызматынан чегинип, анын ордуна Коопсуздук Кеңешинин орун басары  “Комиссар Катани” каймана аты бар Өмүрбек Суваналиевди алып баруу Акүйдөгү билермандар тарабынан чечилгени айтылууда.

Премьер-министр: «Колуңардан келбесе, кабинетти бошоткула!».

«Акимдер, колуңардан келбесе, кабинетти бошоткула»,-деп премьер-министр Мухаммедкалый Абылгазиев 27-январда өкмөттүн кеңейтилген курамдагы жыйынында айтты.

«Акимдер бир жылда бир долбоор алып келиш керек, колуңардан келбесе, кабинетти бошоткула. Мамлекеттик унааны айдап, мамлекеттик шарттарды жөн гана кармап, колдоно бербей. Мына, Баткен облусунда таза суу боюнча жана иш орундарын түзүү боюнча көрсөткүчтөр салыштыруу эң төмөн. Мындай көрүнүштү жоюу керек»,-деп премьер-министр облус, район жетекчиликтерине кайрылды.

Коопсуздук кеңештин чечими менен бир топ жетекчилердин жоопкерчилигин каралат.

Коопсуздук кеңештин чечими менен бир топ жетекчилердин жоопкерчилигин кароо сунушталды. Бул тууралуу Коопсуздук кеңешинин катчысы Дамир Сагынбаев билдирди.

Анын айтымында, мамлекеттик органдардын 30 жетекчиси тартиптик жазага тартылат.

Башкача айтканда, президент менен өкмөт башчыга Коопсуздук кеңешинин отурумдарында коллегиялык түрдө кабыл алынган тапшырмаларды толук эмес, формалдуу түрдө аткарган жетекчилерди жазалоо сунушталды.