Саясат

Саясат

Ала-Букадагы чек ара чыры тынчыды

Бишкек. 6.01.20. informator.kg

Ала-Бука районунун Көк-Таш аймагындагы Ак-Курча участогундагы чек ара чыры тынчып, абал турукташты. Бул боюнча Кыргызстандын Мамлекеттик чек ара кызматы кабар таратты.

Анда,  6-январда кыргыз жарандары менен Өзбекстандын чек арачыларынын ортосунда чыр чыгып, коңшулардын аскер кызматчылары эскертүү ирээтинде асманга бир нече жолу ок чыгарганы, пикир келишпестиктен эч ким жабыркабаганы, окуя кыргыз жарандарынын малы такталбаган чек ара тилкесине жайылып киргенден улам чыкканы, натыйжада эки тараптын жергиликтүү бийлик өкүлдөрүнүн кийлигишүүсү менен чыр жайгарылганы айтылат.

Ал эми бул окуя боюнча соцтармактарда төмөнкүдөй тасмалар тарады:

Бүгүнкү абал.. Ала-Бука району Көк-Таш айылы.

Опубликовано Эрнистом Атабековым Понедельник, 6 января 2020 г.

ТИМ Алматыда кырсыкка учураган учактагы кыргызстандык тууралуу үн катты.

Informator.kg — Алматыда кырсыкка учураган учакта болгон кыргызстандык жарандын абалы канааттандырарлык. Бул тууралуу Тышкы иштер министрлигинен билдиришти.

Министрликтен белгилешкендей, Кыргызстандын Алматыдагы башкы консулдугунун маалыматы боюнча, учакта 1983-жылы туулган К.М. аттуу КР жараны болгон. Ал Алматы шаарынын №1 Тез жардам ооруканасынын Травматология бөлүмүнө жеткирилген. Башкы консулдуктун айтымында кыргызстандык жарандын абалы жакшы.

Эске сала кетсек, 27-декабрда Казакстандык «Bek Air» авиакомпаниясынын «Алматы — Нур-Султан» багыты менен чыккан учагы саат 07:05те учуп чыгып, радарлардан жоголуп кеткен. Учакта 95 жүргүнчү жана экипаждын беш мүчөсү болгон.

Казакстандык ММКлардын маалыматы боюнча, кырсыктан 15 адам каза болгон

Райондук сот үч айымдын иши боюнча чечимин чыгарды.

informator.kg — Биринчи Май райондук соту тарабынан Асель Кодуранова, Кундуз Жолдубаева жана Ирина Карамушкина боюнча чечимин чыгарды.

Соттун чечими боюнча КСДП саясий партиясынын мүчөлөрү үй камагына чыгарылды. Ал эми Мээрбек Мискенбаев 9-февралга чейин #1-абакта калтырылды.

Ата Мекен саясий партиясынын лидери Мамашова болду

Бүгүн Жогорку Кеңеште «Ата Мекен» фракциянын чукул чакырылган жыйыны болуп өттү. Күн тартибинде бир маселе фракциянын лидерин шайлоо болду.

Бул кызматка Садык Шернияз менен Сайдулла Нышановдун талапкерлиги коюлуп, бирок экөөнүн алган добушу тең чыгып калды.

Жыйынтыгында «Ата Мекен» фракциясынын лидери болуп Айсулуу Мамашева шайланды.

Эске салсак, бүгүн «Ата Мекен» фракциясынын лидери Алмамбек Шыкмаматов депутаттык мандатын тапшырды. Анын айтымында ал партиянын лидери Өмүрбек Текебаев ортосундагы пикир келишпестиктен улам парламенттен кетүүнү чечкен.

Шыкмаматовдун ордуна ким мандат алды?

Informatorkg — Ата Мекен партиясынан Сыдыгалиев Нурбек Өмүрбекович депутаттык мандатка ээ болду.

Эскерте кетсек, Алмамбет Шыкмаматов депутаттык мандатын өз арызынын негизинде тапшырган.

Алтынбек Сулайманов: Текебаев, Атамбаев жана азыркы парламент тууралуу үн катты.

Жогорку Кеңштин депутаты Алтынбек Сулайманов Өмүрбек Текебаевдин комментарийине коментарий берди.

«Өмүрбек Чиркешовичтин кечээги айтып чыкканын окуп алып, мындан 8 жыл мурунку окуялар эсиме түштү. 2010-жылы күзүндө жаңы парламент келип, өзүнө төрага шайлоодо накта демократияны, парламенттик башкарууну, жаңы Конституцияны иштетүүдө өзүнүн биринчи кадамын таштады. Ал кезде бийлик убактылуу өкмөттүн колунда болчу. Бийликтен эл корккон жок, убактылуу өкмөт ойдогудай добуш ала албады, шайланып келген депутаттар да бийликтен корккон жок. Өмүрбек Текебаевди төрагалыкка шайлабай койдук, бул күнү Текебаев утулган жок, демократия утту десек болот. Ошол күнү демократия орноп, парламент бийликке тишин көрсөтүп, өз алдынча башкаруу системасын түзө алды. Бирок ал жакшы көрүнүш көпкө узабады. 2011-жылы Алмазбек Атамбаев президент болуп келген күнү ,биринчи ишин парламентти чөгөлөткөндөн баштады. Ахматбек Келдибековду төрагалыктан алып түштү. Ушул жерде Өмүрбек Текебаевсиз бул план ишке ашмак эмес. Өмүрбек Чиркешович мага таарынбаса керек ,бул тарых- өзү жазган Конституцияны өзү талкалай баштады. Жаңы өкмөт башчысы Текебаевге да Атамбаевге да жакпады, жаштар күчтөнүп кете электе буларды жайлабасак болбойт деген бүтүмгө келип, Өмүрбек Бабановду да өкмөт башчылыгынан айдашты. Ошол күндөн баштап мамлекетте супер президенттик башкаруу пайда болду. Бул тарых, буга Өмүрбек Чиркешовичтин салымы чоң. Ошентип, Текебаев Атамбаевге бүт бийликти колуна карматты, ошол кетирген катасынын азабын бүгүн көрүп жатканын өзү да билсе керек… Биз баарыбыз ура!-лап айтканыбыз башка, жасаганыбыз башка. Бул биздин чоң проблемабыз. Ошондуктан башкаруу системасы да өзүбүзгө жараша болуп жатат. Бизде парламенттик башкаруу деп айтканыбыз менен, жашообузда башкача, парламенттин орду жок! Бул ачуу чындык«.

Сооронбай Жээнбековго «Жылдын адамы» аттуу наам ыйгарылды.

Inforrmator.kg — Бүгүн, 25-декабрь президент Сооронбай Жээнбеков “Ала-Арча” мамлекеттик резиденциясында массалык маалымат каражаттарына маалымат жыйын өткөрдү.

«Факты.kg» сайты президент Сооронбай Жээнбековго «Жылдын адамы» аттуу наамды ыйгарды. Сайттын тандоосу окурмандардын арасында жүргүзүлгөн. Президент Кыргызстандын өнүгүшүнө кошкон салымы үчүн жылдын адамы деп табылган.

Президент: «Азимбек Бекназаровду элчиликке өзүм сунуштадым».

Informator.kg — Бүгүн, 25-декабрь президент Сооронбай Жээнбеков “Ала-Арча” мамлекеттик резиденциясында массалык маалымат каражаттарына маалымат жыйын өткөрүүдө. 

Анда, журналисттер Кыргызстандан Малайзияга элчи болуп дайындалган Азимбек Бекназаров тууралуу анын ой-пикирин сурашты. «Биздин тарыхта көптөгөн адамдар өз ойлору үчүн күрөшүп келген. Андай адамдардын катарын Топчубек Тургуналиев, Турсунбек Акун, Жыпар Жекшеев жана Азимбек Бекназаров толуктайт. Азимбек Бекназаровду элчиликке өзүм сунуштадым. Бул жерде ТИМдин күнөөсү жок»,-дейт өлкө башчы.

Экс-мэр, Кулматов: «Мени андан көрө азыр атып салгыла».

Informator.kg — Ленин райондук сотунда мурунку мэрлер Кубанычбек Кулматов менен Албек Ибраимовдун иши боюнча соттук процесс уланууда. 

«Калыс-Ордо» калктуу конушундагы мектептин курулушу эпизоду боюнча мурунку мэр Кубанычбек Кулматов өз пикирин айтты.

«Мен эч эле түшүнбөй турам эмнеге жана кайсы ишим үчүн ушул жерде отурганымды. Кармаганга эч ким калбай калдыбы? Өлкөнүн жарымы отурат го. Бишкек шаарына союз кулагандан кийин биринчи мектеп салдык. Мектеп салган үчүн күнөөлүмүнбү? Мамлекеттик айыптоочу мага 15 жыл бергени өкүндүрөт. Мен 57 жаштамын 15 жылдан кийин эч кимге керегим жок. Андан көрө атып салгыла азыр эле».

Мигранттар үчүн жакшы кабар. Акча которуудагы чектөө …

Informatior.kg — Орусиядан Кыргызстанга акча которуудагы чектөөнүн көлөмү 150 миң рублга чейин көбөйдү.

Буга чейин акча которуудагы чектөө 100 миң рублга чейин болчу.

Эми өлкөгө акча каражаттарын трансчекаралык которуусунун шарттары өзгөртүлдү. Ага ылайык, каражаттын булагын тастыктай турган документтерсиз которуулардын максималдуу суммасы 150 миң рублды түзөт.

Буга чейин Премьер-министр Мухаммедкалый Абылгазиев бул маселенин көпчүлүк биздин жарандардын кызыкчылыгына таасир этерин эске алганда, дал ушундай маселелер Евразиялык өкмөттөр аралык кеңештин аянтчасында чечилиш керекдигин айткан.