Коом

Коом

Мавлян Аскарбеков: «Бишкекке 2 жылда 100 эмес, 500 автобус алышыбыз керек»

Бишкек. 12.02.20. informator.kg «Бишкекке жакынкы 2 жылда 100 эмес, 500 автобус алышыбыз керек». Мындай сунушту Бишкек шаардык коомдук транспорт жана инфраструктураны өнүктүрүү боюнча штабдын жыйынында Биринчимай райакиминин орун басары Мавлян Аскарбеков айтты.

Анын айтымында, Бишкекти кооммдук транспорт менен камсыз кылуу үчүн 800 автобус талап кылынып жатат. Ошондой маалда Бишкек мэриясы газ менен жүрүүчү 100 автобусту нак акчага сатып алгандан көрө насыяга жакынкы 2 жылга 500 автобус алууга аракет кылышы керек.

«Менин түшүнгөнүм боюнча, автобустарды сатып алуунун каржы маселеси азырынча чечиле элек экен. Ошондуктан, завод-өндүрүүчүлөр менен карызга алуу жолун сүйлөшүү керек. Эгер макулдаша алсак алар 3-5 жылга автобустун акысын бёлщм төлөөгө макул болушмак. Ал үчүн биз жакшы кампания жүргүзүп, жарандарыбыз менен иш алып барсак, шаардыктар өздөрүнө ыңгайлуу, жаңы автобустар үчүн жол кире акысына 15-20 сом төлөөгө макул. Ушундай жол менен кетсек, биз коомдук транспорт көйгөйүн да, анын каржысын да чече алабыз»,-деди ал.

Эске сала кетсек, Бишкек мэриясы жакында 100 газ менен жүрүүчү автобустарды сатып алууга тендер жарыялай турганын билдирген эле.

Кто она? Автобиография нового заместителя министра МИД КР

Бишкек. 12.02.20. informator.kg Вчера, 11 февраля, распоряжением премьер-министра Мухаммедкалыя Абылгазиева статс-секретарем Министерства иностранных дел КР назначена Нуржан Бардинова. Она раньше работала статс-секретарем Государственного агентства по делам молодежи, физической культуры и спорта.

Резюме:

Бардинова Нуржан Арзыкуловна родилась 5 декабря 1972 года в селе Покровка Джеты-Огузского района Иссык-Кульской области. В 1994-м окончила Ошский государственный университет по специальности «русский язык и литература в национальной школе». В 2001 году окончила Кыргызский государственный национальный университет по специальности «юриспруденция», в 2004-м там же получила специальность «экономист».

Трудовая биография:

  • 1995-1996 — учитель русского языка и литературы в школе-интернате имени Терешковой в Оше;
  • 1996-1997 — инженер отдела кадров АО «Ошстрой»;
  • 1997-1999 — ведущий специалист комиссии по делам семьи, женщин и молодежи при Ошской областной госадминистрации;
  • 1997-1999 — бухгалтер (по совместительству) Центра женских инициатив «Аялзат»;
  • 1999-2001 — директор Общественного фонда содействия вовлечению женщин в малый и средний бизнес при Ошской облгосадминистрации;
  • 2000-2002 — ведущий специалист отдела здравоохранения управления социальной сферы, ведущий специалист сектора административных реформ управления государственного сектора Министерства финансов;
  • 2002-2004 — ведущий эксперт отдела социальной политики администрации президента;
  • 2003-2004 — директор (на общественных началах) проекта «Развитие детей младшего возраста на уровне общин»;
  • 2004-2005 — специалист по обучению детей младшего возраста и обучению родителей отдела управления проектом «Развитие детей младшего возраста на уровне общин»;
  • 2005-2008 — эксперт сектора социальной и гендерной политики отдела экономической и социальной политики, эксперт секретариата Национального совета по делам женщин, семьи и гендерному развитию, эксперт отдела социальной политики администрации президента;
  • 2008-2020 — статс-секретарь Государственного агентства по делам молодежи, физической культуры и спорта…

В феврале 2020 года назначена статс-секретарем Министерства иностранных дел.

Акрам Мадумаров: «Мугалимдерге сыйым эң жогору…»

Бишкек. 12.02.20 informator.kg «Менин мугалимдерге болгон сыйым эң жогору, алардын кесибин абдан баалайм. Өзүм да 4 жыл жогорку окуу жайында студенттерге сабак берип, мугалим болуп иштегенмин». Бул сөздү Жогорку Кеңештин жыйынында КРнын вице-премьерлик кызматына талапкер Акрам Мадумаров айтты.

Анын айтымында, Баткендеги мектептердин бириндеги «галстук окуясы» кесиптик окуу жайдын техникалык-педагогикалык абалын жакшыртуу маселесин карап жаткан учурда орун алган. «Мага албетте сырткы кийимден биринчи билим берүүүнүн сапаты, техникалык-материалдак базанын жетиштүүлүгү маанилүү»,-деди ал.

Эске сала кетсек, КРнын вице-пермьери Жеңиш Раззаков «үй-бүлөөсүнү каралбай кеткендигин» жүйө келтирип, кызматынан баш тарткан болчу.

Бакыт Абдиев кызматын тапшырат

Бишкек. 12.02.20 informator.kg Өкмөттүн алдындагы Архитектура, курулуш жана коммуналдык чарба агенттигинин башчысы Бакыт Абдиев бүгүн кызматтан кетүү тууралуу арыз жазаарын ММКларга билдирди. Анын айтымында, Президенттин сынынан кийин ал өзүнө ушундай чечим кабыл алган.

«Мен Президенттин сынынан кийин кызматымдан чегинип арыз жазууну туура деп эсептедим. Бул менин жоопкерчиликтен качуум эмес. Ооба, ишкерлер, куруучулар уруксат кагаздарын ала албай жаткандыктарын айтып арызданышты. Бирок, бул жерде айрым учурларды эске алуу керек. Мисалы, көптөрү жашыл зоналарга же кызыл линиялар өткөн курулуш курууга болбой турган жерлерге уруксат сурашат, мындайда биздин кызматкерлер аларга обьективдүү карап мыйзам чегинде уруксат беришпейт. Албетте, «Бирдиктүү терезе» жана башка долбоорлор иш жүзүнө ашуу алдында турат. Мен таза иштедим, кылмыш иши козголот деп коркпойм, мыйзам бузган жокмун. Агенттиктин кызматкерлерине ыраазычылык билдирем»,-деди ал.

Эске сала кетсек, бүгүн Мамлекеттик резиденцияда өткөн ишкерлер менен куруучулардын кеңешмесинде Президент С. Жээнбеков аны жемеге алып, «иштей албаса ордун бошотуу керектигин» айткан болчу.

Жеңиш Раззаковдун ордуна Акрам Мадумаров келеби?

Бишкек. 11.02.20 informator.kg

Бүгүн, 11-февралда «үй-бүлөөлүк жүйөөлүү» себептерден улам өз арызы менен Өкмөт башчынын орун басары, коргоо, коопсуздук жана чегара маселелерин тескеген Жеңиш Раззаков кызматынан алынган.

Бизге жеткен маалыматтар боюнча, азыр анын ордуна Коопсуздук Кеңешинин орун басары Өмүрбек Суваналиев менен Баткен облусундагы Өкмөттүн ыйгарым укуктуу өкүлү Акрам Мадумаровдун талапкерлиги каралып жатат.

Эске сала кетсек, А. Мадумаров өткөн айда мектеп мугалимдерин галстук тагынбаганы үчүн урушуп, коомчулуктун катуу сынына калган эле.

Кыргыз-казак чегарасында абал тынч

Бишкек. 08.02.20 informator.kg

Кыргыз-казак чегарасында абал тынч. Кечээки, Казакстандын Кыргызстандан 40 чакырым алыстыкта турган Масанчи айылында улут аралык жаңжал чыккан соң КРнын Чегара кызматы менен Чүй облустук ичи иштер башкармалыгы күчөтүлгөн тартипке өткөн болчу.

Биздин кабарчылар учурда эки өлкөнүн ортосундагы «Токмок авто жол» өткөрмө пунктунда ИИМ кызматкерлери чегарадан өтүүчүлөрдү көзөмөлдөп жатканына, эч кандай тартип бузуучулук катталбаганына күбө болушкан.

Карылар үйүнөн кайрылуу. Кылмыштуу ишти жасагандар жоопко тартылабы?!

Бишкек. 04.02.2020. informator.kg

Редакциябызга Бишкек шаардык улгайган жана мүмкүнчүлүгү чектелген жарандар үчүн жалпы типтеги социалдык стационардык мекемеден (Бишкек карылар үйү) коомчулукка ачыктоону суранган кайрылуу келип түштү.

Бул кайрылуу ушул тапта КРнын Президенти С. Жээнбековго, ЖКнын төрагасы Д. Жумабековго, Өкмөт башчы  М. Абылгазиевге, Жогорку соттун төрайымы Г. Калиевага, Башкы прокурор Ө. Жамшитовго, УКМКнын төрагасы О. Опумбаевге, ИИМ министри К. Жунушалиевге, Каржы полициясынын башчысы Б. Таировго жана КРнын Эмгек жана социалдык өнүктүрүү министри У. Кочкоровдорго жолдонгон.

Анда Бишкек карылар үйүнүн Ардагерлер Кеңеши бул мекемеде болгон коррупциялык кыңыр иш тууралуу баяндап, мамлекеттен, камкордук, мээрим күтүп келген карылар үйүндөгү адамдарды алдап, алардын акыркы мүлкүн менчиктеп алуу боюнча окуянын териштирип берүүнү бийлик өкүлдөрүнөн сураган.

Алданган карылар, сатылып кеткен батир…

Кайрылуунун кыскача мазмуну мындай. 2017-жылы Щипачева Тамара Федеровна аттуу 1942-жылы 5-апрелде туулган кемпир, жолдошу 1938-жылы туулган Доведенко Аркадий Михайлович менен бирге Бишкек карылар  үйүнө кайрылып, өздөрү жалгыз бой экендигин, жаштары улгайып калгандыктан турмуштук шарттары оор экендигин, башка багаар-көрөөрү жок болгондуктан калган өмүрлөрүн мамлекеттик камкордугу алдында өткөрүүнү каалап жатышкандыгын арызданып, өздөрүн карылар үйүнө кабыл алууну өтүнөт. Алардын арызы тиешелүү тараптардын, Карылар үйүнүн жетекчилигинин кароосунан кийин кабыл алынып, карыган абышка-кемпирге өзүнчө шарты бар кенен бөлмө бөлүнүп берилет. Тилекке каршы, карылар үйүнө көчүп келишкенден 1,5 ай өтпөй аксакал Аркадий Доведенко каза болуп, карылар үйү анын акыркы зыйнатын жасап, жайына берет.  Ошондон тартып Тамара Щипачева жалгыз бөлмөдө күн кечирип келет.

Бирок, быйылкы 2019-жылдын башында Бишкек карылар үйүнүн жетекчилиги алмашкан соң карылар үйүндөгү жагдайлар өзгөрөт да жалгыз бөлмөдө жашаган Тамара Щипачеванын жанына башка карыган чоң апа жайгаштырылат. Буга нааразы болгон ал социалдык кызматкерлерге өзүнө жасаган камкордук ал башында макулдашкандай болбой жатканын айтып, “эмнеге мен өзүмдүн жашаган үйүмдү карылар үйүнө өткөрүп берсем, силер эки жылга жетпей менин үстүмө башкаларды кийирип жатасыңар?! Биз мурдагы директорлор менен мындай деп сүйлөшкөн эмеспиз…”,-деп ачууланат. 

Мындан соң карылар үйүнүн жетекчилиги тарабынан ички териштирүү жүрүп, Ардагерлер кеңешинин жыйынында бул маселе каралат. Көрсө, 2017-жылы Бишкек шаарынын тургундары Щипачева Тамара Федеровна оорукчан жолдошу менен Бишкек карылар үйүнө кайрылганда, өздөрүн камкордукка алыш үчүн Бишкек шаарынын К. Акиев көчөсүндө жайгашкан 54 үйдөгү №18-бир бөлмөлүү батирди Бишкек карылар үйүнүн балансына өткөрүп берүүгө макулдашкан экен. Сүйлөшүүлөрдөн соң батирди карылар үйүнүн директорунун орун басары Д. Уркасымовага жеке нотариус тарабынан каттап, документтештирип бергенин анык болот.  Ошондон улам, Т. Щипачевага карылар үйүнүн мурдагы жетекчилиги өтө камкордук менен мамиле жасап, эрежелерге ылайык келбесе да ага өзүнчө бөлмөдө жашоого шарт түзүп келген экен. Бирок, маселенин кызык жери-Т. Щипачева тарабынан берилген бир бөлмөлүү батир эч убакта Бишкек карылар үйүнүн балансына кириштелген эмес. Учурда карылар үйүнүн ветерендары тарабынан сураштыруу жүргөндө аталган батирде үчүнчү колдон сатып алган бейтааныш тургундар жашаганы маалым болгон.

Мына ушундан улам Бишкек карылар үйүнүн жетекчилиги жана Ардагерлер Кеңеши жогорудагы бийлик өкүлдөрүнө кайрылып, багаар-көрөөрү жок, мамлекеттин мээримине, камкордугуна муктаж болуп, ошол эле маалда өздөрүнүн калган өмүрүн аманатка тапшырган Карылар үйүнө ак эмгек менен тапкан үйүн белекке берген тургундарга алдамчылык аракети менен жооп берип, алардын мүлкүн мамлекеттин эсебине эмес, өз кызыкчылыктарына пайдаланган Бишкек карылар үйүнүн мурдагы жетекчилигине чара көрүүнү, бул факты боюнча иликтөө иштерин жүргүзүп, акыйкаттыкты ачыктоону суранган.

Ал эми бул кайрылуу боюнча Бишкек карылар үйүнүн учурдагы директору Адилбек Козубаевге кайрылганыбызда ал укук коргоо органдарынан бул иштин аягына чыгат деп үмүт артып турганын айтты.

«Учурда карамагыбызда 198 адам, анын ичинде карылар жана мүмкүнчүлүгү чектелген жарандарыбыз камкордукка алынып турат. Жогорудагы окуядан улам биз өзүбүз Карылар үйүнүн буга чейинки ишмердиги боюнча каржылык-экономикалык көз карандысыз аудит жүргүзүү чечимине келдик. Себеби, бул жерге мамлекеттик бюджеттен тышкары ар кандай гуманитардык жардамдар, кайрымдуулук уюмунан салымдар болуп турат. Ошондуктан, акыркы жылдарда кандай кирешелер жана чыгашалар болгонун тактап, карыларыбыз менен майыптарыбыздын атына келген ар кандай жардамдар даректүү жумшалганын же мурдагы жетекчилик тарабынан сол чөнтөккө солонуп кеткенин ачыктоону туура көрдүк. Бул жерде бүтүндөй бир үй-батир тууралуу сөз болуп жатат. Ал эми ошол батирин белекке берген карыган байбиче болсо азыр өзү кымбат баалуу операцияга, жамбаш сөөгүнө операция жасатууга муктаж болуп, биз каржылык жактан ага жардам бере албай турабыз.

Мисалы, карылар үйүнө сырттан жардамга 1000 сом берилсе, бул ооруп, төшөктөн тура албай жаткан бир адамдын 10 күндүк муктаждыгын чечет. Тагыраак айтканда, 1000 сомго биз 10 памперс сатып алсак, бир оорукчан адамдын жеке санитардык тазалыгын эле эмес, анын жанында жаткан адамдардын жана кызматкерлерди канча зыяндуу нерселерден сактай алмакпыз?!

Бизге азыр акыйкаттык гана керек. Карылар менен майыптардын оор тагдырынан улам жеке өзүнүн маселелерерин чечкен бул адамдык да, кызматтык да этикага жатпаарын, бул окуя башкаларга сабак болуусун каалайбыз»,-дейт директор А. Козубаев.

Ошентип, биз дагы Бишкек шаардык улгайган жана мүмкүнчүлүгү чектелген жарандар үчүн жалпы типтеги социалдык стационардык мекемесинин кайрылуусун коомчулукка жарыялоо менен бул окуяга укук коргоо органдары тарабынан кандай реакцуия болоорун, иликтөө иштери колго алынса окуянын жүрүшү кандай уланаарын, жоопкерчиликти кимдер тартаарын үзбөй чагылдырып турууга аракет кылмакчыбыз.

Аскаров кетип, Асрандиев келет…

Бишкек. 4.02.2020 informator.kg

Бизге жеткен маалыматтар боюнча ушул жумада Өкмөттүн курамында  өзгөрүүлөр орун алаары күтүлүп жатат. Акүйдөгү ишенимдүү булактарга таянсак, КРнын вице-премьер министри Замир Аскаров кызматынан кетип, КР Өзгөчө кырдаалдар министри болушу ыктымал. Анын ордуна Өкмөттө экономикалык жана инвестициялык тармактарга куратор болуп, вицеликке Кыргыз-Орус Өнүктүрүү фондусунун төрагасы Эрик Асрандиевдин талапкерлиги Жогорку Кеңеште каралмакчы.

Ошондой эле дагы бир вице-премьер,  чегара, күч түзүмдөрү, коопсуздук жана укук коргоо жаатын тейлеген Жеңиш Раззаков кызматынан чегинип, анын ордуна Коопсуздук Кеңешинин орун басары  “Комиссар Катани” каймана аты бар Өмүрбек Суваналиевди алып баруу Акүйдөгү билермандар тарабынан чечилгени айтылууда.

2019-жылы Эсеп палатасы 1,1 млрд. сомдук каржылык мыйзам бузуу тапкан

Бишкек. 03.02.2020 informator.kg

Өткөн 2019-жылы Эсеп палатасы тарабынан 53 аудиттин жыйынтыгы катары жалпысынан 1,1 млрд. сомдук каржылык мыйзам бузуу аныкталып, тергөө органдарына жөнөтүлгөн. Бул маалыматты ЖКнын бюджет жана каржы комитетинде Эсеп палатасынын башчысы Улукбек Марипов айтты.

Анын айтымында, аудиттердин жыйынтыгы менен 1 млрд. сомдук 35 материал-прокуратурага, 2,4 млн. сомдук  5 материал-каржылык жана экономикалык кылмыштарга каршы күрөшүү кызматына, 16,2 млн. сомдук 12 материал — УКМКга жана 3 миң сомдук 1 материал-ИИмге тапшырылган.

Ошону менен катар эле У. Марипов Эсеп палатасына келип түшкөн 167 токтомдун ичинен аткарууга 64 материал алынганын, 85 иш боюнча палата тарабынан баш тартылганын, 18 материал каралып бүткөнүн билдирди.

Арабияга ажылыкка баруучулар “Флайнас” авикомпаниясы менен учат

Бишкек. 03.02.2020 informator.kg

Быйылкы жылы Кыргызстандан Арабиянын Мекке шаарына ажылыкка баруучуларды «Флайнас» авиакомпаниясы ташыйт. Бул тууралуу Кыргызстандын мусулмандар башкармалыгынан билдиришти.

Анда белгилүү болгондой, өткөн жуманын аягында авикомпаниялар арасында өткөрүлгөн конкурс аяктап, ажылыкты уюштуруу боюнча республикалык штабдын мүчөлөрү ажылык сапардын жол киресин эң төмөнкү баа менен сунуштаган «Флайнас» авиакомпаниясын жөңүүчү деп тапкан.  Тактап айтканда, быйылкы жылга Кыргызстанга берилген квотага ылайык 6 миң адам Меккеге мусулмандык парзын өтөөгө барса, алардын жол кире акысы 1550 АКШ долларын түзмөкчү.

Аталган компания 2019-жылы да кыргыздардын ажылык сапарына кызмат көрсөткөн.