Дүйнөдө

Дүйнөдө

Абхазияда абал чатак. Президент менен эл тирешүүдө…

Бишкек. 9.01.20. informator.kg

Абхазиянын  президенти Рауль Хаджимба эгер өлкөдө нааразычылык уюштуруп жаткандар тынчыбай турган болсо “өзгөчө кырдаал” киргизе турганын кезексиз өткөргөн Коопсуздук Кеңешинин жыйынында жарыя кылды. Бул тууралуу президенттин сайтынан окууга болот.

Ал антип жаткан чакта көчөдөгү оппозициялык маанайдагы көпчүлүк Президенттин имаратына чабуул жасап, ээлеп алуу аракетин токтоткон жок. Ал арада  Абхазиянын Элдик жыйыны да шашылыш чогулуп Сухумидеги балады талкууга алды. Жабык эшик артындагы бул жыйында оппозициялык депутаттар Президентти кызматтан алуу маселесин көтөрүп жатканын «Sputnik Абхазия» жазып чыкты.

Эске сала кетсек, өлкө президентин шайлоодо оппозициялык талапкер «Амцахара» партиясынын лидери Алхаса Квицини жеңишке жетпей калып, ал бул шайлоонун легитимсиз өткөнүн жарыя кылган жана элди укуктарын коргоо үчүн көчөгө чакырган.

Видео — Иран ракеталык соккуга кандай даярданган?

Иран АКШнын базаларына сокку уруунун алдындагы даярдыкты жана сокку учурундагы видеолорду коомчулукка жарыяланды.

Путин и Эрдоган запускают «Турецкий поток» — фото.

Сегодня, 8 января, президент Российской Федерации Владимир Путин совместно с президентом Турции Реджепом Тайипом Эрдоганом примет участие в церемонии ввода в эксплуатацию газопровода «Турецкий поток». Также в церемонии примут участие президент Сербии Александр Вучич и премьер-министр Болгарии Бойко Борисов.

Проект «Турецкий поток» представляет из себя газопровод, который состоит из двух ниток. Мощность каждой нитки — 15,75 млрд куб. м газа в год. Первая нитка будет использоваться для поставок российского газа в Турцию, вторая — для газоснабжения стран Южной и Юго-Восточной Европы.

Эрдоган АКШга «Инжирлик» аскер базасын колдонууга тыюу салды.

Түркия Аданада жайгашкан америкалык «Инжирлик» аскер базасын Иран Ислам Республикасына каршы колдонууга тыюу салды. Бул тууралуу Türkiye Haberleri жазып чыкты.

Эрдоган АКШ «Инжирликти» Иранга сокку уруу максатында колдонсо, аскердик базаны жаап, ички аскерлер менен толук тосмого ала тургандыгын билдирди.

Канадалык аскерлер Ирактан чыгып кетишти

U.S. Army paratroopers assigned to the 1st Brigade Combat Team, 82nd Airborne Division, walk toward an awaiting aircraft prior to departing for the Middle East from Fort Bragg, North Carolina, U.S. January 5, 2020. REUTERS/Bryan Woolston

Канадалык аскерлер Ирактын территориясынан чыгып кетишти. Бул тууралуу «Военное обозрение» басылмасы жазып чыкты.

Канада аскер башкармалыгы: «Жакынкы Чыгыштагы абалдын курчуп жаткандыгына байланыштуу Оттава өз аскерлерин Ирактан чыгарып кетүүнү туура көрдү». Ошондой эле, Канада Ирактагы Сулейманиге каршы даярдалган операцияга тиешеси жок экендигин белгиледи.

Иранда жарылган украиналык учактагы 180 баары курман болушту

Бишкек. 8.01.20. informator.kg

Тегерандын Имам Хомейни аба майданынан абага көтөрүлгөн украиналык Boeing 737-800 жүргүнчү ташыган учагы белгисиз себептерден улам жерге кулап, андагы 167 адам жана 13 борт кызматкери баары тең курман болду. Бул маалыматты алгачкылардан болуп  Reuters агенттиги жазып чыкты.

Айрым маалымат булактары, учак абага көтөүлгөн кезде ал абадан соккуга кабылганын айтышса, ирандук маалымат булактары кырсыкты “техникалык себептерден улам” деп мүнөздөшүүдө.

Учак Тегерандан Украинанын борбору Киевге каттам жасамак.

Иран АКШнын аскер базаларына ок чыгарды

Бишкек.08.01.20.informator.kg Кечээ, 7-январдын кечинде Ирандын аскер аба күчтөрү АКШнын аймактагы аскер базаларына абадан баллистикалык ракеталар менен сокку урганын ММКлар жазып чыкты. РИА НОВОСТИнин аскерий кабарчылары соккулар негизинен АКШнын Ирандагы 2 базасына болгонун, Пентагон соккулар болгонун моюндап, андан канча зыян тартканын эсептеп жатканын жазышкан.

Расмий Тегеран болсо азырынча генералдын өлүмү үчүн сөзсүз жооп болоорун айтканы менен соккулар тууралуу расмий билдирүү жасай элек.

Ал арада Карем шаарында кечээ КУДСтун башчысы Карим Сулейманини акыркы сапарга узатууга миллиондогон ирандыктар көчөгө чыгып, 40тай адам тепсендиде калганы, ошондон улам сөөктү жерге берүү башка убакытка жылганы белгилүү болду.

Австралиянын Өкмөтү өрттүн кесепетин жоюуга 1,39 млрд. $ бөлөт

Бишкек. 6.01.20. informator.kg

2020-жылдын 5-6-январь күндөрү аптаптуу ысык каптап, өрт күчөгөн Австралияда жамгыр жаап, бул кабар дүйнө жүзүн кубантты.  Анткен менен өткөн жылдын октябрынан берки жалбырттаган кызыл жалындан улам 6 миллион гектар токой аянтынан айрылган Австралияда өрттүн кайрадан күчөө ыктымалдыгы барын айткандар да бар.

Ал арада Премьер-министр Скотт Моррисон аба ырайынын өзгөрүшү менен бирге өрттү токтотуу аракети да күчтөндүрүлгөнүн, Өкмөт жакынкы 2 жыл ичинде тилсиз жоодон жабыркаган жаратылышты, чарбаларды калыбына келтириүү үчүн 1,39 млрд. доллар бөлүүнү карап жатканын ММКларга билдирген.

Анын айтымында, Австарлиянын бийлиги азыр өрт жалмап кеткен фермаларды, муниципиалдык мекемелер менен инфраструктураны калыбына келтирүү үчүн колдо бар ресурстун баарын жумшаганга даяр турат.

Эске сала кетсек, бул каргашадан жалпысынан 24 адам көз жумуп, флора менен фаунада жашаган 8 миң коал жана миллиондогон башка жаныбарлар өлүмгө учурады. Жүздөгөн асыл тукум мал чарбалары да кызыл жалындын кучагында талкаланды.

АКШ президенти Дональд Трампка импичмент жарыяланды. Эми тагдыры Сенаттын колунда.

Informator.kg — АКШ Конгресси президент Дональд Трампка 2 айыптоонун негизинде импичмент жарыялоо демилгесин кабыл алды.

Биринчиси – кызмат абалынан кыянаттык менен пайдалануу болсо, экинчиси – Трамп өзүнүн ишмердүүлүгүнө иликтөө жүргүзүүгө тоскоолдук жаратты деген кинелердин натыйжасында жүргүзүлгөн импичмент жарыялоо аракети Өкүлдөр палатасы тарабынан кабыл алынды.

Мыйзам кабыл алуучулардын 230у колдоп, 197си каршы болгон.

Чечим ушундай таризде чыгары алдын ала белгилүү болчу. Себеби Өкүлдөр палатасын Трампка импичмент жарыялоо демилгесин колдогон демократтар басымдуулук кылат.

Эми документ республикачылар үстөмдүк кылган Сенатка жөнөтүлөт. Сенат президентти кызматтан четтетип же четтетпөөнү чечет. Байкоочулар импичменттин жактоочулары Сенатта керектүү сандагы добуш ала алышпайт деп болжолдоп келишет. Себеби Сенатта 100 орундун 47син гана демократтар ээлейт. Ал эми көпчүлүктү түзгөн республикачылар мурдагыдай эле Трампты колдоп келишет.

“Чек арасыз кабарчылар”: “Кыргызстан сөз эркиндиги боюнча 83-орунда”

Бишкек. Informator.kg

Кыргызстан дүйнөлүк сөз эркиндиги боюнча рейтингде 83 орунда турат. Бул тууралуу эл аралык “Чек арасыз кабарчылар” уюму билдирүү таратты.

Уюмдун маалыматында, Кыргызстан мурдагы СССР жана Азия өлкөлөрүнүн ичинде өзүнүн позициясынан байкалаарлык артка кете элек. Себеби, бул рейтингде Казакстан 158-орунда, Тажикстан-161-орунда, ал эми Өзбекстан 160-орунда болсо, Орусия 149-орунду ээлеп турат.

Ал эми 2019-жылда сөз эркиндиги борюнча лидерликти европалыктар, тагыраагы Норвегия, Франция жана Швеция ээлеп турат.

Сөз эркиндиги катуу чектелген өлкөлөр катары Вьетнам, Кытай, Эритерия, Түндүк Короея жана 180-орунда Түркмөнстан тураарын уюмдун билдирмесинен көрүүгө болот.