16-ноябрь 2020/informator.kg- Бүгүн, 16-ноябрда экс-президент Алмазбек Атамбаевдин тарапташтары Жогорку соттун алдына чогулушту. Келгендердин арасында анын жубайы Раиса Атамбаева, кызы Алия Шагиева жана баласы Сеид Атамбаев дагы бар. Буга чейин Жогорку соттун басма сөз кызматы “мыйзамдагы ууру” аталган Азиз Батукаевдин мыйзамсыз бошотулушу боюнча сот отуруму судья ооруп жаткандыгына байланыштуу жылдырылганын билдирген. Чогулгандардын айтымында, алар процесстин “тынымсыз жылдырылып жатканына” нааразы болушуп, акырына чейин имараттын алдында турууну көздөшүүдө. “Судьялар чыксын же чечимин жарыяласын, же кийинки жолугушуунун күнүн айтсын”, – деди келгендердин бири.Булак: Назар ньюс