Экономика

Экономика

Сырткы карыздан кутулуу үчүн Өкмөткө Адыл Асанов 1 млн. которгон

Бишкек. 7.07. 21. Informator.kg  Кыргыз өкмөтү сырткы карыздан кутулуу үчүн калктан жардам сурап, атайын каржы министрлигине эсеп ачкан болчу. Эсепке 1 млн. 29 миң сом акча түшкөнүн, анын 1 млн. 22 миң сому жарандардан, 27 миң сому ишканалардан келип түшкөнүн министрликтен кабарлашты.

Маалыматка таянсак, өткөн жылдын акыркы күнү же 31-декабрда 1 млн. сомду Адылбек Асанов аттуу жаран которгон. Интернеттеги ачык булактарда ал “Артвин” жана “Нурзаман” курулуш компанияларынын жетекичи, ишкер-меценат катары сыпатталат.

Эске сала кетсек, 2021-жылдын 1-январына карата Кыргызстандын тышкы карызы 4 млрд. 180 млн. долларга жеткен.

“Сары Бокеге” издөө жарыяланды

Бишкек. 05.01.2021. informator.kg УКМКнын мурдагы орун басар төрагасы, эл ичинде “Сары Боке” каймана аты бар Болот Сүйүмбаевге УКМК тарабынан издөө жарыяланды. Бул тууралуу башкы коопсуздук органынан кабарлашат.

Андагы маалыматтар боюнча, Б. Сүйүмбаевге экономикалык аткезчилик жана кызмат абалынан кыянат пайдалануу беренеси менен кылмыш иши ачылган.

“Жогоруда айтылган сотко чейинки өндүрүштүн алкагында мурунку орун басар Б.Суюмбаевдин бул кылмышка тиешеси бар же жок экендиги боюнча бир нече жолу суракка жана башка тергөө иш-аракеттерине чакырылган туралуу танылгыс далилдер алынды.

Б.Суюмбаевдин сурака келбей жаткандыгына байланыштуу, КР УКМК тергөө органдары тарабынан Кылмыш-жаза кодексинин 320-беренесинин 3-бөлүмү (кызмат абалынан кыянаттык менен пайдалануу) жана 223-берененсининт 2-бөлүмү (экономикалык кантарбанда) боюнча кылмышка шектүү деген билдирүү берилип, ага издөө жарыяланган.

Б.Т.Суюмбаевдин жүргөн жерин көргөн же билген адамдар УКМК нөөмөт кызматына 0312 66-04-75 же 102 (КР ИИМ нөөмөт бөлүмү) телефон аркылуу кабар берсеңиздер болот. Анонимдүүлүккө кепилдик берилет”,-деп айтылат маалыматта.

Жэк Ма 2 айдан бери дайынсыз жок

Бишкек. 05.01.2021. informator.kg Азиядагы эң бай адамдардын бири, “Alibaba” интернет дүкөндөр түйүнүн ээси Жэк Ма эки айдан бери дайынсыз болууда. Бул тууралуу “Азаттык” жазып, ал акыркы жолу ал Шанхайдагы ири экономикалык жыйынга катышып, анда Кытайдын базар мамилелерин жөндөөчү мекемесин курч сындап сөз сүйлөгөндөн кийин бийлик тарабынан кысым болгонун билдирет.

“Жэк Ма мырзанын 2020-жылдын октябрындагы сынынан соң Кытайдагы ишкердикке көзөмөлдөөчүлөр “Alibaba” компаниясына жана анын кол астындагы “Ant Group” каржылык компаниясына каршы антимонополиялык жактан тергөө ишин баштаган”,-деп билдирет маалымат булагы.

Эске сала кетсек, 2018-жылдын ноябрында “Форбс” журналы Жэк Ма 35,8 млрд доллар байлыктын ээси экенин, ал дүйнөдөгү эң бай 18-киши экенин жазган.

Азиядагы эң бай адам эми Джек Ма эмес… Чжун Шаньшандын байлыгы 77,8 млрд. долларга жетти

Бишкек. 01.01. 2021.informator.kg 2020-жылдын аягындагы Bloomberg басылмасынын миллиардерлер Индекси боюнча Азиядагы эң бай адам  Alibabaнын кожоюну  Джека Ма  болбой калды. Азырынча бул континенттеги ити чөп жеп, иши жүрүшкөн адам бул сууларды жана вакциналарды бөтөлкөгө куюп сатуу өндүрүшүн жолго койгон кытайлык Чжун Шаньшань болууда. Ал бул жылы болуп көрбөгөндөй киреше табуу менен Индиялык Мукеша Амбани менен Джек Маны артка калтырган.

Эсептөөлөр боюнча, Чжун Шаньшандын байлыгы быйыл 77,8 млрд. долларга чаап барып, ал дүйнөдөгү эң бай дегендердин тизмесинде 11-сапка туруу укугуна ээ болгон.

Анын бул ийгилигине өзүнө караштуу эки компаниянын-  Nongfu Spring сууларды жана шириндиктерди куюп сатуучу компаниясы менен  Beijing Wantai Biological Pharmacy Enterprise аталышындагы гепатитке каршы вакцина жана COVID-19 илдетин аныктоочу тесттерди өнүктүргөн компанияларынын акцияларынын өскөнү өбөлгө болгон.

Кара-Кулжа айыл өкмөтүнүн жетекчилиги 2 млн. 750 млн. сомдук зыян алып келген

Бишкек. 01.01. 2021.informator.kg “Кара-Кулжа айыл өкмөтүнүн мыйзамсыз аракети менен мамлекетке 2 миллион 750 сомдук зыян келтирилген”. Бул тууралуу башкы прокуратурадан билдиришти. Анда мындай деп айтылат.

“Ош облусуна караштуу Кара-Кулжа районунун Кара-Кулжа айыл өкмөтүнүн 2009-жылы кабыл алынган мыйзамсыз токтому менен Т.Абакир уулу атындагы стадионго тиешелүү жеринин 816 чарчы метр жер аянты О.Т. аттуу жаранга берилип кеткенин райондук прокуратура аныктаган.

Тергөө маалында белгилүү болгондой, жогорудагы социалдык багыттагы жер тилкенин базар баасы 2 млн. 750 миң сомду түзөт.

Текшерүүнүн жыйынтыгы менен аталган факты Кара-Кулжа райондук прокуратурасы тарабынан Жазык кодексинин 320-бер. (Кызмат абалынан кыянаттык менен пайдалануу) менен КЖБРге катталып, тергөө амалдарын уюштуруу үчүн райондук ички иштер бөлүмүнө тапшырылган”,-деп жазылат.

Ошону менен бирге эле айыл өкмөттүн жерди ажыратып берүү жөнүндөгү мыйзамсыз токтомун, анын негизиндеги мамлекеттик актыны жана соода-сатык келишимин жокко чыгаруу боюнча сотко доо арыздар келтирилип, учурда соттук кароолор жүрүп жатканы кошумчаланат.

Садыр Жапаров: “Биздин саясий көз караштарыбыз ар кандай, бирок максатыбыз бир – Кыргызстандын жаркын келечегин камсыз кылуу”

Бишкек. 13.12. 20. Informator.kg 

№1.

Биздин саясий көз караштарыбыз ар кандай, бирок максатыбыз бир: Кыргызстандын жаркын келечегин камсыз кылуу. Баарыбыз үчүн биздин мамлекеттин жана элибиздин тагдыры баарынан кымбат болууга тийиш. Эң маанилүүсү – өлкөбүздөгү тынчтык, элдин биримдиги жана коомубуздагы коопсуздук.

(С. Жапаровдун сүйлөгөн сөзүнөн 14.11.2020)

Кыргыз Республикасынын президенттигине талапкер Садыр Жапаровдун шайлоо алдындагы “Келечекке кызмат” платформасында анын Кыргызстанды өнүктүрүү боюнча негизги жана пайдубалдуу сунуштары айтылган. Бул процесстер реалдуу натыйжа бере башташы үчүн эмитен конкреттүү кадамдар жасала баштаганын белгилей кетүүгө арзыйт. 

Келечекке кызмат бүгүндөн башталат!

Кыргызстанда конституциялык реформа жүргүзүү зарылдыгы партиялык система өлкөгө саясий ыйкы-тыйкылыктан башка эч нерсе алып келбегенинен улам келип чыккан. Депутаттар талашып-тартышып, өкмөттөгү жана парламенттеги орундарды бөлүштүрүүү менен гана алектенип жатышканда өлкө өнүккөн жок, тышкы күчтөр болсо биздин экономиканы карыздын сазына ого бетер батырып келишти. Саясатчылар телеэкрандан түшпөй калжаңдашып жатканда, элдин ырыскысын жеген кызыл кулактар өзүлөрүнүн элге каршы каршы мыйзамдарын түртүп өткөрүп келишти.

“Дал ушундан улам мен: депутаттардын жамааттык жоопкерсиздиги Кыргызстанды талкалоодо деп билдирем”, – деди Садыр Жапаров.

Конституциянын жаңы редакциясы коомчулуктун кеңири катышуусу менен Контиуциялык кеңешменин ишинин алкагында дагы талкууланат жана жакшыртылат.

“Мен 2021-жылдын 10-январындагы Президентти шайлоо күнү мамлекеттик түзүлүш формасы боюнча: президенттикпи же парламенттикпи деген бир гана суроо боюнча референдум өткөрүүнү сунуштайм.  Андан кийин бүткүл элдин кызыкчылыгына жооп берген, мамлекеттик түзүлүштүн так формасы көрсөтүлгөн Конституциянын долбоорун жалпы элдик талкууга алып чыгуу керек”, – деген сунушун айтты С.Жапаров.

Садыр Жапаров президенттин жоопкерчилиги менен кошо анын ыйгарым укуктарын да күчөтүүнү сунуштайт.

“Мамлекет башчысы мамлекеттин толук кандуу иштеши үчүн – тышкы саясаттан тартып ички чарбалык ишмердүүлүккө чейинки ишине жооп берет. Эми Президент жеке өзү жооп берет” – деп белгиледи ал. 

Шайлоо жаатында сунушталып жаткан өзгөртүүлөр – депутаттардын үчтөн биринен кем эмес бөлүгү мажоритардык система боюнча, калгандары партиялык тизме боюнча шайланат. Эл дайыма конкреттүү адамдарды көрсөтөт, ошондуктан мейли, парламентте мына ошол адамдар отурсун, партиялар болсо квота боюнча өкүлчүлүктү камсыз кылышсын. 

Аткаруучу: « informator.kg» ; дареги: Кыргыз Республикасы, Бишкек ш.,    Кулатов к. 8. Буюртмачы: Төлөгөнова Аида Бейшеналиевна, Кыргыз Республикасынын Президентинин кызматына талапкер Жапаров Садыр Нургожоевичтин каржы маселелери боюнча ыйгарым укуктуу өкүлү.Нускасы:1. 2020-жылдын 23-декабрьда даярдалды. Кыргыз Республикасынын Президентинин кызматына талапкер Жапаров Садыр Нургожоевичтин шайлоо фондунан каржы маселелери боюнча ыйгарым укуктуу өкүлү Төлөгөнова Аида Бейшеналиевна тарабынан төлөндү (күб. № 35, 16.11.2020-ж).

Бишкек шаарынын прокуратура органдары 45 млн. 68 миң 357 сомдук 5 жер тилкени кайтарды

Бишкек. 13.12. 20. Informator.kg  “2020-жылы жалпы аянты 4,453 га болгон муниципалдык жер тилкелери боюнча мыйзам бузууларды четтетүү жөнүндө 16 талап келтирилген”. Бул тууралуу Крнын Башпрокуратурасынын маалымат кызматы билдирет.

Анда Бишкек шаарынын мэриясынын 2009-жылдын 8-июнундагы токтому менен «Эрк» ЖЧКна Ахунбаев көчөсүнөн аянты 0,85 га болгон жер тилкесин маданият-ден соолук чындоочу комплексин куруу үчүн 49-жылдык мөөнөткө берилгени, бирок, «Эрк» ЖЧКму аталган токтомдун жана тузүлгөн келишимдин талаптарын одоно бузуу жолу менен жер тилкени бүгүнку күнгө чейин өздөштүрбөгөнү ал эми, аталган ЖЧКнын жер пайдалануу боюнча карызы 2011-жылдан тартып бүгүнкү кунгө чейин 2 185 560 сомго жеткени айтылат.

“Аталган жагдай боюнча Бишкек шаарынын прокуратурасы тарабынан Бишкек шаарынын мэриясынын Жер ресурстар башкармалыгына мыйзам бузууларды тез арада четтетүү жөнүндө талап келтирилген.

Ушул сыяктуу эле мыйзам бузуулар Бишкек шаарынын аймагындагы 18 жер тилке боюнча аныкталып, жер пайдалануучулар тарабынан жер тилкелерди өздөштүрүү максаттары башынан болгон эмес жана негизги максаттары пайдалануу укуктарын үчүнчү жактарга сатуу жолу менен пайда көрүүнү негиздешкен.

Ал эми, Бишкек шаарынын мэриясы тарабынан мыйзам бузуулар ачык көрүнүп тургандыгына карабастан, ижара келишимдерин бир тараптуу жокко чыгаруу жана пайда болгон карыздарды өндүрүү боюнча тийиштүү чаралар көрүлгөн эмес”,-деп айтылат башпрокуратуранын маалыматында.

Жыйынтыгында, 2020-жылы келтирилген прокурордук актыларынын кароо жыйынтыгы менен мамлекетке 8 247 936 сом акчалай түрүндө жана 45 068 357 сомго бааланган 5 жер тилке муниципалдык менчикке кайтарылган.

Садыр Жапаров: “Конституциялык реформа бийликтин эл алдындагы жоопкерчилигин күчөтүү үчүн керек”

Бишкек. 22.12.20. informator.kg Кыргызстанда болуп жаткан төңкөрүштөр, иштеп жаткан режимдерди кулатуу, бийликтин эл алдындагы кадырынын түшүшү, саясий жана экономикалык кризис – мунун баары элге эмес, бийлик башында отургандарга гана кызмат кылган мамлекеттик башкаруунун жарыбаган системасынын натыйжасы.

 Мына ушундай бийлик системасынын 30 жыл бою сакталып келишине мүмкүнчүлүк берген дагы бир жагдай – буга чейин эч ким: президент да, премьер-министр да, Жогорку Кеңештин депутаттары да эч нерсеге жооп беришкен эмес. Президентикке талапкер Садыр Жапаровдун пикири ушундай. 

Жапаров конституциялык реформа гана иштин абалын өзгөртөт деп эсептейт. Бул туурасында анын шайлоо алдындагы платформасында айтылган.

 Конституциялык реформа эмне үчүн керек?

Реформа бийликтин эл алдындагы жоопкерчилик механизмин түзүү үчүн керек. Баш мыйзамда жазылган жоболор бүгүнкү күнгө чейин коллективдүү жоопкерсиздикти жактап келишкен. 

Садыр Жапаров конституциялык реформанын алкагында жаңы аралаш парламенттик системаны – мажоритардык -партиялык системаны сунуштоодо. 

Аралаш парламенттик системада эмне өзгөрөт? 

 Садыр Жапаровдун пикиринде учурда идеологиялык догма катары Кыргызстанга таңууланып жаткан батыштын заманбап демократиясы бул байлардын гана бийлиги.

Партияны байлар гана түзө алат. Партиялык тизмедеги орундарды да байлар гана сатып ала алышат. Алар эл алдында эч нерсеге жооп бербейт. Мажоритардык жана партиялык тизме аралаш системасы өзүнүн шайлоочуларынын алдында жоопкерчилик тарта турган чыныгы эл өкүлдөрүн шайлоо үчүн керек.

Партиялар кууп таркатылбайт, бирок аларга  көз карандысыз бир мандатуулар тең салмак жаратат. Мындай учурда партияларга утуп чыгуу татаал болуп калат жана “асман менен баспай, жерге түшүп”, элге берген убадаларына жооп берүүгө туура келет. 

Президенттик бийликти эмне үчүн күчөтүү керек?

Тарыхта өлкөнү кризистен чыгарып, улуу мамлекетке айландырган бир да легендарлуу парламент болгон эмес. Бирок кыйын күн башка түшүп турганда башын тобокелге сайган, жоопкерчиликти тайманбай моюнга артып, өлкөсү, эли үчүн болуп көрбөгөндөй улуу иштерди жасаган легендарлуу инсандар толтура. Президенттик бийлик бул биринчи кезекте өлкодө болуп жаткан бардык иштерге ченемсиз жоопкерчиликти алуу.

Президенттин бийлиги – бул көйгөйлөрдү ылдам жана чечкиндүү чечүүнүн шайманы. Президенттик бийликке каршы чыгып жаткандар олигархтык топторго жана тышкы башкарууга кылчактап көз каранды болбогон лидер коомдун денесине сүлүк курттай жабышкан коррупционерлерди, паракорлорду жана башка мителерди таман астына чөгөлөтөөрүн эң жакшы түшүнүп турушат.  

Садыр Жапаров президенттин милдетин аткаруучу болуп турган саналуу күндөрдө эле коррупциялык түзүмдөрдү аныктап таап жоё турган процесстерди ишке киргизе алды да жана бул колу таза эмес саясатчылар менен чиновниктердин жүроктөрүн түшүрүүдө.

Элдик Курултай эмне үчүн керек?

 Жаңылануунун каршылаштарын ошондой эле Элдик Курултай алдында жооп берүү да коркутуп турат. Курултай – бул биринчи кезекте элдик бийликти күчөтүү. Айрым ишмерлердин Элдик Курултайды түзүүгө каршы чыгып жатканы алардын элди тоготпогонун, эл алдында жооп берүүнү каалабай турганын айтып турат.

Конституциялык реформадан башталган бул реформалардын бүт комплекси эл менен бийликтин ортосундагы мамилелерди биротоло өзгөртөт. Жаңылануу жана мамлекеттин жарага иштешин жолго коюу аркылуу гана сапаттуу, узак мөөнөттүү натыйжаларга жетишүүгө болот.  

Саясий көйгөйлөрдү чечип, саясий жактан ымалага келүүгө жетишип жана экономикалык терең өзгөртүүлөрдүн жолуна түшкөндө гана Кыргызстанды создугуп келе жаткан кризистен чыгарып, өнүгүп келаткан өлкөлөрдүн катарынан калктын жашоо деңгээли жогору, өнүккөн мамлекеттердин катарына кошууга болот.

Садыр Жапаров Кыргызстандын бардык жарандарын 10 январда референдумга келип өз тандоосун жасоого чакырат!

КҮЧТҮҮ  МАМЛЕКЕТ ҮЧҮН!

КҮЧТҮҮ ПРЕЗИДЕНТ ҮЧҮН!

ЖООПКЕРЧИЛИКТҮҮ БИЙЛИК ҮЧҮН!

САДЫР ЖАПАРОВ ҮЧҮН!

Аткаруучу: «ОсОО “Информатор”; дареги: Кыргыз Республикасы, Бишкек ш.,Кулатов көч. №8.

Буюртмачы: Төлөгөнова Аида Бейшеналиевна, Кыргыз Республикасынын Президентинин кызматына талапкер Жапаров Садыр Нургожоевичтин каржы маселелери боюнча ыйгарым укуктуу өкүлү.

Нускасы:1. 2020-жылдын 22-декабрь даярдалды.

Кыргыз Республикасынын Президентинин кызматына талапкер Жапаров Садыр Нургожоевичтин шайлоо фондунан каржы маселелери боюнча ыйгарым укуктуу өкүлү Төлөгөнова Аида Бейшеналиевна тарабынан төлөндү (күб. № 35, 16.11.2020-ж).

Прокуратура Таласта мыйзамсыз менчиктелген жерлерди мамлекетке кайтарды

Бишкек. 22.12.20. informator.kg Бакай-Ата райондук прокуратурасы 2,4га жер аянтын кайтарды. Бул тууралуу Башпрокуратурадан билдиришет.  Анда, Талас облусунун Бакай-Ата районуна караштуу Кең-Арал айыл өкмөтү 2006-жылы мамлекеттин менчигиндеги кайра бөлүштүрүү фондуна тиешелүү 2,4га түзгөн жер участогун айылдын тургунуна мыйзамсыз бергендигин Бакай-Ата райондук прокуратурасы аныкталган.

“Мыйзам бузууну четтетүү максатында райондук прокуратура жерди берүү боюнча кабыл алынган чечимдерди жокко чыгаруу үчүн сотко доо арыз менен кайрылып, соттук кароонун жыйынтыгы менен көрсөтүлгөн 2,4га жер аянты кайрадан мамлекеттин менчигине кайтарылган”,деп жазат прокуратуранын маалымат кызматы

Кубанычбек Жумалиевден пара алган чиновниктин жардамчысы кармалды. Коомчулук “Сыймык Жапыкеевдин жардамчысы” деп шектенүүдө

Бишкек. 21.12.20. informator.kg  КРнын экономикалык кылмыштарга каршы күрөшүү кызматы козгогон кылмыш ишин жабууга пара талап кылган таасирдүү чиновниктин жардамчысы кармалды. Бул тууралуу ММКлар жазып жатышат.

Укук коргоо органдарындагы өздүк булактарга таянсак, ал кечээ 20-декабрда Бишкектин Биринчи май РИИБисинин кызматкерлери ЖКнын депутаты Кубанычбек Жумалиевден ага финпол тарабынан козголгон кылмыш ишин жабуу үчүн 160 миң АКШ долларын пара катары талап кылып, ал сумманын 2000 АКШ долларын алып жаткан жеринен А. Т. аттуу жаранды колго түшүргөн. Азырынча, ИИМ расмий маалымат бере элек, бирок, К. Жумалиевдин адвокаты Бактыбек Жумашев бул маалыматтын чындыгын ырастап, тергөөгө байланыштуу азырынча маалыматтарды толук ачыктай албастыгын билдирген.