Экономика

Экономика Страница 3

“Альфа-Телеком” (Мегаком) 2020-жылдын 10 айында салык жана камсыздандыруу төлөмдөрүнө 885 млн. 460 миң сом төккөн.

Бишкек. 9.12.20. informator.kg “Альфа-Телеком” (Мегаком) 2020-жылдын 10 айында салык жана камсыздандыруу төлөмдөрү үчүн казынага 885 млн. 460 миң сом төккөн. Бул тууралуу аталган компаниядан билдиришти.

Андагы маалыматка караганда, 2020-жылдын 10 айында компания салык милдеттемелери үчүн 655 млн. 760 миң сом (2019-жылдын 10 айына салыштырмалуу 84,5%),камсыздандыруу төлөмдөрү үчүн 229 млн. 700 миң сом (2019-жылдын 10 айына салыштырмалуу 113,8%), төгүп, жалпы суммасы 885 млн. 460 миң сом казынага киреше киргизген.

Андыктан «Альфа Телеком» ЖАКсы Tazabek жана K-News, сайттарына чыккан “Мегаком” компаниясынын кирешеси 10 айда 6 эсеге азайып кеткен” аталыштагы маалыматтарды толук эмес жана чындыкка дал келбейт деп эсептейт”,-деп айтылат маалыматта.

Эске сала кетсек, аталган басылмалар да маалыматтын каталыгын мойнуна алып, макалаларды оңдоп түздөгөн.

Каржы полициясы автомектептердеги коррупциялык схеманы ачты

Бишкек. 9.12.20. informator.kg Экономикалык кылмыштарга каршы күрөшүү кызматы айрым автомектептердин салыктан качкан схемасын тапты. Бул тууралуу аталган кызматтын маалымат кызматы кабар таратты.

Анда кызматтын Ош облусунун Өзгөн жана Кара-Кулжа райондору боюнча райондор аралык бөлүмү Ош облусунун автомектептери тарабынан салык төлөмдөрүн төлөөдөн качкан кылмыштуу схеманын бетин ачканы айтылат.

“Ош облусунун Өзгөн жана Кара-Кулжа райондорундагы автомектептердин “Инфоком” мамлекеттик ишканасынын электрондук сайты боюнча экономикалык ишмердигине салыштырмалуу талдоо жүргүзүлүп, жыйынтыгында айдоочулук күбөлүк алган курсанттар (контракттар) жөнүндө маалыматтар менен Мамлекеттик салык кызматынын башкармалыгы берген маалыматтардын жыйынды жылдык отчет боюнча айырмачылыктар табылды.

Натыйжада, “А.П.” ЖЧКнын автомектептеринин бири гана мамлекеттик бюджетке 2 миллион сомго жакын зыян келтирген. Бул факт боюнча сотко чейинки өндүрүш иштери жүрүп жатат”,-деп айтылат маалыматта.

Ошону менен ушул тапта КРнын бүткүл аймактарында ушул сыяктуу фактыларды аныктоо, ошондой эле мамлекеттик бюджетке каражаттарды кайтаруу боюнча иштер жүрүп жатканы кошумчаланат.

Бишкектин “Аламүдүн” базарындагы дүкөндөн чыккан өрт өчүрүлдү

27-ноябрь 2020/informator.kg- Бүгүн эртең менен Бишкектин Жибек-Жолу менен Буденный көчөлөрүнүн кесилишинде дүкөндөн чыккан өрт, өчүрүлдү.Маалыматка ылайык, Жибек-Жолу менен Буденный көчөлөрүнүн кесилишинде дүкөндөн өрттү өчүрүүгө саат 08:47де Свердлов райондук өрт өчүрүү бөлүмүнөн 1 бөлүм тартылган.

Бишкектеги кинотеатрлар качан иштеп баштары айтылды

25-ноябрь 2020/informator/kg- Бишкектеги кинотеатрлар 1-декабрдан тарта иштей баштайт. Бул тууралуу журналисттерге Бишкек шаарынын мэринин милдетин аткаруучу Балбак Түлөбаев билдирди. Анын айтымында, бардык чектөөлөр алынып салынууда, бирок мектептер жана бала бакчалар дагы деле онлайн режиминде иштешет. “Иш-аракеттердин башка түрлөрүнө, анын ичинде кинотеатрларга чектөөлөр алынып салынат. Ошондой эле фуд-корттор дагы иштей баштайт. Азыр биз өкмөттүн токтомун өзгөртүп жатабыз. Супермаркеттер дагы кадимкидей иштей башташат, убакыт чектелбейт. Тойканалар жана ресторандар үчүн өзүнчө алгоритм иштелип чыккан”, – деди Түлөбаев.

Кыргызстанда алгачкы жолу тез жардам унаасы чыкты

25-ноябрь 2020/informator/kg- “Кыргыз Унаа Курулуш” компаниясы алгачкы тез жардам унаасын көрсөттү. Аталган компания 2019-жылдын март айында биринчи этабы иштей баштаган. Заводдо жеңил жана оор өнөр жай, айыл чарба тармагы үчүн комплекттөөчү шаймандар менен техникалар өндүрүлүп жатат, трансформаторлор менен акылдуу эсептегичтер иштелип чыгып, текшерүүдөн өткөн. Ата мекендик электроэнергетикалык тармагынын чоң потенциалын эске алуу менен ошондой эле чакан жана чоң гидроэлектрстанциялар үчүн зарыл болгон жабдуулар, анын ичинде гидротурбиналар менен генераторлор чыгарылып жатат. Курулуш иштеринин биринчи этабына болжол менен 20 миллион доллар сарпталган. Завод Европа жана Япониянын заманбап жабдуулары менен жабдылган. 

Башкы прокуратуранын өрттөнүп кеткен имараты боюнча чечим кабыл алынды

25-ноябрь 2020/informator/kg- Шаар мэринин милдетин аткаруучу Балбак Түлөбаев өрттөнүп кеткен Башкы прокуратурасынын ордунда долбоорлоо-изилдөө иштерин жүргүзүүгө каражат бөлүү жөнүндө буйрук чыгарды. Бул тууралуу шаардык мэриядан билдиришти. Маалыматка ылайык, жакынкы аралыкта техникалык корутундуга жана шаар куруу документтерине ылайык долбоорлоо иштерин жүргүзүүгө тендер жарыяланат.

Белгилей кетсек, имарат борбордук мэриянын муниципалдык менчик башкармалыгынын балансында. Муниципалдык мүлк башкармалыгынын арызы боюнча өкмөткө караштуу Архитектура, курулуш жана турак жай-коммуналдык чарба мамлекеттик агенттигинин алдындагы жер титирөөгө туруктуу курулуш жана инженердик долбоорлоо институтунан ушул имараттын курулуш конструкциясынын учурдагы абалы жөнүндө техникалык корутунду алынды.
Эскерте кетсек, Башкы прокуратурасынын Орозбеков жана Киев көчөлөрүнүн кесилишинде жайгашкан мурдагы имараты 2010-жылдагы апрель окуялары учурунда өрттөнүп кеткен.

Орусия Кыргыз өлкөсүнө 8 миллион долларлык гуманитардык жардам көрсөтөт

25-ноябрь 2020/informator/kg- Орусия Кыргыз өлкөсүнө 8 миллион долларлык гуманитардык жардам көрсөтөт. Бул тууралуу Орусия Федерациясынын Бишкектеги элчилиги билдирди.Маалым болгондой, гумжардамды өткөрүп берүү аземи бүгүн, 25-ноябрда өтөт.”Орусия тарабынан Кыргыз өлкөсүнө гуманитардык жардам көрсөтүү чечими кабыл алынып, жалпы баасы 8 миллион долларды түзгөн 9000 тонна ун жана өсүмдүк майы даярдалды. Азык-түлүктөр 25-ноябрда өткөрүлүп берилип, андан ары республиканын бардык аймагындагы жакырчылыкта жашаган үй-бүлөлөргө таратылып берилет. Долбоор Бириккен улуттар уюму менен биргеликте ишке ашырылып жатат.Орусия Кыргыз өлкөсүнүн башка долбоорлорун да каржылоону улантат“, – деп айтылат маалыматта.

Улуттук банк дагы интервенция жасап, 1,6 млн доллар сатты

24-ноябрь 2020/informator/kg-Улуттук банк сомдун курсун турукташтыруу үчүн валюта рыногунда интервенция жасады. Бул тууралуу Улуттук банктын сайтында айтылат. Бүгүн Улуттук банк валюта рыногуна 1 млн 600 миң доллар (бүтүмгө келишилген күндөн башка күндөгү эсептөөлөр менен) саткан. Ушуну менен Улуттук банк ноябрь айынын эсеби менен жетинчи жолу, ал эми жыл башынан бери валюта рыногунда 22-ирет интервенция жасап жатат. Белгилей кетсек, акыркы жумаларда Кыргызстанда доллардын курсу 85 сомдун тегерегинде болууда. БУЛАК:КАБАР

Covid-19: Меркел дүйнөнү вакцина менен тегиз камсыз кылуу маселесин көтөрдү

23-ноябрь 2020/informator.kg-Германиянын канцлери Ангела Меркел дүйнөдөгү жакыр мамлекеттерге коронавируска каршы вакцина жетпей калышы мүмкүн экенин эскертип, “Чоң жыйырманын” саммитинде вакцинаны адилеттүү таратуу маселесин көтөрдү. Меркел айым бул көйгөйдү Вакцина жана иммунизация боюнча глобалдык альянс менен талкууга аларын дагы кошумчалады. Германиянын лидеринин айтымында, дүйнө калкын вакцина менен тегиз камсыз кылуу иштеринде жылыштар жокко эсе. Меркелдин кайрылуусуна чейин АКШда айрым тургундар 11-декабрдан тарта Covid-19 вирусуна каршы эмдөөдөн өтүү мүмкүнчүлүгүн алат деген кабар тарады.

Бишкек: 4 миңге жакын абоненттин үйүндө газ 4 күнгө өчүрүлөт

23-ноябрь 2020/informator.kg- Бишкекте 4 миңге жакын абоненттин үйүндө газ 4 күнгө өчүрүлөт. Бул тууралуу тууралуу Бишкек шаарынын мэриясынан билдиришти. Мэриядан белгилешкедей, Курманалиев жана Элебесов көчөлөрүндөгү түтүктөрдөн газдын чыгышын четтетүү иштерине байланыштуу “Красный строитель” шаарчасында жана шаардын Сары-Челек, айланма жол, Кыргызская, Логвиненко, Курманалаиев, Зеленая, Новая, Колхозная, Заводская көчөлөрү менен чектелген бөлүгүндө жана Коллективная, Аул, Новосельская көчөсү жана кичи Чүй каналы менен чектелген бөлүгүндө көгүлтүр от 24-27-ноябрь күндөрү жок болот. Газ 3 миң 920 абоненттин үйүндө өчүрүлөт.