Экономика

Экономика Страница 35

Иманкадыр Рысалиев: “Мегаком” орустар түзгөн компания…”

Бишкек. 17.05.19. informator.kg “Мегаком” орустар түзгөн компания, анын иши сотто. Андыктан, бизге мамлекеттик компания керек”. Бул тууралуу говори.тв порталына маек берип жатканда Иманкадыр Рысалиев айтты.

Анын айтымында, “Санарип” долбоорун ишке ашырууга мамлекеттик уюлдук компания керек жана ушул үчүн “КТ-Мобайл” компаниясынын ишке кириши туура болгон. Бул абдан келечектүү долбоор болчу. Буга атайын бут тосуп жатышат”,-деди ал.

Эске сала кетсек, Иманкадыр Рысалиевдин жоопкерчилигин кароо боюнча депутаттык комиссия Башпрокуратурага тапшырма берген.

Алмазбек Баатырбеков, ЖК депутаты: “Иманкадыр Рысалиев “доңуз” беле?!”

Бишкек. 17.05. 19. informator.kg. Байланыш агенттигинде “КТ-Мобайл” боюнча жыцын болуп жатканын өзү эле билип барып калгыдай Иманкадыр Рысалиев эмне доңуз беле?!” Мындай суроону депутаттык комиссиянын отурумунда депута Алмазбек Баатырбеков КРнын Байланыш жана коммуникация агенттигин башчысы Бакыт Шаршембиевге узатты.

“Иманкадыр Рысалиевди сиз чакырдыңыз беле? Болбосо, ага жыйынты башкартууга кандайча уруксат
бердиңиз? Анын “”КТ-Мобайл” менен кандай иши бар эле?”,-деди депутат.

Ага агенттиктин башчысы Бакыт Шаршембиев “Баласынан угуп келсе керек…” деген жооп айтты.

Ал эми депутат болсо Башпрокуратурага кайрылып, Иманкадыр Рысалиевдин кызматтык жоопкерчилигин, анын чет элден каржыланган иши менен мамлекеттик жумуштун ортосундагы байланышын териштирүү керектигин айтты.

Акылбек Жамангулов: “Иманкадыр Рысалиев мени коркутуп, балдарыма чейин асылды…”

“Иманкадыр Рысалиев мени коркутуп, балдарыма чейин асылды…” Бул тууралуу “Альфа Телекомдун” жетекчиси Акылбек Жамангулов Жогорку Кеңештеги депутаттык комиссиянын жыйынында айтты.

“Иманкадыр Рысалиев бир нече жолу менин дарегиме коркуткан сөздөрдү айтты, каттарды жазып, түбүңө жетем, укук коргоо органдарына каздырам, ал тургай балдарыңды жакшылап кара” дегенге чейин барган”,-деди ал.

Эске сала кетсек, Иманкадыр Рысалиевдин Өкмөткө да, КТ-Мобайлга да расмий тиешеси жок…

Курманкул Зулушев “КТ-Мобайл” боюнча депкомиссияны жетектейт

Бишкек. 16.05.19. informator.kg “КТ-Мобайл” компаниясынын каржылык ишмердигине байланышкан маселени иликтөө максатында Жогорку Кеңеште депутаттык комиссия куралып, анын башчылыгына депутат Курманкул Зулушев бекитилди.

Ал эми комиссиянын курамына СДПКдан – Жанарбек Акаев, Садолимжон Джураев, Айнура Осмонова, Абтандил Кулбараков, «Республика – Ата-Журттан» – Марлен Маматалиев, Курманкул Зулушев, Мирлан Жеенчороев,  «Кыргызстандан» – Алмазбек Баатырбеков, Таалайбек Масабиров, «Өнугуу – Прогресстен- Гульшат Асылбаева, Зиядин Жамалдинов, «Бир Болдон» – Акылбек Жапаров, «Ата Мекен» – Алмамбет Шыкмаматовдор мүчө болушкан.

Бул комиссия эми “Кыргызтелеком” ААКсынын алдындагы “КТ-Мобайл” уюлдук компаниясынын пайда болушу, анын каржылык операциялары тууралуу толук иликтеп чыгышмакчы.

Кыргызстанда «Salam» бренди менен жаңы уюлдук байланыш ачылат

Бишкек. 16.05.19. informator.kg Кыргыз Республикасынын Премьер-министри Мухаммедкалый Абылгазиев КР Өкмөтүнө караштуу Мамлекеттик мүлктү башкаруу боюнча фондунун, Маалыматтык технологиялар жана байланыш мамлекеттик комитетинин, «Альфа Телеком» ЖАКтын жана «Кыргызтелеком» ААКнын жетекчилери менен «Альфа Телеком» ЖАК жана «КТ Мобайл» ЖЧК ортосунда кызматташтыктын талаш маселелерин жөнгө салуу боюнча кеңешме өткөрдү. Бул боюнча Өкмөттүн маалымат кызматы кабарлайт.

“Жолугушуунун жыйынтыгы боюнча «Альфа Телеком» ЖАК «КТ Мобайл» менен жыштыктарды биргелешип колдонуу боюнча кызматташууну улантат. Ал «Кыргызтелеком» ААКнын туунду компаниясы. Бул өнөктөштүктүн алкагында жакынкы айларда виртуалдык оператор түзүү долбоорун ишке киргизүү пландаштырылган. Бул үчүн «Альфа Телеком» ЖАК өзүнүн техникалык базасын берип, таяныч оператору болот.
Премьер-министр Мухаммедкалый Абылгазиев баса көрсөткөндөй, ал эки мамлекеттик компаниянын кызматташуу идеясын колдойт, анткени алар өлкөнү санариптештирүү саясатын илгерилетүүнүн негизги инфратүзүмдүк локомотиви болушу керек. Бул өлкө боюнча, анын ичинде эң алыскы жана жетүү кыйын болгон калктуу аймактарда уюлдук түйүндүн камтуу аймагын кыйла кеңейтип, компаниянын абоненттеринин кызыкчылыгында жогорку ишенимдүү байланышты камсыз кылат.
Мындан тышкары Премьер-министрдин айтымында, бул сыяктуу өнөктөштүк өлкөнүн ири салык төлөөчүлөрүнүн бири болгон «Альфа Телеком» ЖАК компаниясынын кирешелүүлүгүнө оң таасир берет.
Кеңешмеде биргелешкен ишмердүүлүктөн түшкөн киреше «Альфа Телеком» ЖАК пайдасына – 67%, ал эми «КТ Мобайл» үчүн – 33% принциби боюнча бөлүштүрүлөт.
«Альфа Телеком» ЖАК «КТ Мобайл» ЖЧКсы менен жыштыктарды биргелешип пайдалануу жөнүндө уюлдук операторлор арасындагы аукциондун жеңүүчүсү болгон. Талаш маселелер чечилген соң тараптар кызматташтыкты улантышты. «Альфа Телеком» ЖАК Кыргызстандын рыногунда «Salam» бренди менен төртүнчү уюлдук операторду бир айдын ичинде ишке киргизүү милдетин өзүнө алды”,-деп айтылат маалыматта.

Айыл банктын мурдагы башчысы камалды

“Айыл банктын” мурдагы директору Мурат Акимов камакка алынды. Бул тууралуу Экономикалык кылмыштар менен күрөшүү кызматынан билдиришти.

Андагы маалымат боюнча, ал 2017-2019-жылдары банкты башкарып турганда бир катар каржылык мыйзамсыз иштерге кириптер болгону аныкталган.

Тазабек Икрамов, ЖК депутаты: “Айдоочуларга болгон айып пулдарды азайтуу керек!”

Бишкек. 16.05. 19. informator.kg “Акылдуу шаардын” алкагындагы айдоочуларга болгон айып пулдар абдан кымбат, Өкмөт муну карап чыгып, азайтпаса болбойт, эл кыйналып жатат…” Бул тууралуу ЖКнын жыйынында депутат Тазабек Икрамов айтты.

Ал белгилегендей, жарандарга келген “Бакыт каты” же айып пулдар абдан кымбат болгондуктан, элде аны төлөөдө кыйынчылыктар жаралып, нааразычылыктар арбыды. “Жол кыймылын жөнгө салуу боюнча кызматтар менен бирге муну кайра карап чыгып, айып пулдарды төмөндөтүү керек. Жарандардын коопсузудуг башкы орунда бирок, алардын чөнтөгүн да да карабасак болбойт”,-дейт депутат.

Эске сала кетсек, ушу тапта Өкмөт аталган долбоор авто авариялардын санын кескин кыскартканын айтып жатат.

Өкмөт “КТ-Мобайлды” өзү талкуулайт

Эртең, Өкмөт башчы Мухаммедкалый Абулгазиев өкмөттүк жыйын өткөрүп, анда мамлекеттин үлүшү бар ишканалардын ишмердигин талкууга алат. Бул тууралуу өкмөттүн маалымат кызматы билдирди.

Анда маалым болгондой, баардык мамлекеттик ишканалардын жетекчилери ишканалардын экономикалык көрсөткүчтөрүн ортого жайып, аларды башкаруудагы маселелерди көрсөтүшмөкчү.

Эске сала кетсек, бүгүн ЖКнын депутаттары да дал ушул маселе, асыресе акыркы мезгилде талкуу жараткан “КТ-Мобайл” компаниясынын ишмердиги боюнча депутаттык комиссия түзгөн эле.

Ишке кире элек “КТ-Мобайлдын” жетекчилери 5 миң доллар айлык алат


Бишкек. 13.05. 19. informator.kg Коомчулукта кызуу талкууланып жаткан “”КыргызТелеком” ААКсынын туундусу катары түзүлгөн “КТ-Мобайл” мамлекеттик компаниясынын жетек кызматындагылар 5 миң АКШ доллары өлчөмүндө айлык маяна алышат. Бул тууралуу infotmator.kg порталына өздүк булактардан маалым болду.

Алар бизге жолдогон маалыматтарга карасак, компаниянын башкы директору Нурбек Мукамбетовдун бир айлык маянасы 350 миң сом же 5 миң АКШ долларын түзөт. Ошондой эле анын орун басары Эрназар Рысалиевдин айлык маянасы 300 миң сом. Андан ары Техникалык директор Николай Дмитриенко-290 миң сом, Долбоордун башчысы Руслан Гайдаров 140 миң, роуминг боюнча жетекчи Раушан Белекова 85 миң сом айлык алып, тизме узарып кете берет.

порталдын колуна тийген справка

Кызыгы, жакында “КТ-Мобайл” компаниясы мамлекеттик 2-уюлдук оператор болуп түзүлүп, байланыш рыногуна кирүүнү пландап жаткан. Бирок, 2018-жылы түзүлгөн бул компания өзү “Кыргызтелекомго” ири суммадагы карызы бар экени айтылып келет. Азырынча, компания мамлекетке бир тыйын салык төлөп, киреше да алып келе элек. Буга карабай, андагы кызмат жетекчилеринин бюджеттен, демек, элден чогулган салыктан чоң каражаттарды айлык катары алып жатканы түшүнүксүз.

Баса, economist.kg порталынын былйыл жыл башындагы маалыматы боюнча, “Кыргызтелеком” ишканасы Кыргызстандагы №1-карызы көп ишкана катары саналат жана анын жалпы карызы 107 млн. сомду түзөт. Башкача айтканда, мамлекетке жана жеке жактарга карызы көп, банкроттук ишкана.

Мурдагы министр Иманкадыр Рысалиев

Кошумчалай кетсек, буга чейин айрым маалымат булактары “КТ-Мобайлдын” башкы директорунун орун басары Эрназар Рысалиев мурдагы министр Иманкадыр Рысалиевдин уулу экендигин, ал болсо азыркы Өкмөт башчысы Мухаммедкалый Абулгазиевдин бажасы, экс-төрага Асилбек Жээнбековдун төрага маалындагы кеңешчиси экендигин жазып, муну ал өзү да ырастаган болчу.

Эрназар Рысалиевдин сүрөтү ачык булактардан

Бакыт Төрөбаев өндүрүшчүлөрдү каржылап, Кытайга алып кетти


Бишкек. Informator.kg  7.05.19.  Ушул тапта ЖКнын депутаты, «Өнүгүү-Прогресс» партиясынын лидери Бакыт Төрөбаев Кытайдын  Гуанчжоу шаарында эл аралык алдыңкы ишкерлердин көргөзмөсүнө катышууда. Бул тууралуу парламенттеги аталган фракциянын катчылыгы билдирди.

Анда  «иш-чарада дүйнөдөгү жогорку деңгээлдеги ишкерлер менен биргеликте, өлкөгө улуттук кызыкчылыктарды көздөгөн, экологиялык таза продукцияны өндүргөн ишкана куруу боюнча сүйлөшүүлөр жүргүзүлүүдө. “Кыргызстанда жалпы жеңил өнөр-жай тармагын, анын ичинде кийим тигүү, бут кийим чыгаруу жана башка өндүрүштөрдү кантип өнүктүрүүгө болот?”, – деген маселенин алкагында эл өкүлү бир катар ири ишканалардын жетекчилери менен жолугушуу өткөрүп жатат. Мындан сырткары ата мекендик өндүрүшкө маанилүү болгон заманбап мода, дизайндан кантип артта калбаш керек деген тема дагы иш сапардын негизги өзөгүн түзүүдө»,-деп айтылат.

Белгилей кетсек, аталган жумушчу сапар кыргыздандык өндүрүшчүлөр тобунун сапарын Бакыт Төрөбаев уюштуруп, каржылык чыгымдарды жеке мойнуна алган.