Окуялар

Окуялар

Жумгалда суу чарба башкармалыгын жетекчилиги айлык акыларды өздөрүнө пайдаланып келген

Бишкек. 24.01.21 informator.kg  “Жумгал райондук суу чарба башкармалыгынын жетекчилиги кызматкерлердин эмгек акыларын өз кызыкчылыгына пайдаланган”. Бул тууралуу Башкы прокуратурадан кабарлашты.

Анда Нарын облустук прокуратурасы тарабынан Жумгал райондук суу чарба башкармалыгында жүргүзүлгөн текшерүүдө аталган башкармалыктын жооптуу кызмат адамдары кызматтык абалынан кыянаттык менен пайдаланып, өздөрүнө пайда табуу жана материалдык артыкчылыктарды көрүү максатында, мекеменин каржылык жана бухгалтердик иш кагаздарды жасалмалоо аркылуу, айрым кызматкерлердин эмгек акы төлөө карталык эсебине каражаттарды которуу жолу менен жалпы суммасы 3 млн. 062 миң 330 сом акча каражатын банк аркылуу чыгарып, өз кызыкчылыгына пайдалангандыгы айтылат.

            Натыйжада, кызмат адамдарынын кылмыштык аракеттеринин кесепети менен мамлекетке ири өлчөмдө материалдык зыян келтирилген.

“Аталган факты боюнча Кыргыз Республикасынын Жазык кодексинин 320-бер. (Кызмат абалынан кыянаттык менен пайдалануу) менен сотко чейинки өндүрүш иши ачылып, азыркы учурда тергөө аракеттери башталды жана мыйзамсыз ыйгарылып алынган жалпы суммасы 3 062 330 сом акча каражатты мамлекеттин эсебине кайтарууга тийиштүү иш аракеттер жүргүзүлүүдө”,-деп айтылат макалада.

Кытайдын вакцинасына эмделген Пакистандын өкмөт башчысы ковид менен ооруп калды

Бишкек. 16. 03.21. informator.kg  Пакистандын премьер-министри Имран Хан жана анын аялы Covid-19 илдетин жуктуруп алган. Бул тууралуу Сnn басылмасы өкмөтүк булактарына таянып жазганы жарыяланды.

Анда кечээ 20-мартта Пакистан саламаттыкты сактоо министри Фейсал Султан өкмөт башчыны “үй шартында изоляцияга алынганын” жарыялаганын, бирок, 68-аштагы премьер Кытай өндүрүшүнөн чыккан коронавируска каршы Sinopharm  вакцинасы менен эмделгенине карабай, илдетти жуктуруп алгандыгы айтылат. Азырынча аталган вакцина Пакистандыктар пайдаланып жаткан алгачкы антивирустук дары болуп жатат.

Бишкекте эртең күн жылыйт

Бишкек. 21. 03.21. informator.kg  Кыргызстанда 22-мартта күн жылуу болот. Бул тууралуу метеорологдор билдирет.

Алардын маалыматы, эртең Кыргызстанда күн ачык болуп, шамалдын ылдамдыгы батыштан 4-9 метр секунданы түзөт.

Бишкекте аба ырайы түнкүсүн +2, күндүз +17 градус жылуу, Чүй облусунда түнкүсүн −1,күндүз  +17 жылуу,  Ош, Жалал-Абад, Баткен облустарында аба ырайынын  температурасы түнкүсүн +2, күндүзү +18 градус болоору күтүлүүдө.

Нарында −11ден +10 градуска чейин жылыса, Ысык-Көлдө түнкүсүн−3, күндүзү +13 градус жылыйт. Таласта болсо абанын температурасы түнү−1, күндүз +17 градус жылуу болмокчу.

Түркия-Кыргызстан авиакаттамы боюнча рейстердин саны арбыйт

Бишкек. 17.03. 21. Жакынкы аралыкта Кыргызстан менен Түркиянын ортосундагы авиак каттамдар боюнча рейстердин саны көбөйөт. Бул тууралуу Эл аралык “Манас” аба майданынан кабарлашты.

“Учурда аба майдандын жетекчилиги аба каттамдардын көбөйгөнү жүргүнчүлөр үчүн маанилүү экенин түшүнүп, эл аралык ири авиа компаниялар менен сүйлөшүүлөрдү жүргүзүп жатат. Мунун алкагында жакында эле “Манас” эл аралык аба майданында Turkish Airlines жана Turkish Cargo компанияларынын жетекчилери менен эки тараптуу жолугушулар өттү. Сүйлөшүүүлөр учурунда Turkish Airlines Стамбул-Бишкек-Ош-Стамбул маршруту боюнча каттамдардын санын арбытып, Түркия менен Оштун ортосуна түз ккаттамдарды көбөйтө турган болду”,-деп айтылат маалыматта.

Ошону менен бирге эле тараптар 2021-жылдын жай айларында Истамбул жана Анталия менен Бишкектин ортосундагы рейстердин санын да көбөйтө турган болушту.  Ошону менен бирге эле жүк ташуунун көлөмүн көбөйтүү  боюнча да стратегиялык келишимге кол коюлган.

Эске сала кетсек, бул жолугушуулар “Манас” Элл аралык аба майданы ААКсынын башчысы Бакыт Шаршеев менен Turkish Airlines компаниясынын гендиректору Белалом Экшинин видео сүйлөшүүсүнүн негизинде ишке ашкан.

MegaCom маалымдайт: Компанияда жетекчилик алмашты

Бишкек. 16. 03.21. informator.kg  “Альфа Телеком” ЖАК (соода белгиси MegaCom) компаниянын башкы директору Жамангулов Акылбек Жекшенович 2021-жылдын 16-мартынан тарта башка кызмат ордуна которулгандыгына байланыштуу өз каалоосу менен кызматтан кетүү боюнча арызын жазгандыгын маалымдайт.

Ал “Альфа Телеком” ЖАКтын башкы директору кызматын 2018-жылдын 24-октябрынан бери аркалап келген.

Ал эми “Альфа Телеком” ЖАКтын башкы директору кызматына Базаркулов Азат Темирканович дайындалды. Ал буга чейин “Акнет” ЖЧКнын аткаруучу директору кызматын ээлеп келген.

Катар өкмөтү Бишкекте травматология жана ортопедия борборунун курулушуна 9 млн. 240 миң доллар бөлдү

Бишкек. 15.03. 21. Informator.kg  Катар өкмөтү Кыргызстанда Улуттук Травматология жана ортопедия борборунун жаңы имаратын курууга 9 млн. 240 миң. АКШ доллары өлчөмүндө каражат бөлөт. Бул тууралуу аталган борбордун башчысы, профессор Сабырбек Жумабеков билдирди.

“Урматтуу достор бизде жакшы кабар. Көптөн бери аракет кылган мээнетибиз жанды. Бүгү н Катар мамлекетинин Кыргыз Республикасындагы Толук жана Ыйгарымдуу Элчиси Абдулла бин Ахмед  Аль-Сулайити мырза менен жолугушуу өткөрдүк. Жолугушуу учурунда Элчи мырза Катар мамлекетинин Өкмөтү Бишкек травматология жана ортопедия борборунун жаңы тогуз кабаттуу, заманбап технологиялар менен жабдылган жаны имаратынын курулушуна  багытталган 9 млн. 240 мин АКШ доллар коломундо каржылоого бөлүнгөнүн билдирди. Бул биз үчүн бөлүнгөн каражат 100% грант түрүндө берилет. Кредит эмес, кайтарбайбыз”,-деп жазды ал фейсбуктагы баракчасына.

Ошону менен бирге эле дарыгер Элчи мырза борбордогу курулушту жүргүзүү аянтын көрүп, курулуш иштери тез башталганы абдан жакшы болоорун билдирүү менен, Катар тарап  каржылоого толугу менен даяр экенин айтканын кошумчалады. “Биздин өтүнүч  менен  тендер маселеси Элчилик тарабынан өткөрүлүп, курулушту аягына чейин бүткөнчө өздөрү толугу  менен көзөмөлгө ала турган болушту”,-деп кошумчалайт ал.

Анын айтымында, жер, документер, жана башка уруксат  кагаздар мэрия тарабынан чечилмей болгон.

MegaCom «Китеп порталы»: Акцияга катышып «Раритеттен» бестселлер утуп ал

MegaCom уюлдук оператору жана «Раритет» дүкөнү китеп сүйүүчүлөрү үчүн «Айдын мыкты окурманы» биргелешкен акциясы уюштурулуп жатканын кубануу менен кабарлайт.

Акциянын негизги шарты – «Китеп порталы» сервисинин активдүү колдонуучусу болуп, өз аккаунту менен порталга көбүрөөк кирип туруу. Ар бир айдын жыйынтыгы менен эң активдүү деп эсептелген 3 колдонуучу «Раритет» китеп дүкөнү сунуштаган 3 китептин бирин тандап алат.

Март айынын алгачкы 3 жеңүүчүсү төмөнкү китептерден турган белекти тандап алса болот.

Биринчи орун үчүн:

·         «Шантарам» (Грегори Дэвид Робертс);

·         Мектеп окуучулары үчүн Дүйнө атласы;

·         «Жогорку эффективдүү адамдардын 7 көндүмү» (Стивен Р.Кови).

Экинчи орун үчүн:

·         Чынгыз Айтматовдун чыгармаларынын чакан жыйнагы;

·         «Коралина» (Нил Гейман);

·         «Кылычсыз Самурай» (Китами Масао).

Үчүнчү орун үчүн:

·         «Дориан Грейдин портрети» (Оскар Уайльд);

·         «Кичинекей ханзаада» (Антуан де Сент Экзюпери);

·         «Феррарисин» саткан кечил» (Робин Шарма).

«Китеп порталы» сервисинин колдонуучулары активдүү окурмандар арасынан өз рейтингин бир ай бою *9718# буйруусу аркылуу көзөмөлдөп тура алат. «Айдын мыкты окурманы» акциясы тууралуу толугураак маалыматты book.megacom.kg сайтынан окуңуздар

2020-жылы “Кумтөр” 17 тонна, 297,76 кг. алтын өндүргөн

Бишкек.  15.03.21. informator.kg  2020-жылы “Кумтөр голд компани” менен “Центерра” 17 тонна, 297, 76 килограмм таза алтын өндүргөн. Ал эми компаниялар Кыргызстанга жалпысынан 344,68 миллион АКШ долларын өлчөмүндө каражат төлөмдөрүн жүргүзгөн. Бул тууралуу компаниянын жылдык отчетунда айтылат.

Андагы маалыматтарга караганда, 2020-жылы кампалардагы сактлагна корлорду иштетүүнүн негизинде 556 миң 136 унцийди же” 17 тонна, 297, 76 килограмм алтын алган. Бул 2019-жылга караганда дээрлик бир тоннаг чукул аз. Муну компания өндүрүштөгү рудада алтындын курамы аз өлчөмдө болгону менен түшүндүрөт.

“2020-жылы мамлекеттин бюджетине салык жана милдеттүү төлөмдөр түрүндө 15,3 миллиард сом которулду”,деп айтылат отчетто.

Бишкектеги аскер бөлүктүн жоокерлери массалык кургак учукка кабылды

Бишкек.  15.03.21. informator.kg  Бишкектеги Зениттик-ракеталык аскер бөлүктө кызмат өтөгөн жоокерлер массалык түрдө кургак учук жуктуруп алган. Бул тууралуу жугуштуу ооруга чалдыккан аскердин биринин атасы бизге кабарлады.

Анын айтымында, акыркы эки ай аралыгында аталган аскер бөлүктөгү 10дон ашуун жоокерден кургак учук оорусу аныкталган. “Бүгүн ата-энелер чогулуп жатабыз, жоокерлер ар кандай, кээ бири бир ай мурун, кээ бири андан бери, айтор аз убакытта 10дон ашуун жоокер кургак учукка кабылганы билинген. Угушубузча, курак учук менен ооруган бир жоокерди карантинге чыгарып,. Башкалардан оолак дарылоо, тиешелүү ооруканаларга жаткыруу болгон эмес. Биз тактап туруп маалымат беребиз, коомчулук билсин”,-деди аты-жөнүн атоодон кармаган жаран.

Бул боюнча азырынча Коргоо министрлиги менен байланышуу мүмкүнчүлүгү болгон жок.

Прокуратура органдары Чүйдө 0,5 гектар жерди муниципиалитетке кайтарды

Бишкек.  15.03.21. informator.kg  Чүй облусунун прокуратурасы аймакта мыйзамсыз жеке менчикке өтүп кеткен 0,5 гектар жерди муниципиалитетке кайтарды. Бул тул тууралуу Башпрокуратуранын маалымат кызматы кабарлайт.

Анда Чүн облустук прокуратура кызматкерлери тарабынан мыйзамсыз жер ээлөөлөр боюнча текшерүүлөр жүрүп, анын алкагынла Ысык-Ата районунун ново-Покровка айылындагы муниципиалдык менчик жер мыйзамсыз жеке менчикке өтүп кеткендиги боюнча фактыны табышканы айтылат.

“Аталган жер участогу Логвиненко айыл өкмөтүнүн карамагында болуп келген, ал жер атайын балдар аянтчасын куруу үчүн 2005-жылы муниципиалитетке бөлүнүп берилген, жергиликтүү тургундар өз каражаттары  менен балдар ойноочу аянтчаны куруп, ар кандай жарак-жабдыктарды орнотуп келишкен. Бирок, жергиликүү  М.Б. атуу тургун аталган жер 2004-жылы 9-апрелде айыл өкмөтүн чечими менен бул аянт ага берилгенин билдирип, укук коргоо органдарына кайрылуу менен жерди ээлеп алуунун аракетин көрүп келген.

Бирок, прокуратура органдары жарандын колундагы жеке менчик боюнча документтер мыйзамсыз чечимдин аркасында болгонун текшерип, жер аянты муниципиалдык менчик катары мыйзамдуу экендигин билдирип, сот органдарына өтүнүч жөнөткөн”,-деп айтылат маалыматта.

Жыйындыгында, 2021-жылдын 25-февралында Чүй облустук Административдик соттун чечими менен М. Бга чыгарылган айыл өкмөтүн чечими мыйзамсыз деп табылып, жер муниципиалитетке кайтарылган.