Окуялар

Окуялар Страница 2

Шавкат Мирзиеев Садыр Жапаровду Ташкентке чакырды

Бишкек. 12.01. 12 informator.kg  Коңшулаш Өзбекстандын президенти Шавкат Мирзиеев телефон аркылуу КРнын жаңы шайланган Президенти Садыр Жапаровду куттуктады. Бул тууралуу анын шайлоо штабынан кабарлашты.

Анда белгилүү болгондой, өзбек  өлкө башчысы Садыр Жапаровдун жетекчилиги алдында Кыргызстан алдыда турган баардык кыйынчылыктарды жеңип, мамлекеттүүлүктү чыңдоодо ийгиликтүү программаны ишке ашыраарына, социалдык-экономикалык туруктуу өнүгүү жолуна түшөөрүнө ишэнээрин билдирген.

Ошону менен бирге эле ал эки өлкөнүнү мындан аркы ынтымагы, кызматташтыгы тыгыз болоорун белгилеп, Садыр жапаровду өлкөсүнө расмий иш сапарга келип кетүүгө чакырганы айтылат.

Экс-премьер Кубатбек Боронов финполго суракка чакыртылды

Бишкек. 11.01. 12 informator.kg  Кыргыз Республикасынын мурдагы Өкмөт башчысы Кубатбек Боронов финполго суракка чакыртылды. Бул тууралуу аталган органдан тастыкташты.

Андагы маалыматтар боюнча, мурдагы өкмөт башчысы 2020-жылдагы “Коронавирус” пандемиясы менен күрөшүүдө Өкмөткө келип түшкөн материалдык жардамдардын бөлүштүрүлүшү, сырттан кирген каражаттар жана каржылык маселелер боюнча суроолорго жооп берет.

К. Боронов финполицияга эртең 12-январда күндүзгү саат 11:00гө чакыртылган.

Садыр Жапаров: “Акыл-эс, абийир жана чын жүрөк менен шайлоону таза өткөрүү керек!”

Бишкек . 08.01.21. informator.kg

Кыргыз Республикасынын
Президенттигине талапкер
Садыр Жапаровдун

КАЙРЫЛУУСУ

Урматтуу кыргызстандыктар!
Кымбаттуу достор!
10-январь күнү биз, өлкөбүздүн жашоосундагы эң маанилүү чечимди кабыл алабыз!
Бул күн – биз үчүн өлкөдө көптөгөн жылдардан бери кыйынчылыктардан арылууну көздөгөн, асыл тилекти орундатуудагы эң маанилүү күн болуп калмакчы!
Баарыңыздар шайлоого келиңиздер!
Ар бириңиздер, өз тандооңуздарды жасайсыздар!
Кандай өлкөдө жашайсыздар – чечим Сиздерде!
Кандай бийликти каалайсыздар? Күчтүү бийликтиби? Адилет жана элдик, бардыгыбыз үчүн жоопкерчиликти ала турган бийликтиби?
Же мыйзамсыздык, коррупция, жоопкерчиликсиздик жана саткынчылык өкүм сүргөн жашоого кайра кайтып баргыңыздар келеби? Башаламандык менен жакырчылыктан кутулгуңуздар келбейби?
Ар бирибиз – өз тандообузду жасашыбыз керек!
Биздин эртеңки келечек кандай болот – ар бирибиз жоопкербиз! Өлкөнүн тагдырын чече турган жана чечкиндүү аракетке бара алган адамды тандап алууга, биз гана укуктуубуз!
Элдин тагдыры, балдарыбыздын тагдыры, эртеңки келечек – ар бирибиздин колубузда!
Сиздер, өз жүрөгүңүздөр менен, акыл-эс жана абийирди бийик коюп, акыйкат тандоо жасоого тийишсиздер!
Сиздердин ар бириңиздер, мен да, бардыгыбыз жаңыланууну күтүүдөбүз!
Биз, жашообузду жаңы барактан баштоого татыктуубуз!
Биздин мамлекетти ондогон жылдар бою каалагандай тоношуп, талкалап келген эски коррупциялык түзүмдөргө жол бербеңиздер!
Биздин жаңыланууга болгон укугубузду тартып алгысы келгендерге ишенбегиле!
Биз, жарандарыбыз үчүн ак иштей турган бийликти тандоого мүмкүнчүлүк алдык!
Алдыбызда турган сыноолордон ынтымак менен бирге өтө алабыз.
Кымбаттуу кыргызстандыктар!
Алдыдагы жаз айларында бизди олуттуу сыноолор күтүп турат.
Биз, кризистен чыгып, жаңылануу жана гүлдөп өнүгүү жолуна түшүү үчүн болгон күч-аракетибизди жумшашыбыз керек!
Шайлоодо ким утуп чыкпасын, биз жаңы шайланган президенттин тегерегине чогулуп, аны колдоого алуубуз абзел!
Эртең кандай өлкөдө жашайбыз, ар бирибиз жоопкербиз!
Шайлоого келиңиздер!
Өзүңүздөрдүн жана балдарыңыздардын келечеги үчүн, мекенибиздин тагдыры үчүн добуш бериңиздер!

Аткаруучу: « informator.kg » ; дареги: Кыргыз Республикасы, Бишкек ш., Кулатов.көч 8.
Буюртмачы: Төлөгөнова Аида Бейшеналиевна, Кыргыз Республикасынын Президентинин кызматына талапкер Жапаров Садыр Нургожоевичтин каржы маселелери боюнча ыйгарым укуктуу өкүлү.
Нускасы: 1. 2021-жылдын 08-январда даярдалды.
Кыргыз Республикасынын Президентинин кызматына талапкер Жапаров Садыр Нургожоевичтин шайлоо фондунан каржы маселелери боюнча ыйгарым укуктуу өкүлү Төлөгөнова Аида Бейшеналиевна тарабынан төлөндү (күб. № 35, 16.11.2020-ж).

Казак Президенти “Курманжан датка” тасмасын мактады

Бишкек. 08.01.21. informator.kg Казакстандын президенти Касым-Жомарт Токаев кыргыз режиссеру Садык Шер тарткан “Курманжан датка” тасмасын мактоого алды. Тагыраагы, ал “Эгемен Казакстан» деген басылмада жарык көргөн макаласында мамлекеттик мекемелер жана телеканалдар тарыхый окуяларды чагылдырууга көңүл бурушу керектигин айтып жатканда мисал келтирген.

«Албетте, каржы маселеси да чечилиши керек. Бирок көп акча коротпой эле сапаттуу тасмаларды тартса болот. Кыргызстан көп каражатты сарптабастан жогорку деңгээлдеги фильмдерди жаратса болорун ачык көрсөттү. Кеп «Курманжан датка» тасмасы жөнүндө болуп жатат», – деди Токаев.

Эске сала кетсек, «Курманжан датка» тасмасы 70 миллион сомго тартылып, бир катар эл аралык сыйлыктарды жеңген.

Садыр Жапаровдун акыркы жолугушуусу Бишкек шаарында, эски аянтта миңдеген элдин катышуусунда өттү

Бишкек. 8.01.21. informator.kg Президенттик шайлоого эки күн калды. Дээрлик бир айга созулган үгүт иштери аяктап, талапкерлер эл менен акыркы жолугушууларын өткөрүүдө. 10-январда Кыргызстанда парламенттик шайлоо. Аны менен бирге өлкөнү башкаруунун формасын тандоо алдында турабыз. Тактап айтканда, президенттик же парламенттик башкаруу!


Кандай башкарууну тандайбыз? Мындан ары кайсы башкаруу менен жашайбыз, аны эл өзүбүз чечебиз. Башка талапкерлер сыяктуу эле Садыр Жапаров да Кыргызстанды түрө кыдырып, эл менен жолукту. Талапкер 8-январда Бишкек шаарынын жашоочулары менен жолугушту. Жолугушуу эски аянтта, бир нече миңдеген шаар тургундарынын катышуусунда өттү. Эски аянтка чогулган эл – Садыр Жапаровду шатырата кол чаап шаңдуу тосуп алышты.
Эл менен жакындан жолуккан Садыр Жапаров – адегенде сөзүн Бишкек шаарын өнүктүрүү боюнча программасын айтуу менен баштады. Андан соң эл тарабынан берилген суроолорго токтолду. Албетте, билинбегени менен Бишкек шаарында чечилбеген көйгөй көп. Элдин берген суроолору да ошол айлап, жылдап чечилбей келе жаткан көп жылдык көйгөйлөр. Эл берген суроолордун ар бирин өзүнчө тиркеп, президент болуп калса, көз жаздымда калтырбай чечүүгө аракет жасаарын баса белгиледи. Садыр Жапаров Бишкектеги көйгөйлөрдү да кароосуз калтырбасын билдирди.
“Борбор калаабыз Бишкек шаары өлкөбүздүн жүрөгү. Баарыбыз Бишкек шаарына байырлайбыз. Бишкек шаары жакынкы жылдары гүлдөгөн жашыл шаарга айланууга тийиш. Кудай буюруп, сиздер колдоп президент болуп калсам, Бишкек шаарын гүлдөгөн шаарга айлантууга бар күчүмдү жумшайм. Жакынкы жылдары күбө болосуздар. Өзгөрүүнү жакынкы убактарда сезесиздер!” – деди Садыр Жапаров.
Ошондой эле ички мигарция, элдин шаарга токтоосуз агылуусу боюнча да суроо берилип, ал суроого: “Биздин аймактарды өнүктүрүү боюнча программабыз бар. Ал программа мен президент болгон күндөн баштап иштеп баштайт. Ага ылайык, Кыргызстандын 7 облусуна көп кабаттуу үйлөрдү курууга, чакан фабрикаларды ачууга аракеттерди жасайбыз. Инвестрлор менен тыгыз иштешебиз. Биринчи облустарга иш орундарын түзүп, аймактардын инфраструктуралык абалын жакшыртып алсак, ички миграция токтойт!” – деди Садыр Жапаров.
Мектеп, бала бакчалардын жетишсиздиги боюнча берилген суроого талапкер ал маселе чечиле турганын, инвесторлор менен буга чейин сүйлөшүүлөр болгондугун айтты.
Эл алдына чыгып, сөз алып сүйлөгөн “Гармония” атындагы орус коомдук маданий борборунун жетекчиси Александр Степанюк, Кыргызстан көп улуттуу өлкө экенин, кайсыл улуттун эли болбосун бардыгы тең Кыргызстандын өнүгүшүн, элдин тынчтыгын тилешээрин, мамлекетти сүйүп, элди урматташаарын айтып, Садыр Жапаровго жеңиш жана ийгилик каалады.
Талапкерге ийгилик каалаган Аялдар комитетинин төрайымынын орун басары Дарика Мамбетова – Садыр Жапаров элдин адамы экенин, аны эл жапырт колдоорун айтты.
“Садыр Жапаров кыска убакыттын ичинде өлкөдө стабилдүүлүктү орното алды. Аз күндө ал мурунку лидерлер жылдап чече албай келген көптөгөн адамдардын көйгөйлөрүн чечти. Кыргызстандын тарыхында биринчи жолу мамлекеттик башкаруунун формасы элдин тандоосуна коюлду!” – деди ал.
Кычыраган суукка байланыштуу жолугушуу узакка созулган жок. Садыр Жапаров калган суроолорду 8-январ күнү кечки саат 20:00 дө 7-каналда түз эфирде болоорун, суроо бере албай калгандар, суроолорун түз байланыш аркылуу жолдосо – жооп берээрин айтты. Жолугушуунун соңунда, буга чейин болуп келгендей аксакал эл алдына чыгып, Садыр Жапаровго ак жол каалап, ак батасын берди. Күндүн ызгаар суугуна карабай аянтка чогулган эл, 10-январдагы президенттик шайлоодо добуштарын Садыр Жапаровго беребиз деп билдиришти.

Аткаруучу: « informator.kg » ; дареги: Кыргыз Республикасы, Бишкек ш.,. Кулатов 8
Буюртмачы: Төлөгөнова Аида Бейшеналиевна, Кыргыз Республикасынын Президентинин кызматына талапкер Жапаров Садыр Нургожоевичтин каржы маселелери боюнча ыйгарым укуктуу өкүлү.
Нускасы: 1. 2021-жылдын 08-январда даярдалды.
Кыргыз Республикасынын Президентинин кызматына талапкер Жапаров Садыр Нургожоевичтин шайлоо фондунан каржы маселелери боюнча ыйгарым укуктуу өкүлү Төлөгөнова Аида Бейшеналиевна тарабынан төлөндү (күб. № 35, 16.11.2020-ж).

Финполиция Бишкек ЖЭБинин жетекчилигине кылмыш ишин козгоду

Бишкек. 7.07. 21. Informator.kg  “Кыргыз Республикасынын Финансы полициясы атмосфералык абага булгоочу заттардын чыгышынын себептерин аныктоо фактысы боюнча Бишкек шаарындагы ЖЭБдин жооптуу адамдарына карата сотко чейинки өндүрүштү баштады”. Бул туралуу аталган органдын тараткан маалыматында айтылат.

Анда аталган факт Кыргыз Республикасынын Жазык кодексинин 233-беренесинде (коммерциялык же башка уюмда ыйгарым укуктарын кыянаттык менен пайдалануу) каралган кылмыш белгилери боюнча Кылмыштардын жана жоруктардын бирдиктүү реестрине катталганы айтылган.

Садыр ЖАПАРОВ: “Орус тилинин макамын сактап калуу менен кыргыз тилин үйрөнүүнү күчөтүү керек”

Бишкек. 07.01.21. informator.kg Садыр Жапаровду өлкө аймагынын тургундары кызуу колдоого алышууда. Ал эми борбор калаада жашагандар ага азырынча этият мамиле кылышууда. Анткени Садыр Нургожоевич кыргыз тилинде сүйлөгөндү артык көрөт. Ал өзүнүн маектеринин биринде кыргызча ойлонорун жана кыргызча сүйлөп көнгөндүгүн, бирок зарыл болгон учурда орус тилинде да сүйлөй аларын айткан эле.

Бирок ошентсе да бишкектиктердин маанайына таасир эте турган айрым бир суроолордун башы ачык калганын айта кетели.   

– Садыр Нургожоевич, графигиңиздин тыгыз экенине карабай убакыт бөлгөнүңүзгө ыракмат…

– Сиз суроолоруңузду бере электе Кыргызстандагы бардык православдарды дагы бир жолу эң башкы диний майрамдарынын бири – Иса Пайгамбардын Туулган күнү менен куттуктап койгум келет!  

Кыргызстандагы коом ачык жана максатыбыз бир. Ошондуктан эзелтен калыптанып калган салтка ылайык, бири-бирибиздин майрамдарыбызды дайыма жакшы маанайда, чын дилибизден кубанып белгилеп келебиз.   

Мына ушул бүгүнкү майрамда да көптөгөн православ дининдеги мекендештерибиз өзүлөрүнүн мусулман досторунан “Иса Пайгамбардын Туулган күнү кут болсун!” – деген куттуктоону угушаарын билем. Бизди күчтүү, бекем коом кылган дал мына ушундай руханий биримдик. Мындан ары да ушундай болушу керек!

– Ошентсе да орус тилдүү шайлоочулар Сизди орус тилинде көп сүйлөбөйт деп кабатыр болушууда?

– Мен бул туурасында айткам, дагы бир жолу кайталап коёюн. Мен орус тилин жакшы эле билем, сүйлөй да алам, бирок мен кыргызмын да!? Кыргызча ойлоном, кыргызча сүйлөйм. Негизи менин кайсы тилде сүйлөөрүмдүн мааниси жок, башкысы, аткарып жаткан ишим эмеспи? Мекенчил адам үчүн иштин көзүн таба билүү маанилүү.

Орус тилине келсек, мен анын ролун жана маанисин абдан жакшы билем. Ошондуктан орус тили, мен буга чейин баса белгилеп айткандай, Кыргызстанда расмий макамын сактап кала берүүгө тийиш. Мен орус тилинин макамын басмырлоого жол бербейм. Аймактарда орус тилин окуп үйрөнүүгө болгон муктаждык абдан жогору экенин, бирок мугалимдер жетишпей жатканынан жакшы кабардармын. Бул маселени чечишибиз керек. Ошол эле мезгилде Кыргызстанда жашаган орус тилдүү жарандарыбыз да, кыргыз тилин үйрөнүүсү зарыл деп эсептейм. Бирок бул маселеде кыргыз тилин окутуунун усулу бизде абдан чабал экенин моюнга алганыбыз оң. Ошондуктан бул маселе менен тыгыз иштеп, кыргыз тилин да, орус тилин да окутуу сапатын жаңы деңгээлге көтөрүшүбүз керек.         

– Садыр Нургожоевич, шайлоочулар менен болгон жолугушууларыңызда Сизден Россия менен кош жарандуулук жөнүндө көп жолу сурашты. Бул туурасында оюңуз кандай?

– Бул маселе алиге чейин чечилбей келатканына өкүнөм. Россияда учурда 1,5 миллиондой кыргызстандыктар иштеп жүрүшөт. Аларда кош жарандуулук болсо, туура болмок деп эсептейм. Анткени Кыргызстандын жараны болуп, ошол эле кезде Россия аймагындагы жеңилдиктерден да пайдалана беришмек. Анын үстүнө, алардын ал жакта оокат мүлкү бар, балдары мектепке, бала бакчага барууда. Андыктан мен бул идеяны кош колдоп колдойм жана шайлоодо утуп чыксам, бул маселеге олуттуу киришем..

– Россия жөнүндө кепти уланталы. Аскер базасы жөнүндө коомчулукта көп айтылат. Балким, андан баш тартып койсок кантет?  

– Эч качан! Мунун себебин чечмелей кетейин. Аскер базасы менен аскер кубаты Россияга караганда бизге көбүрөөк керек. Кыргызстан ЖККУнун мүчөсү экенин да унутпаңыз. Биздин чек аралар ЖККУ менен Евразиялык биримдиктин да тышкы чектери болуп саналат. Бул биз үчүн гана эмес, кошуна өлкөлөр үчүн да стратегиялык маселе. Албетте, биз чек араларыбызды экстремисттик жана террордук күчтөрдүн мүмкүн болгон кысымынан эч кимдин жардамы жок эле өз күчүбүз менен коргоону камсыздай алсак жакшы болмок.

Жалпысынан Россия туурасында айта турган болсок, биз бул өлкө менен болгон кызматташтыктын потенциалын толук колдоно албай жатабыз деп эсептейм. ЕАЭБ жана ЖККУнун багыттары боюнча көптөгөн пайдалуу долбоорлор баягы эле бюрократиялык тосмолордон, чиновниктерибиздин иштин көзүн таба албаганынан жана жалкоолугунан токтоп калган. 

Биз аскерий же экономикалык кызматташтык гана эмес, башка көп багыттар боюнча, маселен, жаңы өндүрүштөрдү ишке киргизүү, маданий демилгелер, билим берүү жана илимий долбоорлор туурасында сүйлөшсөк болот. Алтургай, биз евразиялык мейкиндиктин катышуучусу катары Россия менен гана эмес, евразиялык башка өлкөлөр менен да ушул багыттар боюнча иштөөгө тийишпиз. Мындан улам биздин алдыбызда чети оюла элек жумуш талаасы турат, эмне деген мүмкүнчүлүктөргө, келечектүү иштерге жол ачылууда. Эң башкысы – кара баштын эмес, элдин, урпактардын кызыкчылыгын ойлоп иш кылуубуз зарыл. Ошондо баары ишке ашат!

Аткаруучу: «Informator.kg» ; дареги: Кыргыз Республикасы, Бишкек ш., Кулатов көч.8.

Буюртмачы: Төлөгөнова Аида Бейшеналиевна, Кыргыз Республикасынын Президентинин кызматына талапкер Жапаров Садыр Нургожоевичтин каржы маселелери боюнча ыйгарым укуктуу өкүлү.

Нускасы:1. . 2021-жылдын 07-январда даярдалды.

Кыргыз Республикасынын Президентинин кызматына талапкер Жапаров Садыр Нургожоевичтин шайлоо фондунан каржы маселелери боюнча ыйгарым укуктуу өкүлү Төлөгөнова Аида Бейшеналиевна тарабынан төлөндү (күб. № 35, 16.11.2020-ж).

Сырткы карыздан кутулуу үчүн Өкмөткө Адыл Асанов 1 млн. которгон

Бишкек. 7.07. 21. Informator.kg  Кыргыз өкмөтү сырткы карыздан кутулуу үчүн калктан жардам сурап, атайын каржы министрлигине эсеп ачкан болчу. Эсепке 1 млн. 29 миң сом акча түшкөнүн, анын 1 млн. 22 миң сому жарандардан, 27 миң сому ишканалардан келип түшкөнүн министрликтен кабарлашты.

Маалыматка таянсак, өткөн жылдын акыркы күнү же 31-декабрда 1 млн. сомду Адылбек Асанов аттуу жаран которгон. Интернеттеги ачык булактарда ал “Артвин” жана “Нурзаман” курулуш компанияларынын жетекичи, ишкер-меценат катары сыпатталат.

Эске сала кетсек, 2021-жылдын 1-январына карата Кыргызстандын тышкы карызы 4 млрд. 180 млн. долларга жеткен.

АКШда «кыргызация» ишке ашабы? Вашингтондо полиция Трамптын тарапкерлерин тынчытты

Бишкек. 7.07. 21. Informator.kg  АКШнын борбору Вашингтондо полиция Конгресстин имаратын басып алган президент Дональд Трамптын жактоочуларын кууп таратты. Күч түзүмдөрү имаратты толук бошотуп, тартип бузгандардын камакка алып жатканын, 7-январдын таңында коменданттык саат иштеп жатканын эл аралык ММКлар кабарлашууда.

Эске сала кетсек, кечээ Конгресстин кош палатасы Кошмо Штаттардын шайланган президенти Жо Байдендин шайлоодо жеңишин расмий бекитиш үчүн жыйын өткөрүп жаткан учурда Акүй алдында митинг кылып жаткан Дональд Трамптын тарапташтарынын алардын бир тобу Капитолийдин имаратын каптап келип, тосмолордон ашып,. Имараттын ичине кирип кеткен болчу.

Бүгүн Жогорку сотто Аида Салянованын иши кайра каралат

Бишкек. 6.01.21  informator.kg  Бүгүн, 6-январда Жогорку Сотто мурдагы юстиция министри, экс-башкы прокурор жана мурдагы депутат Аида Салянованын Алексей Елисеевдин адвокаттык лицензиясынын узартылышына байланыштуу иши кайрадан карайт.

Бул тууралуу Салянованын адвокаты Рабига Сыдыкованын айтымында, ишти кайра кароого үч жагдай негиз болгон. Андыктан, Аида Салянованын адвокаттары жаңы жагдайлар боюнча ишти кайрадан кароону өтүнүп, Жогорку сотко кайрылган.

Эске сала кетсек, Аида Салянова 2010-жылы юстиция министринин милдетин аткарып турганда мурдагы президенттин уулу Максим Бакиевдин өнөктөшү Алексей Елисеевдин адвокаттык лицензиясын мыйзамсыз узарткан жана бул ишти жетиштүү иликтеген эмес деген жүйө менен айыптаган.

2017-жылы Бишкектин Ленин райондук соту аны беш жылга эркинен ажыратып, үй-мүлкүн конфискациялоо тууралуу чечим чыгарган. Жазаны экс-прокурор кызы 14 жашка толгондон кийин өтөй турган болгон. Соттун бул чечимин кийинки инстанциялар да күчүндө калтырган.

2019-жылдын декабрь айында Жогорку сот жаңы кодекстер күчүнө киргенине байланыштуу ишти кайра карап, Салянованын жазасын өзгөрткөн эмес.