Саясат

Саясат

Башпрокуратура блоггер Сыдыманды айыптоодон баш тартты

Бишкек. 10.03.21 informator.kg   Башкы прокуратура буга чейин үстүнөн кылмыш иши козголуп, иши тергөөдө жаткан блоггер Сыдыманды айыптоодон баш тартты. Бул боюнча башкы көзөмө  органынан кабарлашат.

“Сыдыманов Элмир Болотбекович тергөө органы тарабынан Кыргыз Республикасынын ЖКнын 313-бер. 1-б. менен айыпталат. Анткени, ал   2020-жылдын 4-февралында өзүнүн социалдык тармактагы “Sydyman” аттуу “Instagram” баракчасында ыплас сөздөрдү колдонуп,  региондор ортосундагы кастыкты (араздашууну) козутууга, улуттук ар-намысты кемсинтүүгө багытталган сөздөрдү айткан.

Соттук отурумда жактоочу тарабынан комиссиондук соттук-лингвистикалык экспертиза дайындоо өтүнүчү келтирилип, аталган өтүнүч мамлекеттик айыптоочу тарабынан колдоого алынган. Соттук-лингвистикалык экспертизасынын корутундусуна ылайык, Э.Сыдымановдун аракетинде региондор ортосундагы кастыкты (араздашууну) козутууга, улуттук ар-намысты кемсинтүүгө багытталган аракеттер аныкталбаган”,-деп айтылат маалыматта.

Ошону менен 2021-жылдын 10-мартындагы соттук отурумда мамлекеттик айыптоочу Кыргыз Республикасынын ЖПКнын 330-бер. 1-б. негизинде мамлекеттик айыптоодон баш тарткан.

Министр Руслан Казакбаев Тажикстандык кесиптеши менен телдефондон сүйлөштү

Бишкек. 10.03.21 informator.kg  9-март күнү кечке маал КРнын тышкы иштер министри Руслан Казакбаев Тажикстан Республикасынын тышкы иштер министри Сироджиддин Мухриддин менен телефондо сүйлөштү.

Аталган министрликтин тараткан маалыматына караганда, эки өлкөнүнү тышкы иштер министрлери кыргыз-тажик мамилелери боюнча актуалдуу маселелерди талкууга алышкан.

Сүйлөшүүнүн нугу соода-экономикалык карым-катнаштарды жакшыртуу, саясий кызматташтыкты жакшыртуудан башталып, негизинен эки өлкө ортосундагы такталбаган чег ара тилкелерин делимитация жана демаркациялоо иштерин жандандырып, 2021-жылдын 16-мартында Согди облусунун Гулистан шаарында эки тараптын тиешелүү жумушчу топторунун жолугушуусу пландалган.

Ошону менен бирге эле жакынкы аралыкта эки өлкө ортосундагы Өкмөттөр аралык кыргызөтажик комиссиясынын 17-жыйынын өткөрүү маселесине да токтолушканы айтылат.

Түркиянын тышкы иштер министри Бишкекке келди

Бишкек. 10.03.21 informator.kg  Түркиянын тышкы иштер министри Мевлют Чавушоглу расмий иш сапары менен кыргызстанга келди. Бул тууралуу КРнын ТИМинен билдиришти.

Андагы маалыматка караганда, ал кыргыз-түрк маселелери боюнча бир канча жолугушууларды өткөрүп, Кыргызстандын тышкы иштер министри Руслан Казакбаев менен бирге эки өлкөнүнү биргелешкен стратегиялык пландоо тобунун 4-жыйынына катышат. Ошону менен бирге эле өлкө жетекчилиги менен жолугушаары да күтүлүүдө.

Эске сала кетсек, Президент Садыр Жапаров да Кытай менен Тажикстанга болгон иш сапарынан кийин Түркияга сапар алаары айтылып келет.

Бишкек шаарынын аймактык шайлоо комиссиясы ыргытылган мөөр боюнча үн катты

Бишкек. 09.03.21 informator.kg  Бишкек аймактык шайлоо комиссиясы(АШК) ыргытылган мөөр тууралуу үн катты. Тагыраагы, АШКнын төрагасы Кайрат маматов 6-март күнү №1101-шайлоо участкасынын төрайымын белгисиз адамдар тоноп кеткенин, анын кол сумкасынан телефон, карточка, уулунун окуусуна төлөй турган акча жана шучасткалык шайлоо комиссиясынын мөөрү жоголгонун билдирди. “Бул карактоодон улам ал айымдын кан басымы жогорулап, медициналык жардам алууга аргасыз болгон”,-деп билдирет Кайрат Маматов.

Эске сала кетсек, журналист Канат Каниметов жакында №1101 учатскалык шайлоо комиссиясынын мөөрүн жол жээгинен таап алганын фейсбук баракчасына жазып, мамлекеттик маанилүү мөөрдүн мындай ыргтылышы канчалык мыйзамдуу деген суроо койгон эле.

Президент Садыр Жапаров 11-12-мартта Өзбекстанга барат

Бишкек. 09.03.21 informator.kg  Кыргызстандын президенти Садыр Жапаров 11-12- март күндөрү коңшулдаш Өзбекстанда иш сапарында болот. Бул тууралуу КР ТИМ министри Руслан Казакбаев билдирди.

Министрдин маалыматына ылайык, өлкө башчы өзбек президенти Шавкат Мирзеев баштаган расмий адамдар менен жолугуп, эки өлкө ортосундагы карым-катнашты жандандандыруу, соода-сатык иштерин күчөтүү, өкмөттөр аралык кызматташтыкты кеңейтүү боюнча документтерге кол коет.

Бул Президенттин Орусия менен Казакстандан кийинки расмий 3-иш сапары.

Мурдагы депутат Эрик Арсалиев сөөгү бүгүн Кыргызстанга келет

Бишкек. 09.03.21 informator.kg  Жогорку Кеңештин мурдагы депутаты, ишкер Эрик Арсалиев дүйнөдөн кайтты. Бул тууралуу анын жакындары тастыкташкан.

Маалымат боюнча, ал 7-март күнү, 55 жаш курагында өтүшкөн оорудан улам мезгилсиз дүйнөдөн кайткан. Акыркы кездери ал Түркияда дарыланып жүргөн. Маркумдун сөөгү 9-мартта алынып келинет.

Эске сала кетсек, Эрик Арсалиев 2004-2005-жылдары «Манас» аэропортун жетектеп турган. 2007-жылы “Ак-Жол” партиясынын тизмеси менен Жогорку Кеңешке депутат болуп шайланган. Жогорку Кеңештин эл аралык иштер жана парламенттик кызматташтык боюнча комитетинин төрагасы болуп иштеген.

Жогорку Кеңеш референдум өткөрүүгө макулдугун берди

Бишкек. 03.03.21 informator.kg  Жогорку Кеңеш бүгүн “Кыргыз Республикасынын Конституциясы жөнүндө” мыйзамы боюнча референдум өткөрүү боюнча мыйзам долбоорду биринчи окууда колдоп берди.

Аталган мыйзамга 87 депутат макулдук берип, 9 депутат каршы чыккан.

Каршы чыккан тараптар аталган баш мыйзам мыйзам бузуу менен кабыл алынып жатканын айтканы менен көпчүлүк Президенттин аппаратынан келип түшкөн жол картаны колдоого алды.

УКМК v/s Жогорку сот. Чындык ким тарапта?

Бишкек. 03.03.21 informator.kg  Ууттук коопсуздук комитети 3-мартта Жогорку соттун төрайымы Гүлбара Калиева Тартип комиссиясынын ишине тоскоол болуп жатканын билдирген маалымат тараткан.   Анда “Жергиликтүү сот” долбооруна байланыштуу коррупциялык ишти иликтөөнүн алкагында былтыр декабрда Башкы прокуратура Жогорку соттун төрайымы Гүлбара Калиеваны жоопко тартууга уруксат берүү тууралуу өтүнүч менен кайрылганы, бирок, Калиева ар кандай шылтоо менен иштин Тартип комиссиясында каралышын создуктуруп жатканы белгиленет.

Ал аңгыча, Жогорку соттун басма сөз кызматы УКМКнын билдирүүсүнө каршы жооп кайтарды. Анда Тартип комиссиясынын жыйыны атайылап эмес төрайымдын оорусуна байланыштуу, дарыгерлердин маалымкатынын негизинде болбой калганын кабарланган.

MegaPay мобилдик тиркемеси: онлайн режимдеги 400дөн ашык сервистер жана кызматтар

Бишкек. 03.03.21 informator.kg  400дөн ашык сервистер жана кызматтар үчүн акыны баланстын эсебинен тез, ыңгайлуу, оңой жана эң башкысы 24/7 режиминде коопсуз төлөй ала турган көп функционалдуу MegaPay мобилдик тиркемеси MegaCom’дун абоненттери үчүн жеткиликтүү.

Коммуналдык кызматтар, уюлдук байланыш, Интернет, телеберүүлөр, онлайн сатып алуулар, тамак-аш, гүл буюртма кылуу үчүн төлөм аткар, жол кыймылынын эрежелерин бузуу боюнча айып пулду текшер, электр энергиясы жана газ үчүн көрсөткүчтөрдү жөнөт, транспорттук карталарды, ошондой эле Optima Bank, MBank карталарын комиссиясыз толукта.

MegaPay тиркемесин кантип колдоно баштаса болот?

Тиркемени Google Play же App Store’дон жүктөп алып, үйдө же кеңседе отуруп эле онлайн идентификациялап ал.

MegaPay мобилдик тиркемесинин артыкчылыктары:

·         тиричилик кызматтары же зарыл болгон каалаган кызмат үчүн бир баскыч менен эле комиссиясыз төлөм жүргүзүү;

·         MBank Online, Visa Optima Bank карталарына каражатты комиссиясыз которуу;

·         MegaCom абоненттери үчүн баланс толуктоо түйүндөрүнүн кеңири тармагы;

·         мамлекеттик кызматтардын онлайн режимде жеткиликтүүлүгү;

·         «Салым Финанс», «АБН», «Бир Топ», «Биринчи МФК», «FINCA Банк», «Бакай Банк», «Банк Компаньон», «Керемет Банк», «ДосКредобанк» жана башка каржы уюмдарынын насыяларын төлөө;

·         Кыргызстандын коммерциялык банктарынын депозиттерин онлайн толуктоо;

·         тамак-аш же гүл буюртма кылуу үчүн же аманат буюм жеткирүү үчүн төлөм аткаруу;

·         «Элкарт» кобрендинг картасына үйдө отуруп тапшырык кылуу;

·         кызмат көрсөтүүлөрдүн түрлөрүн ар дайым толуктап туруу, мобилдик тиркеменин интерфейсин жана функцияларын жакшыртып туруу.

MegaPay – көптөгөн пайдалуу функциялары бар ыңгайлуу каржы шайманы жана турмуш тиричилик үчүн алмашкыс жардамчың!

MegaPay – сапаттын жана коопсуздуктун кепилдиги!

Алмазбек Атамбаевдин маалымат катчысы УКМКда суралууда

Бишкек. 03.03.21 informator.kg  Мурдагы президент Алмазбек Атамбаевдин көп жылдар бою маалымат кызматын башкарып, кийин Президенттик аппараттын башчысы болгон Алмаз Үсөновду  УКМК суракка чакырууда. Бул тууралуу өздүк булактардан белгилүү болду.

Анда А. Үсөнов УКМКга күбө катары сурак берип жатканы, бирок, тергөөнүн купуялуулугуна байланыштуу ал кайсыл кылмыш ишинин алкагында сурак берип жатканын айта албай турганы айтылат.

Эске сала кетсек ал, өткөн президенттик шайлоодо Абдил Сегизбаевдин штабында иштеген. Ага болсо УКМК тарабынан 6 кылмыш иши козголгон.