Саясат

Саясат

Жанар Акаев Матраимов жана үч медиа тууралуу үн катты

İnfomator.kg – Жогорку Кеңештин депутаты, Жанар Акаев Прокуратуранын өкүлүнө төмөнкүдөй кайрулуу жасады: “Матраимовдор үч медианы сотко берди. Сотко берүү алардын укугу. Алар өзүлөрүнүн чындыгын коргосун. Свердлов райондук соту үч медианын эсебин тоңдуруп жатат. Бул туура эмес көрүнүш. Шаардык сот тез арада ишти карап, райондук соттун чечимин жокко чыгарыш керек!”

Эскерте кетсек, бүгүн Бажы кызматынын башчысынын мурунку орун басары Райымбек Матраимов «Азаттык», Kloop жана 24.kg маалымат агенттигин сотко берди. Райымбек Матраимовдун намысын коргоо боюнча доонун суммасын: «Азаттык» 22 миллион, Kloop 12 жарым миллион, 24.kg агенттиги 15 миллион сом төлөп бериши керек.

ЖКнын төрагасы Дастанбек Жумабеков Түркиянын президенти менен жолугушту

19-август 2020/informator.kg-

Жогорку Кеңештин төрагасы Дастанбек Жумабеков Түркиянын президенти Режеп Тайип Эрдоган менен жолугушту. Бул тууралуу Түркиянын президентинин сайтында жарыяланды.Маалыматка ылайык, жолугушуу президенттин резиденциясында өттү. Анда Дастанбек Жумабеков Жогорку Кеңештин депутаттарынын жана Кыргызстандын жарандарынын атынан коронавирус пандемиясында көрсөткөн гуманитардык жардамы үчүн Түркияга ыраазычылык билдирди.Жогорку Кеңештин басма сөз кызматы белгилегендей, төрага Жумабеков учурда эмгек өргүүсүндө. Ошондуктан, жолугушуу расмий эмес түрдө өттү.Түркиянын Улуу Улуттук Жыйынынын төрагасы Мустафа Шентоп Жумабековду Стамбулга чакырды. Ошондой эле ал жаңыланган Айя-София мечитин көрүп кетүүнү сунуштады.

Жеңиш Раззаков, вице-премьер: “Кой-Таш боюнча комиссиянын жыйынтыгы алмашкан эмес”

Бишкек. informator.kg “Кой-Таштагы окуяны иликтеген мамлекеттик комиссиянын жыйынтыгы алмашкан эмес, Клара Сооронкулованын айткан сөзүндө чындык жок”. Бул тууралуу КРнын вице-премьер министри Жеңиш Раззаков ММКларга комментарий берди.

Анын айтымында, аталган окуяны иликтеген комиссиянын баардык мүчөлөрү, анын ичинде юрист Клара Сооронкулоа да комиссиянын ишинин жыйынтыгына макул болуп кол коюшкан. Ошол кол коюлган вариант эч өзгөртүлбөсөн ЖКга жөнөтүлүп, талкууга чыккан.

“Жогорку Кеңеш талкууга салаардан экикүн мурда бул документ ММКларга жарыяланды, депутаттардын колдоруна тийди. Андан соң талкууга алынып, токтом менен бекитилди. Эч кандай башка варианттын киргизилиши мүмкүн эмес”,-дейт ал.

Эске сала кетсек, комиссиянын мүчөсү Клара Сооронкулова депутат Тынчтык Шайназаров окуган жыйынтык документ алмашылып кеткенин, алар кол койгон документте Равшан Жээнбеков, Рыскелди Момбековдор жок болгонун айтып чыккан болчу.

Маалыматтык технологиялар комитетинин төрагалыгына Алтынбек Исмаилов келет

Маалыматтык технологиялар жана байланыш комитетинин төрагалыгына Алтынбек Исмаилов сунушталды. Ал буга чейин Жогорку технологиялар паркынын башкармалыгынын жетекчиси болуп иштеп келген.

Дастан Догоев Маалыматтык технологиялар жана байланыш мамлекеттик комитетинин төрагалыгынан 10-июнда кетти.

Сот реформасы боюнча Кеңештин курамы өзгөрдү. Ал жакта Бактыгүл Жээнбаева да бар…

Бишкек. Informator.kg

29-ноябрда КРнын Президентинин алдындагы Сот реформасы боюнча кеңештин жаңы курамын бекиткен буйруккка Президент Сооронбай Жээнбеков кол койду. Ага ылайык, бул кеңештин курамы төмөнкү адамдардан турат:

– Жээнбеков Сооронбай Шарипович – Кыргыз Респуликасынын Президенти, Кеңештин төрагасы;

– Эсеналиев Досалы Акпаралиевич – Президенттик аппараттын башчысы;

– Керезбеков Канат Керезбекович – Жогорку Кеңештин Констиутуциялык мыйзамдуулук, мамлекеттик түзүлүш, сот-укуктук маселелер жана ЖКнын Регламенти боюнча Комитетинин башчысы;

 – Токтошев Эмиль Токтакунович – Жогорку Кеңештин бюджет жана каоржы Комитетинин башчысы, “Атамекен” фракциясынын лидеринин орун басары;

– Бакчиев Джаныбек Абдукапарович –Жогорку Кеңештин депутаты, “Бир Бол”  фракциясы;

– Алимбеков Нурбек Каарыевич –Жогорку Кеңешатин депутаты, “Кыргызстан” фракциясы;

– Шайназаров Тынчтык Урайимович –Жогорку Кеңештин депутаты, “Өнүгүү-Прогресс” фракциясы;

– Сабиров Максат Эсенович –Жогорку Кеңештин депутаты, “Республика – Ата-Журт” фракциясы;

– Разаков Жениш Парпиевич – вице-премьер-министр;

– Калиева Гульбара Үтүровна – Жогорку Соттун төрайымы;

– Жамшитов Өткүрбек Асилбекович – Башкы прокурор;

– Атаназаров Нурланбек Алайдинович – КРнын Соттор Кеңешинин төрагасы;

– Барыктабасова Эльмира Бектургановна – КРнын Сотторду тандоо Кеңешинин төрайымы;

– Абилов Улан Женишович – КРнын Президентинин аппаратынын укуктук камсыздоо бөлүмүнүн башчысы;

– Жээнбаева Бактыгүл Жаныбековна – каржы министри;

– Джаманкулов Марат Тургунбаевич – юстицияминистри;

– Райымкулов Билим Сардалбекович – Адвокатура адвокаттар Кеңешинин төрагасы;

– Сыдыкова Лейла Чынтургановна – Б. Н, Ельцин атындагы Кыргыз-Орус Славян университетинин эл аралык байланыштар боюнча проректору;

– Майчиев Шамарал Юсупович – Соода-өнөр-жай палатасынын алдынлагы Эл аралык третей сотунун төрагасы;

– Маматкеримова Гульмира Рысбековна – мониторинг маселелери боюнча эксперт;

– Садыков Нурлан Берикович – “Конститутциялык саясат Институту” коомдук бирикмесинин директору;

– Исабаев Санжар Мамадиярович – КРнын Президентинин аппаратынын соттук реформалар жана мыйзамдуулук бөлүмүнүн башчысы,Кеңештин катчысы.

Атамбаевдин Орусияга кетүү боюнча жообу:

18.07.19 informator.kg Алмазбек Атамбаев Россияга бир нече күнгө барып келет. Бул тууралуу ал өзү журналисттерге билдирди.

Анын айтымында, Россияга чакыруу менен барат. «Мени досторум чакырышты. Бирок, мени аэропорттон кармашы дагы мүмкүн. Учуп кетсем кайра өлкөгө кире ала турган болушум керек. Ал эми Путин менен жолугуушум боюнча айтарым баарын өз кезинде билесиздер», — деди ал.

Эскерте кетсек, Россиянын бажы кызматынын мурдакы башчысы Андрей Бельянинов Алмазбек Атамбаевди Москвага чакырганы тууралуу маалымат таркаган.

Президент Сооронбай Жээнбеков Швейцариядан кайтып келе жатып, Москвада Владимир Путин менен жолугушкан.

Коронавирус жана дүйнөдөгү суткалык рекорд

18-июль 2020/informator.kg-

Бүткүл дүйнөлүк саламаттыкты сактоо уюмунун каттоосу боюнча өткөн суткада дүйнөдө жаңы катталган бейтаптардын саны боюнча рекорд жаңыланды. Дагы 237 743 адамга оору жукканы аныкталып, 5682 бейтап каза болгон.Буга чейинки эң жогорку көрсөткүч 12-июлда болуп, 230 миң адамдан COVID-19 вирусу аныкталган.Учурда дүйнөдө 14,4 млн адамга коронавирус жугуп, 600 миңден ашык адам көз жумду.

Туйгуналы Абдраимов Ысык-Ата санаторийин кантип капчыгына айлантууда?

Бишкек. 7.06.19.informator.kg

Эсил кайран СССР куруп берген кереметтүү Ысык-Ата санаторийин ким билбейт? Жылдын төрт мезгилинде тең санаторийге барсаңыз жаратылыштын жагымдуу шартында дем алып, денсоолугун калыбына келтирип, оору-сыркоолорунан айыгып жаткандардын аягы суюлбайт. Бирок, эс алуучулар арбын болгону менен санаторийдин имараттары эскирип, жылдан жылга капиталдык ремонтко муктаж болуп, жаңырууну күтүп турат. Ушундай шартта санарийдин төрүндө жаркыраган  заманбап бир имарат көзгө урунат. Бир көргөн адам ал имаратты “курорттун жетекчилиги жаңы куруп, акырындап корпустарды жаңыртып жаткан тура…” деп ойлошу ыктымал. Бирок, ал имарат санаторийдин №0-корпусу болгону менен Чүй облусунун губернатору Туйгуналы Абдраимовдун менчигин экендигин укканда таң калбай койбойсуң…

Мандемдүү менчиктештирилген VIP-корпус

Ооба, биз бул маалыматты ошол жердеги карапайым кызматкерлерден угуп, тактоо үчүн сураштырдык. Чындап эле №0-корпус аталган төрт бөлмөдөн турган бул VIP-корпус Абдраимовдуку экендиги, ага жалаң капчыгы калың кадыр-сыйлуу коноктор келип эс алаары, бирок аларга көрсөтүлгөн кызматтардын баардыгы санаторийдин кызматчылары тарабынан аткарылып, ал эми эс алууга төлөнгөн каражаттар Туйгуналы Абдраимовдун аялы Клара менен уулу Элмураттын чөнтөгүнө түшүп тураары белгилүү болду.

Абдраимовго таандык жаңы корпустун жанындагы корпустардын азыркы абалы

“0-корпуска көбүнчө казактар же болбосо акчалуу кыргызстандыктар келип жатышат. Анткени, ал корпус жаңы салынып баардык шарттары бар, ичи-сырты заманбап, эмеректери да жаңы. Дарылануу процедуралары толугу менен санаторийдин врачтары, медайымдары аркылуу жасалат, тамак-ашы да жалпы ашканадан атайын ташылып берилип турат. Бирок, ал жак жеке менчик болгондуктан кызматтар үчүн же тейлегендерге атайын каражат  төлөнүп берилбейт, баягы өзүнүн айлык маянасы жазылат. Бирок, кардарлар тарабынан төлөгөн каражаттар толугу менен Туйгуналы Абдраимовдорго кетет деп жүрүшөт. Бул акыйкат мамиле эмес”,-дейт санатоийдеги дарыгерлердин бири Майрам Раимкулова.

Андан соң биз корпустун кире беришиндеги телефон номерге чалып, корпустун төлөмдөрү жана шарттары тууралуу сурадык. Телефондун аркы учундагы айым бизге “бул жаңы корпус, баардык шарттар-муздаткыч, телевизор, интернет бар. Тамакты жалпы ашканадан эмес ошол корпустун ичиндеги холлго алып келип беришет. 2 кишилик бир бөлмөнүн баасы бир суткага 2500 сом. Андан тышкары тамак-аш менен дарылоо процедураларына ар бир кишиге 400 сом өзүнчө төлөйсүңөр. Ошондо бир адамга бир күнгө 1750 сомдон айланат. Азыр биздин корпуста орун жок, эгер кааласаңар бул жакка келип бир ай, жыйырма күн мурун орун брондоп кетишиңер керек”,-деп жооп кайтарды.

Демек, бул корпустан Туйгуналы Абраимовдорго ай сайын аз эмес акча түшүп  тураары белгилүү болду. Кыргызстан профсоюздар союзу ээлик кылган, мамлекеттик санаторийдин ичине кандайча бул менчик корпус пайда болуп, пайда болгондо да жаңы курулуп калганы тууралуу суроолорубузга жооп алуу максатында санаторийдин директору Алчын Осмонгазиевдин иш бөлмөсүнө баш бактык. Анын айтымында, №0-корпус аталган жаңы имарат 2008-жылы салынып, ишке берилиптир.

Ысык-Ата санаторийин башкы деректири Алчын Осмонгазиев

“Мен бул жерге профсоюз уюму тарабынан директор болуп шайланып иштегениме аз эле жыл болду. Мендеги маалыматтар боюнча, силер сураган №0-корпус 2008-жылы эле азыркы Чүй облусунун башчысы Туйгуналы Абдраимовдун жеке каражаты менен салынып, ишке берилиптир.  Ал ага кантип менчикке өтүп калган десек, мурда бул жерде эски чайхана болгон экен, профсоюз уюмунун чечими менен 2002-жылдары эле ал чайхананын орду реконструкциялоо максатында Туйгуналы Абдраимовго жеке менчикке чыгарылып берилиптир. Биз ошол чечимге баш иебиз. Менин учурумда алар корпустун айланасынан кошумча жер чыгарып берүү боюнча арыз жазып, биз ага жол берген жокпуз,-деп өзүн актогоо аракет жасады.

Бирок, Алчын Осмонгазиев биздин ал корпуска жаткан бейтаптар санаторийдин кызматтарын пайдаланаарын моюнга алып, бирок, 2008-жылдан бери корпустун чыгымдары-сууга, жылытууга, электр энергиясына болгон төлөмдөрү тууралуу суроолорубузга жооп таппай, ачык калтырды. Ошондой эле корпуска жаткан кызмат көрсөтүүлөр үчүн атайын келишим да түзбөптүр. “Баардыгын кагаз түрүндө көрсөтүп беребиз” деген деректир биз санаторийди кыдырып бүтүп кеткенче ал кагаздарды таппай, бушайман болду.

Жазында Т. Абдраимов экс-президент Алмаз Атамбаев менен Дубайга учуп барып, кайтып келгенде аны Сооронбай Жээнбеков менен элдештирүүгө аракет жасаганын ачыктаган…

Жыйынтыктай келгенде, 2000-жылдардын башында парламенттин депутаты, КРнын Саламаттыкты сактоо министринин орун басары,  Милдеттүү камсыздандыруу фондурун директору кызматтарында эмгектен Туйгуналы Абдраимов Ысык-Ата курортунан корпуска жерди профсоюздар уюмунан кандайдыр жол менен чыгарып алууга жетишкен.  Ал жерге заманбап корпусту куруп, 10 жылдан бери санаторийге келген акчалуу бейтаптардын агымын өзүнө буруп, капчыгын калыңдатып келетат. Эч кандай чыгым жок, эч кимге айлык бербейт, коммуналдык чыгым төлөбөйт, 100 пайыз киреше…

Санаторийдин ичиндеги сырдуу санаторий…

Чүй облусунун башчысына караштуу санаторийдеги №0-корпустун төркүнү болсо ушинтип ачыкка чыкты. Бирок, бизге, биз тургай санаторийди үч жылдан бери жетектеп келе жаткан Алчын Осмонгазиевге да таң калычтуу дагы бир жагдай бар. Ал-Туйгуналы Абдраимовго таандык, анын улуу баласы Элмурат жетекчиликке алып, акыркы эки жылдан бери курулуп жаткан жер төлөсүн кошкондо беш кабаттуу жаңы мейманкана. Биз барган кезде курулуштун дээрлик 50 пайыз курулуш иштери аяктап, сөөгү туруп, чатыры чыгып, ичиндеги электр түйүндөрү монтаждалып жаткан экен. Албетте, азыр бир чакан үй салууга эле бери жагы 1 млн. сом керектелээрин эске алсак, бул имарат бери жагы эле 50 млн. сомдун башын чапчый турган. Анда өмүр бою мамлекеттик кызматта жүргөн Т. Абдраимов мындай каражатты кайдан табат болду экен?

Баарынан кызыгы имараттын айланасындагы көп жылдык бактар, жаш тал-теректер ченемсиз көп кыркылыптыр. Муну биз Туйгуналы Абдраимовдун мейманканасына күндүн табы түз тийиш үчүн же болбосо мейманкананын фассады санатрийдегилерге жаркырап ачык көрүнүп турушу үчүн атайылап жасалган иш катары түшүндүк. Балким, экологияны коргоочу мамлекеттик органдар мөөнөтүнөн эрте, же эч кандай чиригени, ооруганы жок туруп кыркылган бактар үчүн санаторийдин жетекчилигине суроо салса, чыныгы жооп ачыкка чыгаар…

Бизге маанилүүсү-эскилиги жетип турган санаторийдин имараттарынын фонунда заманбап көп кабаттуу курулуш кандайча кайрадан эле Туйгуналы Абдраимовго таандык болуп калганы. Бул боюнча түз сурообузга  санатрийдин башкы деректири Алчын Осмонгазиев да жооп бере албай, колун куушурду.

Санаторийдеги эскирген имараттар

“Үч жылдан бери төмөн жакта Туйгуналы Абдраимовго таандык мейманкананын курулушу башталды. Мен башчы катары санаторийдин ичиндеги курулушка кызыгып, бул жактан документтерди көтөртүп, ал жер кандайча аларга тийип калганын таппай жатам. Мейманканага тиешелүү жер мыйзам ченемдүү түрдө Абдраимовдорго таандык экендигин боюнча Ысык-Ата райондук мамлекеттик каттоо кызматына суроо жөнөтсөк ал жактан кыска эле-“жер тилкеси алардын мыйзамдуу менчиги” деген жооп келди. Бирок, тиешелүү документтерди көрсөткөн жок. Аны талап кылып алууга менин укуктарым жетишсиз, мен профсоюз уюму тарабынан шайланган кишимин. Бул боюнча, өзүңөр деле профсоюзга  кайрылып сурап көргүлөчү”,-деп кайра бизден жардам сурады.

Бул КРнын профсоюздар федерациясынын курортторду башкаруу башкармалыгына чалганыбызда алар болгон өлкөдөгү курортторго жолдомолорду сатуу менен гана алек болоорун, курорттордун  ички маселелери  боюнча федерациянын төрагасы Мирбек Асанакунов гана жооп бере алаарын айтышты. Ал эми Мирбек Асанакунов кол телефонун эки күндөн бери көтөрбөй,  катчысы анын федерациянын кеңешине даярдык көрүп, бошобой жатканын билдирип, сурообузду ачык калтырды..

Өкмөт башчы Жалал-Абадга, вирус чыккан Сузакка барды

Бишкек.4.04.20. informator.kg Кыргыз Республикасынын Премьер-министри Мухаммедкалый Абылгазиев иш сапарынын алкагында Жалал-Абад облусундагы санитардык-карантиндик посттордун ишин текшерди. Бул тууралуу өкмөттүн маалымат кызматы кабарлайт.

Анда, Өкмөт башчы Сузак районундагы жана Жалал-Абад шаарындагы санитардык-карантиндик посттордун инфраструктурасы менен таанышып, мында нөөмөттө турган аскердик жана милиция кызматкерлери, куткаруучулар, медиктер жана санитардык кызматкерлер менен маектешкени айтылат.

“Премьер-министрге бүгүнкү күндө Жалал-Абадда абал туруктуу экендиги, ал эми жарандар өзгөчө абалдын шарттарын түшүнүү менен кабыл алып, жоопкерчилик көрсөтүп жатышканы маалымдалды. 

Өкмөт башчы баса белгилегендей, биргелешкен иштердин уюшкандыгынан жана сапатынан коронавирус инфекциясына каршы күрөштүн натыйжалуулугу көз каранды. Ал медицина кызматкерлерин бардык зарыл нерселер менен камсыздоо үчүн мамлекет каржылоо маселелерин чечип жатканын жана аз камсыз болгон үй-бүлөлөргө жардам көрсөтүү боюнча масштабдуу иштерди баштаганын белгиледи.

Мухаммедкалый Абылгазиев өзгөчө абал режимин укуктук аткарууну мындан ары карай камсыздоого тийиштүү бир катар тапшырмаларды берди. 

Ошондой эле Өкмөт башчы жазгы-талаа иштеринин жүрүшү менен таанышып, киргизилген режим аларды тийиштүү деңгээлде жүргүзүү үчүн эч бир таасир бербеши керектигин белгиледи. Премьер-министр өлкөдө жүк ташуулар, ишкерлер жана дыйкандар үчүн эч кандай чектөөлөр жок экендигин ырастады”,-деп айтылат маалыматта.

Алексей Навальный Орусияга кайтып келет

16-сентябрь 2020/informator.kg-

Ууландырылды деп айтылган оппозициячыл саясатчы Алексей Навальный Орусияга кайтып барууну каалайт. Бул тууралуу саясатчынын басма сөз катчысы Кира Ярмыш билдирди. “Журналисттер тынымсыз жазып жатат, “Навальный чын эле Орусияга кайтып келеби” деген суроо жолдошууда. Мен кайрадан тактап кетейин: башка варианттар эч каралган эмес”,-деп жазды Ярмыш “Твиттер” баракчасына. Навальный болсо “Инстаграм” баракчасына сүрөт жарыялап, өз алдынча дем алып жатканын билдирди. “Силерди сагындым. Азыр көп нерсени жасай албайм, бирок өз алдынча деп алып калдым. Эч кандай жардам беришкен жок, түтүктөр колдонулган жок. Өз алдынча дем алуу керемет экен, аны көптөр баалабайт. Силерге дагы өз алдынча дем алууну сунуштайм!”,-деп жазган Навальный.