Саясат

Саясат Страница 3

АКШ Иранга жаңы санкцияларды киргизгени жатат

8-октябрь 2020/informator.kg-

«Америка Кошмо Штаттары Ирандын каржы тармагына жаңы санкцияларды киргизгени жатат», — деп жазды «Washington Post» гезити кырдаал менен тааныш үч булакка шилтеме берип. Маалыматка ылайык, Ирандын каржы тармагына каршы жаңы санкцияларды киргизүү боюнча АКШ президенти Дональд Трамптын администрациясынын чечими буга чейин АКШнын кошумча санкцияларына туш болбогон бир нече банктарга таасир этет. Чектөө чараларынын жаңы планы бүгүн, бейшемби күнү жарыяланышы мүмкүн. Буга чейин АКШ мамлекеттик катчысы Майк Помпео АКШ Ирандын Коргоо министрлигине каршы санкцияларды киргизип жатканын билдирген. Жарлыкка кол коюлду, ага ылайык АКШ Иранга каршы бир тараптуу санкцияларды киргизип, курал-жаракка чектөөсүн (эмбарго) калыбына келтирет.

Беларусияда миңдеген киши саясий туткундарды колдоп акцияга чыгышты

5-октябрь 2020/informanor.kg-

Беларустун башкалаасы Минск шаарында 4-октябрда Александр Лукашенконун бийлигине каршы акциялар уланды. Анын катышуучулары бийликке каршы буга чейинки нааразылык акцияларында камакка алынгандарды, саясий негизде абакта отургандарды бошотууну талап кылышты. Оппозициялык маанайдагы “Nexta” каналы акцияга 100 000дей киши катышканын, полиция аларды кууп-таратуу үчүн суу бүркүүчү техникаларды колдонгону кабарлады. Күч органдары Минскинин борборун курчап, айрым метростанциялары жабылганы, шаардын бул бөлүгүнө баруу элге кыйынчылык жаратканы кабарланды. Акциялар Брест, Гродно, Гомель, Могилев жана башка шаарларда да өттү. “Весна” укук коргоо уюмунун маалыматына караганда, өлкө боюнча акцияга чыккан 200дөн ашык киши кармалды. Окуяларды чагылдырып жүргөн 17 журналист да кармалып, анын он экиси полиция документтерин текшергенден кийин кое берилген. Беларуста бийликке каршы акциялар президенттик шайлоонун жыйынтыгы жарыялангандан бери токтой элек.

«Социал-демократтар» шайлоонун жыйынтыгын жокко чыгарууну талап кылып митингге чыгышты

5-октябрь 2020/informanor.kg- Бишкек шаарындагы «Ала-Тоо» аянтында «Кыргызстан социал-демократтар» саясий партиясынын мүчөлөрү жана тарапташтары митинг өткөрүүдө. Алар парламенттик шайлоонун жыйынтыктарын тааныбай тургандыктарын, шайлоо таза өтпөгөнүн, админстративдик ресурстар колдонулганын айтышып, шайлоонун жыйынтыгын жокко чыгарууну талап кылышууда.

ИИМ: “Милиция журналисттерге кол салуу болгон фактыны териштирип баштады”

5-октябрь 2020/informanor.kg-

Милиция журналисттерге кол салуу болгон фактыны териштирип баштады. Бул тууралуу ИИМдин басма сөз кызматынан билдиришти. Маалыматка ылайык, бул факты атайын журналга каттоого алынган. “Журналисттерге болгон кол салуу учурда териштирилүүдө. Анын жыйынтыгы менен юридикалык баа берилет. Учурда милиция жабырлануучу жана окуянын күбөлөрүн суракка алууда”, – деп билдирет басма сөз кызматынан. Кечээ, 4-октябрда Жогорку Кеңештин депутаттарын шайлоо күнүндө “Азаттык” жана “Kloop.kg” сайтынын журналисттерине иш учурунда кол салуу болгон.

Парламентке келе жаткан мурдагы чакырылыштын депутаттары

5-октябрь 2020/informanor.kg- Алдын ала жыйынтык боюнча 7 пайыздык босого чектен 4 саясий партия өттү. БШКнын маалыматына ылайык, 6-чакырылыштагы Жогорку Кеңештин депутаттарынан 85 адам кайрадан шайлоого аттанган. Азырынча БШК добуш берүүнүн рамий жыйынтыктарын жарыялай элек. Ага ылайык, 5-октябрь таңкы саат 05:00гө карата статистика боюнча алдыда 4 партия келе жатат.

  • “Биримдик” 24,5%
  • “Мекеним Кыргызстан” 23,88%
  • “Кыргызстан” 8,76%
  • “Бүтүн Кыргызстан” 7,13 %

7 пайыздык босого чегинен өткөн партияларда 6-чакырылыштагы Жогорку Кеңештин депутаттары да бир. Алардын тизмеси төмөндө берилген:

“Биримдик” партиясынан депутат болуп келчүлөр:

  1. Төрөбай Зулпукаров (СДПК)
  2. Евгения Строкова (СДПК)
  3. Аида Касымалиева (СДПК)
  4. Марат Аманкулов (СДПК)
  5. Айбек Алтынбеков (Республика-Ата-Журт)
  6. Бакирдин Субанбеков (Бир Бол)
  7. Улан Примов (СДПК)
  8. Азамат Арапбаев (СДПК)
  9. Пархат Тулендыбаев (Республика-Ата-Журт)
  10. Жаныбек Бакчиев (Бир Бол)
  11. Асылбек Жээнбеков (СДПК)
  12. Махабат Мавлянова (Республика-Ата-Журт)
  13. Сагындык Келдибаев (Республика-Ата-Журт)
  14. Өмүрбек Бакиров (СДПК)
  15. Исхак Пирматов (Бир Бол)
  16. Гүлшат Асылбаева (Өнүгүү-Прогресс)
  17. Бакытбек Жетигенов (СДПК)
  18. Аида Исмаилова (Республика-Ата-Журт)
  19. Абтандил Кулбараков (СДПК)
  20. Динара Исаева (Республика-Ата-Журт)
  21. Нурбек Тотонов (Республика-Ата-Журт)
  22. Айнура Шермаматовна (СДПК)
  23. Сайдолимжон Джураев (СДПК)

“Бир апта мурун көзү өтүп кеткен жарандын атынан добуш берилгенби?”….

5-октябрь 2020/informanor.kg- Социалдык тармактаргда ызы-чуу жараткан жагдайлар аябай көп байкалып жатат.Арасында Aiym Baky аттуу колдонуучу Бишкек шаарындагы №1041 шайлоо участкасына барган кошунасы анын жолдошу добуш бергендердин тизмесинде экенине күбө болгон.“Кошунамдын жолдошу бир апта мурун каза болгон. Бул боюнча квартальный комитет кайрылууга сунуш кылышыптыр. Ошондо квартальный көзү өтүп кеткен адамдын добушун саткан болуп калабы?”, – деп жазылган билдирүүдө.Бул боюнча БШКнын жумушчу тобунун мүчөсү Гүлнара Журабаева төмөндөгүдөй түшүндүрмө берди.“Аталган участкадагы факты текшерилди. Ал жакта аталган жарандын өтүп кеткен жолдошунун атынан добуш берилбегени аныкталды. Жаран маркумдун атын жалпы шайлоочулардын тизмесинен көрүп калса керек”, – дейт Журабаева.Мындан тышкары БШКнын мүчөсүнө “сен үчүн бирөө добуш берип койбогонун кантип тактаса болот?” деген суроо узаттык.“Шайлоого катышып, добуш берген бардык жарандардын аты-жөнү 3 күндөн соң илинет”, – деп жооп берди Гүлнара Журабаева.

«Ыйман Нуру» шайлоонун жыйынтыгы тууралуу билдирүү жасады

5-октябрь 2020/informator.kg-

«Ыйман Нуру» адилеттүүлүк жана өнүгүү партиясы шайлоонун жыйынтыгын тааныбайт. Бул тууралуу атайын басма сөз жыйында партиянын мүчөсү Чыңгыз Макешов айтты. 2020-жылдын 4-октябрында өткөн парламенттик шайлоо толгон мыйзам бузуулар, сатып алуулар менен коштолгонун, бул жыйынтыкты тааныбай турганын, ошондой эле тиешелүү жактарга кайрылып, мыйзамсыздык менен күрөшөрүн маалымдады. «Арам жол менен жеңишке жеткенче, адал жол менен жеңилген жакшы!» — деген партия лидери Нуржигит Кадырбеков аз добуш алып калганына эмес, көптөгөн фактылар менен далилденип, мыйзамды бузуп, акчанын арты менен бийликке келген партиялар өтө көп мандатка ээ болоруна, оппозиция күчү азайып, тең салмактуулук жоголоруна кейип турганын билдирди.

Коронавирус жуктурган Дональд Трамп аскер госпиталына которулду

3-октябрь 2020/informator/kg-

Коронавирус инфекциясын жуктуруп алган АКШнын президенти Дональд Трамп Вашингтондогу аскер госпиталына келер алдында видео кайрылуу жасады. Бул тууралуу чет элдик басылмалар жазып чыгышты. Маалыматка ылайык, АКШ лидери отурган тик учак оорукананын алдындагы Уолтер Рид айдыңына келип конгон. Трамп “Twitter” баракчасына госпиталга бара жаткандыгын тастыктаган видео постун жарыялады. “Менде баары жакшы болот деп ойлоп турам. Бардыгы жакшы болоруна ишениш керек“, – деген Трамп. Буга чейин, 2-октябрда АКШнын президенти тест тапшырганда коронавирус чыкканы маалым болгон. Өзү менен кошо аялы Мелания Трамп да ооруп, экөө тең дароо карантинге кетишкен. Президенттин катышуусундагы шайлоо алдындагы бардык иш-чаралар кийинкиге жылдырылып же онлайн-форматка өткөрүү чечими кабыл алынган.

Карабахтагы чырда Азербайжандын үч миңден ашык аскери каза болгону айтылууда

3-октябрь 2020/informator/kg-

Тоолуу Карабахтагы куралдуу согуштун жүрүндө азербайжан армиясы 3 минден ашык аскерин жоготкон. Бул тууралуу өзүн эгемен деп жарыялаган Тоолуу Карабах республикасынын президентинин пресс-катчысы Ваграм Погосян фейсбуктагы баракчасында жазып чыкты. Анын айтымында, каза болгондордун көпчүлүгү нейтралдуу зонада болгондуктан, алардын сөөктөрү ошол жерде калууда. Бирок бул маалыматты Азербайжан тарап ырастай элек. Буга чейин Азербайжандын Коргоо министри Тоолуу Карабахтагы армяндын күч түзүмдөрү ири жоготууга учураганын маалымдаган болчу. Эки тарап тең өзүндөгү жоготууларды азайтып айтып, каршы тарапты көбүрөөк жоготууга учурап жатканын билдирип жатышат. Европадагы Коопсуздук жана Кызматташтык Уюмунун (ЕККУ) Минсктеги тобу каза болгон аскерлердин сөөктөрүн алып чыгуу үчүн гуманитардык келишим түзүүнү сунуштаган. Эл аралык коомчулуктун ок чыгарууну токтотуу боюнча чакырыктарына карабастан, Армения менен Азербайжан Тоолуу Карабахтагы салгылашуусун улантууда.

Трамп айрым өлкөлөр менен мамилесин чектөө тууралуу жарлыкка кол койду

2-октябрь 2020/informator.kg-

Доналд Трамптын жарлыгына ылайык Бурунди, Кытай, Куба, Түндүк Корея, Иран, Никарагуа, Орусия жана Сирия мамлекеттерине гумантиардык эмес, соодага байланышпаган жардамдар берилбейт. Бул өлкөлөргө чектөөлөр адам сатууга каршы алгылыктуу иш алып барган жок деген жүйө менен киргизилди. Мындан тышкары жарлыкта АКШнын Эл аралык валюта фондундагы жана башка бир катар өнүктүрүү банктарындагы өкүлдөрүнө аталган өлкөлөргө насыя акча берүүгө каршы чыгуу керектиги айтылган. Ошол эле учурда АКШ коронавируска жана Эболага каршы күрөшүү программасынын негизинде чегинүүлөр болорун, адам сатууга каршы долбоорлор каржыланарын билдирүүдө.