Саясат

Саясат Страница 3

Абдил Сегизбаев камалабы же саясий качкын болобу?

Бишкек. 24. 12.20 informator.kg Президенттикке талапкерлердин бири Абдил Сегизбаев өзүнө жана үй-бүлөсүнө коркунуч жаралып жатканын билдирди. Мындай билдирүүнү ал көчөдө шайлоочулар менен жолугушуу учурунда жасаган.

“Азыр мен балдарымды көчөгө чыгара албай калдым. Фанаттар, бандиттер бетине кислота куябыз деп жүрүшөт. Эгерде мындайга унчукпай кала турган болсок, анда дагы 5 жылга отурабыз. Бизди баары эле бандиттер башкарып калды. Азыр биздин балдар көлгө барышса тепкилеп кетип жатышат”,-деди УКМКнын мурдагы төрагасы.

Азырынча ал бул боюнча укук коргоо органдарына кайрылганын тастыктай элек.

УКМКнын кызматкерлери Раим Матраимовдун батирлерине көчүп кирет

Бишкек. 24. 12.20 informator.kg Коррупцияга шектелген Райымбек Матраимовдун мамлекетке берген 9 батири УКМКнын кызматкерлерине берилет. Бул тууралуу 24-декабрда Бишкекте өткөн пресс-конференцияда УКМКнын төрагасы Камчыбек Ташиев билдирди.

Анын айтымында, Матраимов күнөөсүн моюнуна алып, 1 миллиард 400 миллион сомду бюджетке накталай акча түрүндө кайтарып берди. Мындан тышкары, анын бир соода борбору жана тогуз батир түрүндөгү 600 млн. сомдук кыймылсыз мүлкү мамлекеттин кирешесине өткөрүлдү.

 «УКМК өтө кыска аралыкта бажы органдарындагы коррупциялык схемаларды жок кылуу, Матраимовдун күнөөсүнө байланыштуу маанилүү жана четке кагылгыс далилдерди алуу боюнча абдан чоң иш жасады. Далилдер Матраимовдун күнөөсүн моюнга алышына, тергөө менен кызматташып, толук көмөктөшүүсүнө жана кылмыштын башка да катышуучуларынын жүзү ачылуусуна себеп болду. Соода борборун биз мамлекетке өткөрүп берели деп жатабыз, мамлекет кирешесин ала берет. Ал эми тогуз батирди УКМКнын кызматкерлерине калтырып жатабыз. Ал батирлердин биринин аянты чоң, болжол менен 250-280 чарчы метр. Албетте, андай батирге биздин кызматкерлер жашай албайт. Биз аны Балдар үйүнө же башка бир социалдык мекемеге өткөрүп берели деп жатабыз»,-деди ал.

Эске сала кетсек, Р. Матраимов 2 млрд. сом айып пул төлөп берем деп камактан бошотулган болчу.

Садыр Жапаров: “Биздин саясий көз караштарыбыз ар кандай, бирок максатыбыз бир – Кыргызстандын жаркын келечегин камсыз кылуу”

Бишкек. 13.12. 20. Informator.kg 

№1.

Биздин саясий көз караштарыбыз ар кандай, бирок максатыбыз бир: Кыргызстандын жаркын келечегин камсыз кылуу. Баарыбыз үчүн биздин мамлекеттин жана элибиздин тагдыры баарынан кымбат болууга тийиш. Эң маанилүүсү – өлкөбүздөгү тынчтык, элдин биримдиги жана коомубуздагы коопсуздук.

(С. Жапаровдун сүйлөгөн сөзүнөн 14.11.2020)

Кыргыз Республикасынын президенттигине талапкер Садыр Жапаровдун шайлоо алдындагы “Келечекке кызмат” платформасында анын Кыргызстанды өнүктүрүү боюнча негизги жана пайдубалдуу сунуштары айтылган. Бул процесстер реалдуу натыйжа бере башташы үчүн эмитен конкреттүү кадамдар жасала баштаганын белгилей кетүүгө арзыйт. 

Келечекке кызмат бүгүндөн башталат!

Кыргызстанда конституциялык реформа жүргүзүү зарылдыгы партиялык система өлкөгө саясий ыйкы-тыйкылыктан башка эч нерсе алып келбегенинен улам келип чыккан. Депутаттар талашып-тартышып, өкмөттөгү жана парламенттеги орундарды бөлүштүрүүү менен гана алектенип жатышканда өлкө өнүккөн жок, тышкы күчтөр болсо биздин экономиканы карыздын сазына ого бетер батырып келишти. Саясатчылар телеэкрандан түшпөй калжаңдашып жатканда, элдин ырыскысын жеген кызыл кулактар өзүлөрүнүн элге каршы каршы мыйзамдарын түртүп өткөрүп келишти.

“Дал ушундан улам мен: депутаттардын жамааттык жоопкерсиздиги Кыргызстанды талкалоодо деп билдирем”, – деди Садыр Жапаров.

Конституциянын жаңы редакциясы коомчулуктун кеңири катышуусу менен Контиуциялык кеңешменин ишинин алкагында дагы талкууланат жана жакшыртылат.

“Мен 2021-жылдын 10-январындагы Президентти шайлоо күнү мамлекеттик түзүлүш формасы боюнча: президенттикпи же парламенттикпи деген бир гана суроо боюнча референдум өткөрүүнү сунуштайм.  Андан кийин бүткүл элдин кызыкчылыгына жооп берген, мамлекеттик түзүлүштүн так формасы көрсөтүлгөн Конституциянын долбоорун жалпы элдик талкууга алып чыгуу керек”, – деген сунушун айтты С.Жапаров.

Садыр Жапаров президенттин жоопкерчилиги менен кошо анын ыйгарым укуктарын да күчөтүүнү сунуштайт.

“Мамлекет башчысы мамлекеттин толук кандуу иштеши үчүн – тышкы саясаттан тартып ички чарбалык ишмердүүлүккө чейинки ишине жооп берет. Эми Президент жеке өзү жооп берет” – деп белгиледи ал. 

Шайлоо жаатында сунушталып жаткан өзгөртүүлөр – депутаттардын үчтөн биринен кем эмес бөлүгү мажоритардык система боюнча, калгандары партиялык тизме боюнча шайланат. Эл дайыма конкреттүү адамдарды көрсөтөт, ошондуктан мейли, парламентте мына ошол адамдар отурсун, партиялар болсо квота боюнча өкүлчүлүктү камсыз кылышсын. 

Аткаруучу: « informator.kg» ; дареги: Кыргыз Республикасы, Бишкек ш.,    Кулатов к. 8. Буюртмачы: Төлөгөнова Аида Бейшеналиевна, Кыргыз Республикасынын Президентинин кызматына талапкер Жапаров Садыр Нургожоевичтин каржы маселелери боюнча ыйгарым укуктуу өкүлү.Нускасы:1. 2020-жылдын 23-декабрьда даярдалды. Кыргыз Республикасынын Президентинин кызматына талапкер Жапаров Садыр Нургожоевичтин шайлоо фондунан каржы маселелери боюнча ыйгарым укуктуу өкүлү Төлөгөнова Аида Бейшеналиевна тарабынан төлөндү (күб. № 35, 16.11.2020-ж).

Алмазбек Атамбаев Кой-Таш окуясы боюнча айрым суроолорго жооп берүүдөн баш тартты

Бишкек. 13.12. 20. Informator.kg   Бишкектин Биринчимай райсотунда бүгүн Кой-Таш окуясы боюнча соттук териштирүү жүрүп, ага экс-президент Алмазбек Атамбаев алынып келинген.

Соттун жүрүшүндө А. Атамбаев өзүн тааныштыруудан баш тартты жана башка айыпталуучуларысыз соттук териштирүүн бөтүшү мыйзамсыз экендигин билдирген.

Бирок, мамлекеттик айыпталуучу тарап же прокуратура кызматкерлери бул иште Албек Ибраимовго байланыштуу кылмыш иши өзүнчө бөлүнүнп алынганын жана Аскарбек Шадиевсиз кароо мүмкүн экенин билдиришти.

Камчыбек Ташиев кайрылган кызга белек-бечкек жөнөттү

Бишкек. 22.12.20. informator.kg УКМКнын төрагасы Камчыбек Ташиев кечээ Кемин шаарынан өзүнө видео-кайрылуу жасаган окуучу кызга белек-бечкек жөнөттү. Бул тууралуу аталган органдын маалыматчылары кабарлайт.

Анда 9 жашар окуучу А. Шакирова Кемин шаарындагы №1- Жалил Садыков атындагы мектепте иштеген мугалим апасына мектеп жетекчилигинин көрсөткөн кордугу боюнча айткан болчу. Бул тасма социалдык тармактарга чыгаары менен К. Ташиев атайын тапшырма берип, коопсуздук кызматкерлери окуучу кыздын үйүнө азык-түлүк жана жаңы жылдык белек-бечкектерди тартуу кылышты.

Ошону менен бирге эле атайын комиссия түзүп, окуучу кыздын апасына ыдык көргөзүү боюнча окуя тыкыр иликтенип, төраганын көзөмөлүндө болоору кабарланган.

Садыр Жапаров: “Конституциялык реформа бийликтин эл алдындагы жоопкерчилигин күчөтүү үчүн керек”

Бишкек. 22.12.20. informator.kg Кыргызстанда болуп жаткан төңкөрүштөр, иштеп жаткан режимдерди кулатуу, бийликтин эл алдындагы кадырынын түшүшү, саясий жана экономикалык кризис – мунун баары элге эмес, бийлик башында отургандарга гана кызмат кылган мамлекеттик башкаруунун жарыбаган системасынын натыйжасы.

 Мына ушундай бийлик системасынын 30 жыл бою сакталып келишине мүмкүнчүлүк берген дагы бир жагдай – буга чейин эч ким: президент да, премьер-министр да, Жогорку Кеңештин депутаттары да эч нерсеге жооп беришкен эмес. Президентикке талапкер Садыр Жапаровдун пикири ушундай. 

Жапаров конституциялык реформа гана иштин абалын өзгөртөт деп эсептейт. Бул туурасында анын шайлоо алдындагы платформасында айтылган.

 Конституциялык реформа эмне үчүн керек?

Реформа бийликтин эл алдындагы жоопкерчилик механизмин түзүү үчүн керек. Баш мыйзамда жазылган жоболор бүгүнкү күнгө чейин коллективдүү жоопкерсиздикти жактап келишкен. 

Садыр Жапаров конституциялык реформанын алкагында жаңы аралаш парламенттик системаны – мажоритардык -партиялык системаны сунуштоодо. 

Аралаш парламенттик системада эмне өзгөрөт? 

 Садыр Жапаровдун пикиринде учурда идеологиялык догма катары Кыргызстанга таңууланып жаткан батыштын заманбап демократиясы бул байлардын гана бийлиги.

Партияны байлар гана түзө алат. Партиялык тизмедеги орундарды да байлар гана сатып ала алышат. Алар эл алдында эч нерсеге жооп бербейт. Мажоритардык жана партиялык тизме аралаш системасы өзүнүн шайлоочуларынын алдында жоопкерчилик тарта турган чыныгы эл өкүлдөрүн шайлоо үчүн керек.

Партиялар кууп таркатылбайт, бирок аларга  көз карандысыз бир мандатуулар тең салмак жаратат. Мындай учурда партияларга утуп чыгуу татаал болуп калат жана “асман менен баспай, жерге түшүп”, элге берген убадаларына жооп берүүгө туура келет. 

Президенттик бийликти эмне үчүн күчөтүү керек?

Тарыхта өлкөнү кризистен чыгарып, улуу мамлекетке айландырган бир да легендарлуу парламент болгон эмес. Бирок кыйын күн башка түшүп турганда башын тобокелге сайган, жоопкерчиликти тайманбай моюнга артып, өлкөсү, эли үчүн болуп көрбөгөндөй улуу иштерди жасаган легендарлуу инсандар толтура. Президенттик бийлик бул биринчи кезекте өлкодө болуп жаткан бардык иштерге ченемсиз жоопкерчиликти алуу.

Президенттин бийлиги – бул көйгөйлөрдү ылдам жана чечкиндүү чечүүнүн шайманы. Президенттик бийликке каршы чыгып жаткандар олигархтык топторго жана тышкы башкарууга кылчактап көз каранды болбогон лидер коомдун денесине сүлүк курттай жабышкан коррупционерлерди, паракорлорду жана башка мителерди таман астына чөгөлөтөөрүн эң жакшы түшүнүп турушат.  

Садыр Жапаров президенттин милдетин аткаруучу болуп турган саналуу күндөрдө эле коррупциялык түзүмдөрдү аныктап таап жоё турган процесстерди ишке киргизе алды да жана бул колу таза эмес саясатчылар менен чиновниктердин жүроктөрүн түшүрүүдө.

Элдик Курултай эмне үчүн керек?

 Жаңылануунун каршылаштарын ошондой эле Элдик Курултай алдында жооп берүү да коркутуп турат. Курултай – бул биринчи кезекте элдик бийликти күчөтүү. Айрым ишмерлердин Элдик Курултайды түзүүгө каршы чыгып жатканы алардын элди тоготпогонун, эл алдында жооп берүүнү каалабай турганын айтып турат.

Конституциялык реформадан башталган бул реформалардын бүт комплекси эл менен бийликтин ортосундагы мамилелерди биротоло өзгөртөт. Жаңылануу жана мамлекеттин жарага иштешин жолго коюу аркылуу гана сапаттуу, узак мөөнөттүү натыйжаларга жетишүүгө болот.  

Саясий көйгөйлөрдү чечип, саясий жактан ымалага келүүгө жетишип жана экономикалык терең өзгөртүүлөрдүн жолуна түшкөндө гана Кыргызстанды создугуп келе жаткан кризистен чыгарып, өнүгүп келаткан өлкөлөрдүн катарынан калктын жашоо деңгээли жогору, өнүккөн мамлекеттердин катарына кошууга болот.

Садыр Жапаров Кыргызстандын бардык жарандарын 10 январда референдумга келип өз тандоосун жасоого чакырат!

КҮЧТҮҮ  МАМЛЕКЕТ ҮЧҮН!

КҮЧТҮҮ ПРЕЗИДЕНТ ҮЧҮН!

ЖООПКЕРЧИЛИКТҮҮ БИЙЛИК ҮЧҮН!

САДЫР ЖАПАРОВ ҮЧҮН!

Аткаруучу: «ОсОО “Информатор”; дареги: Кыргыз Республикасы, Бишкек ш.,Кулатов көч. №8.

Буюртмачы: Төлөгөнова Аида Бейшеналиевна, Кыргыз Республикасынын Президентинин кызматына талапкер Жапаров Садыр Нургожоевичтин каржы маселелери боюнча ыйгарым укуктуу өкүлү.

Нускасы:1. 2020-жылдын 22-декабрь даярдалды.

Кыргыз Республикасынын Президентинин кызматына талапкер Жапаров Садыр Нургожоевичтин шайлоо фондунан каржы маселелери боюнча ыйгарым укуктуу өкүлү Төлөгөнова Аида Бейшеналиевна тарабынан төлөндү (күб. № 35, 16.11.2020-ж).

УКМКнын төрагасына кеминдик 9 жашар кыз ыйлап кайрылды

Бишкек. 21.12.20. kg Улуттук Коопсуздук боюнча Мамлекеттик Кызматынын төрагасы Камчыбек Ташиевге Кеминден 9 жашар кыз видео-кайрылуу менен чыкты. YouTube каналдардын бирине жайгаштырылган бул тасма окуучу кыз райондогу Жалил Садыков атындагы орто мектептеги жетекчиликтин ишин текшерүүнү суранган.

Анда кыздын апасы мектерте мугалим болуп иштээрин, пандемия учурунда үй-бүлөө каатчылыкка туш келип, ун, тамак-аш жоктугунан апасы мектеп жетекчилигинен азык-ттүлүк сураганын, бирок, жетекчилик мугалимге жардам берүүнүн ордуна аны мазактоого алып, жыйынтыгында 18-декабрда апасы мектептин жетекчилигинин жемесинен соң эси ооп жыгылганын кабарлайт.

“Жаңы жылда мен мектептин ишин текшерип, апамды ушул ооурга жеткиргендердин ишин карап берүүңүздү суранам. Эгер апам ооруп калса байкем экөбүздү ким карайт,”-дейт окуучу.

Президенттикке аттангандар бир жумада 80 млн. сомдон ашуун каражат сарпташты

Бишкек. 21.12.20. kg  Кыргызстандагы шайлоо мыйзамдарына ылайык, БШК Президентикке аттанган талапкерлердин шайлоо фондундагы акча каражаттарынын сарпталышы боюнча маалымат берди. Ага ылайык, 15-декабрдан 21-декабрга чейинки аралыкта талапкерлер жалпысынан 80 млн. сомго чукул каражатты үгүт иштерине сарпташты.

Баарынан көп каражатты талапкер Садыр Жапаров жумшап, ал эсебине түшкөн 47 млн. 404 миң слмдун 43 млн. 69 сомун короткон. Канат Исаев 1 млн 70 миң миң, 515 сомду, Арстанбек Мыктыбек 1 млн. 115 миң 750 сомду, Клара Сооронкулова — 1 млн. 20 миң 370 сомду, Имамидин Ташов 2 млн. 950 сомду, Рашида Тагаев —3 млн. 57 миң 117 сомду, Абдил Сегизбаев — 3 млн. 472 миң, 570 сомду, Адахан Мадумаров — 1 млн. 425 миң 401 сомду,  Аймена Касенов — 2 млн.799 миң 788 сомду, Улукбека Кочкоров — 1 млн. 343  миң 650 сомду,Женишбека Байгуттиев — 2 млн. 596 миң 86 сомду, Эльдара Абакиров — 1 млн. 390 миң 36 сомду, Курсан Асанов— 2 млн. 191 миң 237 сомду, Арстанбек Абдылдаев – 1 млн. 569 миң 323 сомду, Равшан Жеенбеков — 1 млн. 725 миң 203 сомду, Бактыбек Калмаматов — 1 млн. 247 миң 155 сомду, Бабыржан Тольбаев — 5 млн. 687 миң 95 сомду, Каныбека Иманалиев — 1 млн. 533 миң 670 сомду короткон.

Эске сала кетсек, Президенттик шайлоо 2021-жылдын 10-январында өтөт

Кубанычбек Жумалиевден пара алган чиновниктин жардамчысы кармалды. Коомчулук “Сыймык Жапыкеевдин жардамчысы” деп шектенүүдө

Бишкек. 21.12.20. informator.kg  КРнын экономикалык кылмыштарга каршы күрөшүү кызматы козгогон кылмыш ишин жабууга пара талап кылган таасирдүү чиновниктин жардамчысы кармалды. Бул тууралуу ММКлар жазып жатышат.

Укук коргоо органдарындагы өздүк булактарга таянсак, ал кечээ 20-декабрда Бишкектин Биринчи май РИИБисинин кызматкерлери ЖКнын депутаты Кубанычбек Жумалиевден ага финпол тарабынан козголгон кылмыш ишин жабуу үчүн 160 миң АКШ долларын пара катары талап кылып, ал сумманын 2000 АКШ долларын алып жаткан жеринен А. Т. аттуу жаранды колго түшүргөн. Азырынча, ИИМ расмий маалымат бере элек, бирок, К. Жумалиевдин адвокаты Бактыбек Жумашев бул маалыматтын чындыгын ырастап, тергөөгө байланыштуу азырынча маалыматтарды толук ачыктай албастыгын билдирген.

УКМК чагымчыл маалымат тараткандарга эскертүү берди

Бишкек. 17.12. 20. Informator.kg  Социалдык түйүндөр аркылуу аймактар аралык жана улуттар аралык чыр-чатактарды чыгарууга багытталган ар кандай чагымчыл маалыматтар тарап жаткандыктан, Улуттук Коопсуздук боюнча Мамлекеттик Комитети атайын билдирүү таратты.

Анда жогорудагыдай өңүттөгү маалыматтар коомдук-саясий абалды чыңалтып, ар кандай чыр-чатактарга алып келүү мүмкүнчүлүгүн пайда кылып жатканын, УКМК мындай чагымчыл маалыматтарды тараткандар боюнча оперативдүү-иликтөө иштерин баштаганы баяндалат.

“УКМК улуттар аралык же аймактар аралык жаңжалдарды козутууга аракет жасаган маалыматтарды тараткандар мыйзам чегинде кылмыш жоопкерчилигине тартылаарын эскертет.

Эгер Сиз чагымчыл кабарларды тараткандар тууралуу маалыматтарды билсеңиз же күбө болгон болсоңуз, УКМКнын күзөт кызматына (0312) 66-04-75же болбосо (0312) 66-00-20 номерлүү ишеним телефонуна кабарлап коюңуз. Анонимдүүлүккө кепилдик берилет”,-деп айтылат маалыматта.