Коом

Коом

Штаб кабарлайт… Кыргызстанда коронавирус боюнча кандай жаңылыктар болду?

Бишкек 19.04.20 informator. kg  Бүгүн 3 бейтап ооруканадан айыгып чыкты. Айыккандардын жалпы саны 133кө жетти;

Коронавирус инфекциясынын жуктурган жаңы 48 учуру катталды.

  • Жалпы жуктурган – 554.
  • Медицина кызматкерлери – 134 (бүгүн +18).
  • Ооруканада – 416, анын ичинен реанимация – 9.
  •  Өлгөндөр – 5;

COVID-19 лабораториялык тастыкталган оорулуулар менен байланышта болгон жактардын саны – 7877;

Медицина кызматкерлеринин иш-аракетин колдоо үчүн ресурс киргизилди http://med.tunduk.kg/.

Ысык-Көл облусуна жарандардын кирүүсүн бир гана “Ак-Кеме” экологиялык посту аркылуу жүргүзүлөт. Ал эми “Кызыл-Омпол” аймагындагы пост аркылуу чыгууга гана болот;

КР 32 жарааны Индонезиядан (Бали), Тайланддан (Бангкок) жана Вьетнамдан (Ханой) кайтып келишти;

Республикага Польшадан медициналык кызматкерлер келди;

Өткөн суткада коменданттык саат убагында 21:00дөн 6:00гө чейин тартип бузгандардын саны 91 адам болду (Бишкек ш. – 57, Ош ш., Кара-Суу, Ноокат р. – 12,

Жалал-Абад ш., Сузак р. – 16, Нарын ш., Ат-Башы р. – 6).

Ош облустар аралык клиникалык ооруканасынан дагы бир медицина кызматкери айыгып чыкты.

Тажрыйбалуу балдар жугуштуу ооруларынын дарыгери келип түшкөн биринчи күнү эле оор абалда реанимацияга жаткырылган. Бишкектен жана Ош шаарынан барган өз кесиптештеринин жардамы менен ал өткөн кыйынчылыктарды жеңе алды.

Көлгө жөнөсөң билип ал – кеңештер

28.06.19 informator.kg Жай мезгили — эс алуу үчүн эң сонун учур. Өзүңүз үчүн, ден соолугуңуз үчүн сууга түшүү жакшы маанай тартуулайт. Андыктан жакшы сүзүүнү өздөштүрүп, сууда жүрүү эрежелерин жетишерлик билишиңиз керек.

– Эң биринчиден сууда узак убакыт бою жүрүүгө болбойт, суук тийип калышы мүмкүн. Эгер сиз үшүктү, денеңиздин калчылдаганын сезсеңиз дароо суудан чыгып, жээкти бойлой кыска, бирок ылдам чуркаңыз. Бул учурда денеңиз жылыйт.

Сууга түшүү үчүн эң жакшы шарт – ачык, шамалы жок + 25 градус жана андан ашык температурадагы аба ырайы.

Кырсыкты болтурбоо үчүн балдарга сууда өзүн алып жүрүү эрежелерин жана өзгөчө кырдаалдарда эмне кылуу керектигин түшүндүрүү керек.


Эсиңиздерде болсун:
– сууга уруксат кылынган жайда гана чоңдордун көзөмөлүндө түшүү керек;
– тааныш эмес, балыры көп, алыс жерлерге чейин барууга тыюу салынат;
– кайыктын, катамарандын артынан кубалап, асылууга, жабышууга болбойт;
– күн бүркөктө же катуу шамал башталганда сууга түшүүгө болбойт;
– үйлөмө матрацтарда, жаздыкчаларда, дөңгөлөктүн камерасында сүзүүгө болбойт. Ал жарылып кетсе, адам кокусунан терең жерге түшүп кетет, бул сүзгөндү жакшы билгендер үчүн да коркунучтуу;
– көпүрөлөрдөн, тосмолордон, кеме токтоочу жайлардан, кайыктан жана катерлерден сууга секирүүгө болбойт.
Эгер сиз кайыкта болсоңуз:
– кароосуз калган жана техникалык жактан оң болбогон кайыктарды пайдаланбаңыз;
– мас абалда кемеге түшүп сейилдебеңиз;
– сууда сүзүп бара жатып, бир кайыктан экинчи кайыкка отурбаңыз;
– караңгы киргенден кийин сүзүүчү каражаттарды (кайык, катер, катамаран) колдонбоңуз


Эгер сиз:
– чарчап турсаңыз;
– күн өтүп кеткен болсо;
– ачка болсоңуз;
– суусап турган болсонуз;
– ооруп айыккандан кийинки, ошондой эле спирт ичимдиктерин ичкенден кийинки абалда болсоңуз сууга түшүүдөн алыс болуңуз.


Сууга чөгө баштаганда өзүн жоготпой, акырын шашпай, тынчтыкты кармоо менен өзүн-өзү сактап калууга мүмкүн. Кескин кыймыл жасабоо керек, анткени суу оозго, өпкөгө тез толуп, буттун тарамыштары түйүлүп калат. Терең дем алып, абаны өпкөдө 30 секунддай кармоого аракет кылса натыйжалуу болот.


Кырсыктын себептери кайсылар?
Үшүп калуу, ичиркенүү
Ачык суу айлампаларында 15 градустан төмөнкү температурада сууга түшүүгө тыюу салынат. Анткени бул муздактан, ичиркенүүдөн адам кокусунан эсин жоготуп алат жана өлүмгө дуушар болот.
Ысык уруу
Организмди ысык уруу көп убакытка чейин суу, көл жээктеринде, кайыктын бортунда, катерде күндөн калкаланбай жүрүүнүн натыйжасында болот. Ушундан улам дененин нормалдуу температурасы бузулуп, баш тегеренүү, кусуу байкалып, адамдын жалпы абалы начарлап, тез-тез дем алып, дене табы +40…+41 градуска чейин көтөрүлөт. Мындай абал кээ бир убакта эсин жоготуу менен коштолот.
Жабырлануучунун кийимин жеңилдетип, эркин дем алуусуна шарт түзүп, бетине жана төшүнө муздак компресс коюу керек.
Сууга түшүүдөгү тарамыш түйүлүү, карышуу
Мындай абал сууда түшүп жатканда гана эмес, башка убактарда деле туура эмес, кескин кыймыл жасаганда байкалат. Тарамыш түйүлүү, карышуу булчуңдарга күч келүүдө, үшүп калууда же ашыкча эмоцияга алдырганда кармайт. Эгер сууга түшүп жатканда тарамыш түйүлсө коркпостон терең дем алып, башты сууга салып, денени бош таштап, суу үстүндө калкуу керек. Андан соң, сүзүүнүн кыймылын өзгөртүп, бутка күч келтирбей кол менен иштөө керек. Колдун манжаларын күч менен тезинен муштум кылып кысып, колду эки тарапка кескин кыймыл менен сунуп, муштумду жазыңыз.

Жай мезгилинде жагымдуу эс алып, бөөдө кырсыктардан сак болуңуздар.
Булак: Turmush.kg

“Help the Children SKD” кайрымдулук фонду 2020-жылдын октябрында оорулуу балдарга 1 144 448 сом жардам көрсөткөн

Бишкек. 16.11.20 informator.kg  Адамдардын жардамы жана ишеними аркылуу “Help the Children SKD” коомдук кайрымдуулук фонду 2020-жылдын октябрь айында онкологиялык, гематологиялык жана иммунологиялык оорулар менен ооруган балдарды  дарылоого 1 144 448 (бир миллион төрт жүз кырк төрт миң төрт жүз кырк сегиз) сом жардам көрсөткөн. Бул тууралуу аталган фонддон кабарлашты.

“Анын ичинен 10 миң доллар Түркиядагы оор операцияга муктаж болгон  эки баланын операциясына жумшалган, бирок,  бул акча  дарылануунун жалпы чыгымынын аз гана бөлүгүн жаап калган. Каражаттын калган бөлүгү диагностикага жана анализдерге, анын ичинде чет өлкөлөрдө жүргүзүлгөн анализдер бар. Ошондой эле биздин Фонд каттоодогу балдар үчүн кымбат баалуу дары-дармектерди сатып алууга жумшалды. Бул каражат 10 балага гана жардам берди, дагы башка көптөгөн муктаждар бар. Бул коркунучтуу оорудан биротоло кутулушуна эч кандай кепилдик жок. Тилекке каршы, Кыргызстанда балдардын рак оорусун дарылоонун абалы дүйнөнүн өнүккөн өлкөлөрүнө салыштырмалуу анча жакшы эмес, анткени дары-дармектерди сатып алууга жана ооруканаларды жабдууга, адистештирилген медициналык борборлорду жана колдоо кызматтарын түзүүгө, онкологдордун квалификациясын жогорулатууга каражат жетишсиз”,-деп айтылат фонддун билдирүүсүндө.

Андан ары аталган кайрымдуулук фонду акыркы айларда түзүлгөн турмуштук оор кырдаалга карабастан, өлкөдөгү саясий жана экономикалык кырдаалга байланыштуу  абалда турса да оорулуу балдарга материалдык жардам көрсөтүүнү токтотпой турганын, фонд түзүлгөн 13 жылдын ичинде жалпысынан 38496 балага жардам бергенин, мунун баары камкор кайрымдуу адамдардын аркасында мүмкүн болгонун кошумчалап, “Көптөгөн соода борборлорунда, банктарда, базарларда жана башка мекемелерде коюлган кайрымдуулук кутучалары аркылуу  жана 12103 сатуучу коду менен “Товарларды жана кызматтарды сатып алуу” бөлүмү аркылуу Элсомду толтуруу менен, толуктап, чоң иштин бир бөлүгү болууга мүмкүнчүлүгүңүз бар”,-деп жарыя кылат окурмандарга .

Ал эми2020-жылдын октябрь айында Фонд жардам берген оорулуу жаш наристелердин тизмеси төмөнкүчө:

Тейитбекова Айлин – 7000 АКШ доллары;

Алаев Амир 2696 сом;

Юсупова Дария – 42 834 сом;

Мейманкулов Назгүл -158 000 сом;

Гаджиев Карим – 6 498 сом;

Калдарбекова Айтумар – 106 605 сом;

Абдилакимова Асенат – 2 130 сом;

Турсунбекова Айназик -9 377 сом;

Саатбеков Нурболот – 3000 АКШ доллары;

Беджанова Милан – 7 500 сом;

Мейсанов Асия жана Амира – 5 758 сом.

Өкмөт: “Тараткан ун таза, ал курттар ундуку эмес, жыгачтыкы…”

Бишкек 7.04.20. informator.kg  “Кыргыз Республикасынын Өкмөтүнө караштуу Мамлекеттик материалдык резервдер фондунун кампаларындагы ундун сапаты байма-бай текшерилип турат. Даяр продукцияны сактоо эрежелери коюлган бардык талаптарга жооп берет”. Бул тууралуу Өкмөттүн маалымат кызматынан кабарлашты.

“Жардамга муктаждарга таратуу үчүн ун Бишкек шаарына «Кант-Дан-Азык» акционердик коомунун жана Кара-Балта шаарында жайгашкан «Дан» мамлекеттик ишканасынын кампаларынан  алынып келинген. Аталган комбинаттарда I жана II сорттогу даяр ун атайын текшерилди. Натыйжада № 56 электен өткөрүлгөн ундан эч кандай курт чыккан эмес.

«Кант-Дан-Азык» акционердик коомунда жана «Дан» мамлекеттик ишканасында даяр продукциянын сапаты үзгүлтүксүз текшерилип турат”,-деп айтылат маалыматта. .

Эске сала кетсек, социалдык тармактарда тараган видеодо  Мамлекеттик резервден аялуу катмарга таратылган ундан курт чыккан. Биздин редакция тасманы салган автор менен байланышканыбызда ал факты чын экенин, бул Бишкектин Свердлов райакимчилиги тараткан ундан чыкканын айткан болчу.

Шумкарбек Адилбек уулу: “Долбоорду бизден сурап кажети жок, долбоорлор порталда ачык жайгаштырылат”

Бишкек. 11.07.19 informator.kg “Инвестициялык долбоору бар жактар жана даяр долбоорлорду карап көрүүгө кызыкдар тараптар мындан ары агентикке келип отурбай эле алар менен онлайн таанышууга мүмкүнчүлүк түзүлөт”. Бул тууралуу Өкмөттүн алдындагы Инвестицияларды илгерилетүү жана коргоо агенттигинин башчысы Адилбек уулу Шумкар биздин порталга билдирди.

“Жакында биз Кыргызстандын инвестициялык платформасын онлайн түрүндө дүйнө коомчулугунун алдына чыгарабыз. Ал сайт түрүндөгү инвестициялык карта менен дүйнө коомчулугу тааныша алат. Биз ал жерге Кыргызстан, анын ичинде ар бир аймактын, райондун инвестициялык потенциялын көргөзөбүз. Район акимдери өз районун өнүктүрүү боюнча мамлекеттик органдар же жарандар, тургундар сунуштаган долбоорлорду, сунуштарды өз районунун баракчаларына ошол жактан эле жүктөп, инвесторлор коомчулугунун алдына суна алат. Эми биздин агенттикке келип отурбай эле каалаган инвестор кайсы өлкөдө турбасын Кыргызстандын инвестициялык потенциялын порталдан карап, даяр долбоорлорго кызыкса онлайн түрүндө байланышып, талкуулай алышат”,-дейт ал.

Эске сала кетсек, бүгүн ЖКнын депутаты Марлен Маматалиев аталган агенттин ишин кескин сынга алган болчу.

Дагы 378 адамдан коронавирус инфекциясы аныкталды

25-ноябрь 2020/informator/kg- Бир сутка ичинде 378 адамдан коронавирус аныкталды. Бул тууралуу коронавируска каршы ыкчам штабдын маалыматында айтылат.

Бишкек – 80
Ош – 11
Чүй облусу – 111
Ош облусу – 45
Талас облусу – 11
Нарын облусу – 10
Ысык-Көл облусу – 28
Жалал-Абад облусу – 54
Баткен облусу – 28
Бардыгы болуп бир сутка ичинде катталгандар: 378

Жалпы: 70 миң 744

Акыркы сутка ичинде өлкөдө 42 адамдан коронавирус чыкты. 13ү медкызматкерлер…

Бишкек 8.04.20. informator.kg  “2020-жылдын 8-апрелине карата COVID-19 вирусун жуктурган 42 жаӊы учур катталды”. Бул маалыматты онлайн-маалымат жыйынында КРнын Саламаттыкты сактоо министри Сабыржан Абдыкаримов айтты.

Анын айтымында,  алардын ичинен 16 эркек жана 26 аял. Жаӊы катталгандардын ичинен:

Бишкекте – 10

Чүй облусунда – 2

Ош облусунда – 24

Жалал-Абад облусунда – 1

Нарын облусунда – 5 учур катталган.

Ошону менен 2020-жылдын 8-апрелине карата Кыргызстанда жалпы 270 учур катталды. Тилекке каршы жаӊы катталган 42 учурдун ичинен 13ү медицина кызматкерлери.

Бишкектин түштүк тарабы дагы карантиндик чектөөгө алынды

Бишкек 2.04.20. informator.kg  Бүгүн Бишкектин айрым жаңы бөлүктөрү дезинфекциялоо иштеринен улам чектелип, корукка алынды. Жаңы кошулган аймактарга жарандардын жана унаалардын өтүүсүнө тыюу салынганын Ресрпубликалык штаб каарлайт.

Алар төмөнкү көчөлөр:

• Ахунбаев көчөсүнүн Бакаевден Жукеев-Пудовкин көчөсүнө чейинки бөлүгү;

• Сүйөркулов–Жукеев-Пудовкин көчөлөрүнүн магистралга чейинки бөлүгү;

• Масалиев көчөсүнөн баштап Байтик баатыр көчөсүнүн түндүк тарабы;

• Масалиев көчөсүнөн баштап Малдыбаевдин түндүк тарабы;

• Масалиев көчөсүнөн баштап Токтоналиевдин түндүк тарабы;

• Масалиевден баштап Чыңгыз Айтматов проспектинин түндүк тарабы;

• Бакаев көчөсүнөн баштап Ахунбаевдин чыгыш тарабы.

Штаб шаардыктарды зарыл иштер болбосо көчөгө чыкпоо, тартип кызматкрелерине баш ийиүүгө чакырат.

Ысык-Көлдө бир аптада 700 айдоочуга айып салынды

8.07.19 informator.kg Ысык-Көлдө бир аптада 700 айдоочуга айып салынды. Бул тууралуу облустук ЖКККБдан билдиришти.
Маалым болгондой, 1-июлдан 7-июлга чейин жол эрежесин бузган 700гө жакын айдоочуга протоколдор түзүлгөн. Анын ичинен 20га жакын айдоочу — мас абалда автоунаа башкаргандар. Аларга тиешелүү айып пул жазылып, автоунаалары атайын жайга токтотулду.
Туристтик мезгилге байланыштуу облустук ЖКККБнын кызматкерлери күчөтүлгөн тартипте кызмат өтөөдө.

Turmush

Коронавирус боюнча Саламаттыкты сактоо минитсрлигине берилген актуалдуу 10 суроого 10 жооп….

Бишкек 1.04.20. informator.kg Республикалык штабдан Салакматтык сактоо минитсрлигине эң көп узатылган актуалдуу 10 суроого министрликтин башкармалыгынын башчысы Алмаз Мамбетов тарабынан берилген жоопторду тизмектеди. Алар төмөнкүдөй: