Коом

Коом Страница 107

Өмүрбек Текебаев ооруканага которулду

Бишкек. 31.05.19 informator.kg 47-абакта жаткан саясатчы Өмүрбек Текебаев саламаттыгындагы чукул өзгөрүүдөн улам ооруканага которулду. Бул тууралуу өздүк булактардан белгилүү болду.

Анда саясатчы акыркы күндөрү бели катуу оруп, жүрөк оритмиясы да кармап жаткан. Ошондон улам абак жайдын дарыгерлери аны М.М. Миррахимов атындагы Улуттук кардиология жана терапия борборуна которушкан.

Эске сала кетсек, анын абактан бошоо мөөнөтүнө алты ай убакыт калды. Балким, саламаттыгынан улам үй камагына чыгаруу сунушу да бийликке жолдонушу мүмкүн

Ким сүрөт музейине директор боло алат? – шарттар

30.05.19 informator.kg Сүрөт музейдин директорлугуна талапкерлерди кабыл алуу башталды.
Гапар Айтиев атындагы Көркөм сүрөт музейинин директорлук кызматына талапкерлерди кабыл алуу башталды. Мындай маалыматты Маданият, маалымат жана туризм министрлигинин Кадрлар жана укуктук иштер бөлүмүнүн башкы адиси Венера Өмүрбек кызы «Маралга» билдирди.

Директорлукка талапкер:

гуманитардык, педагогикалык, экономикалык жогорку билимге ээ болуп, музейде 3 жылдык иш тажырыбасы болуусу керек. — Же болбосо искусство жана маданият чөйрөсүндө жетекчилик кызматта кеминде 5 жыл иштеген болушу керек. Илимий даражасы барларга артыкчылык берилет.

Кошумчалай кетсек, документтерди кабыл алуу боюнча жарыя 29-майда берилген жана 7-июнда аяктайт.

Ошто 8-класстын окуучусу бычакталды

30.05.19 informator.kg Ошто 8-класстын окуучусу бычакталып, каза тапкандыгын аталган калаанын милициясы билдирди.

15 жаштагы өспүрүм ооруканадан көз жумган. Такталган маалыматка таянсак, ал “Кыргызстандын 40 жылдыгы” атындагы мектептин окуучусу болуп чыкты. Трагедия бүгүн, 30-майда, саат 11:00дөр чамасында болгон.

Өлтүрүүгө шектелип андан бир жаш улуу өспүрүм кармалды. Алдын ала берилген кабарда балар дүкөндөн чогуу чыгып, жолдон уруша кеткен.

Тергөөчүлөрдүн айтымында, улуураак бала окуучуну курч буюм менен бир нече жолу сайып алган.

Учурда тергөө уланууда.

Расул Умбеталиев, эксперт:”КТ-Мобайлдагы чоң айлык алгандар акчаны ордуна койсун!”

Бишкек 30.05.19. informator.kg “КТ-Мобайл” компаниясындагы 200-300 миң сом айлык алгандар мамлекеттин акчасын ордуна койсун!” Мындай пикирин маалымат жыйынында эксперт Расул Умбеталиев айтты.

Анын пикиринде, иштеп, киреше алып келе электе мындай көп суммадагы айлык чегерип алуу мыйзамсыз.

“Мен ошол алган акчаларды ордуна кайтарышын талап кылам. Кызмсткерлерге айлык берүү бонустук система менен өлчөнүп, ким киреше алып келсе ошого жараша пайыз бонустарын алышы керек болчу. Иштей электе эле миллиондорду айлыкка бөлүп алышты туура эмес деп эсептейм”,-деди ал

Эске сала кетсек, аталган компаниянын 30га чукул кызматкери 5 айдан бери 300 миңден 45 миңге чейин айлык алып келгенин, жарым жылга жетпей айлык маянага эле 5 млн. сомдон ашык каражат кеткени айтылып жатат.

Тоң районунун паркындагы 3500 сомдук розалар чуусу

29.05.19 informator.kg Тоң районунун Ак-Өлөң айылындагы Саякбай Каралаев атындагы паркына 3500 сомдук розалардын отургузулушу боюнча Көк-Мойнок айыл өкмөтүнүн башчысы Майрам Кыдыралиева түшүндүрмө берди.

Анын айтымында, 3500 сомдук роза сүрөттө көрсөтүлгөндөй жөнөкөй роза эмес.

«Сүрөттө көрсөтүлгөн розалар былтыр эле тигилген, быйыл бир аз эле жаңыртылып отургузулду. Ал эми бак сыяктуу чоң болуп өскөн розалардын баасы чындыгында 3500 сом турат. Бирок биздин жердин шартына туура келбегендиктен биз аны туя багы менен алмаштырганбыз. Бул боюнча айыл өкмөттүн каты турат жана ал «Инсан ЛТД» ЖКЧ подрядчикке жолдогон. Негизи сметада 10 түп роза (штампованный), 10 туя багы болчу. Биз аны туя багына алмаштырып отургузганбыз. Сметада көрсөтүлгөндөй 40 туя багы отургузулган», – деди ал.
М.Кыдыралиева белгилегендей, бул маселе боюна Тоң райондук прокуратурасына арыз түшкөн.
«Арызды айыл өкмөттүн мурунку башчысы Т.К. жазган.

Прокуратуранын өкүлдөрү арыз түшкөн күнү келишиптир. Мен таза суу боюнча семинарда болчумун. Кийинки күнү өзүм Бөкөнбаев айылына жумуштап барып, прокуратура менен байланышсам алар бошобой жатышканын айтып, өздөрү байланышарын билдиришти», – деди Көк-Мойнок айыл өкмөтүнүн башчысы.

Буга чейин Саякбай Каралаев атындагы паркка айыл өкмөт тарабынан бир түбү 3500 сомдук 20 роза гүлү, бир түбү 3500 сомдук 60-80 см 10 колоновиддик туя, бир түбү 2250 сомдук 20 ак кайың, бир түбү 3500 сомдук 10 тал (плакучая ива), бир түбү 1200 сомдук 20 түп жүзүм тигилгени маалымдалган.

Абдывахаб Нурбаев, ЖК депутаты: “Дастан Догоевдин реформасын Өкмөт башчы түшүнөөр бекен?!”

Бишкек. 29.05.19 informator.kg “Премьер-министр парламентке алып келген министрликке талапкерлердин ичинен менин ичим чыкканы жалгыз Дастан Догоев”. Бул пикирди ЖКнын депутаты, Абдывахаб Нурбаев билдирди.

Анын айтымында, аталган жаш кадрдан үмүт чон. Бирок, ал Маалыматтык технологиялар жана байланыш мамлекеттик комитетинин алдыга жылдыруу боюнча ойлорун, идеяларын ишке ашырууда кыйынчылыктар жаралып калышы ыктымал. “Догоевдин буга чейинки аткарган иштери,прогрессивдүү ойлору үмүт жандырат. Бирок, аны калган министрлер кабинети, премьер-министр түшүнүп, колдоп, ишка ашырууга жол ачып беришеби деген маселе мени ойлонтот. Анткени, азыркы курамда либерал, заман талабына жараша ийкемдүү ишмерлерди жолуктуруш кыйын”,-дейт ал.

Ошондой эле депутат айыл чарбасына салым кошом деген Тилек Токтогазиевди Премьер-министр ишке алып, мүмкүнчүлүк берем деп убада кылып жатканын, азырынча ал убадага ишенип турганын, жаш кадрларды дайыма тартууга министрлер кызыкдар боулуш керектигин кошумчалады.

Иса Өмүркулов, ЖК депутаты: “Бюджеттин аткарылбай жатышы Өкмөттүн отставкасына алып келет”

Бишкек. 29.05.19 informator.kg “Бюджеттин аткарылбай жатышы, пландын толбой жатышы Өкмөттүн отставкасына алып келет…” Бул тууралуу ЖКнын депутаты, КСДП фракциясынын лидери Иса Өмүркулов билдирди.

Анын айтымында, бир ай мурун эле парламент Премьер-министрдин бир жылдык отчетун кабыл алып, ага канааттандыраарлык деген баа берилген. Бирок, быйылкы жылдын алгачкы кварталындагы бюджеттин аткарылышында маселелер жаралып жатат.

“Өкмөт контробанданын күч алып, бүгүн чек арадан буудай, ун, күйүүчү майлоочу каражаттар, ал тургай көмүр дагы расмий эмес жол менен ташылып, мунун айынан бюджетке келе турган акчалар сол чөнтөктөргөкетип жатат. Демек, өкмөт бажы, чек ара, салык тармактарындагы кемчиликтерди жоюп, катуу карашы керек болчу. Тилекке каршы, андай аракеттерди азыр мен байкабай жатам. Эгер абал ушундай боло бере турган болсо анда бул премьердин жоопкерчилигин кароого же отставкага алып келет”,-деди ал.

Эске сала кетсек, парламентте премьер-министр Мухаммедкалый Абулгазиев экономика, айыл чарба министрлерине , мамлекеттик байланыш агенттегине жана аппарат башчылыгына талапкерлерди алып келип, депутаттардын кароосуна сунуштап жатат.

Калича Умуралиева шаардан 12 паркты таппай жатат

29.05.19. informator.kg Бишкек мэринин буйругу менен “Шаар парктары” ишканасына башчы болгон активист Калича Умуралиева борбордо бар деп эсептелген 12 парктын көбүн таппай жатканын айтты.

“Шаарга тиешелүү 12 паркты таппай жатам, беш-алтоо гана белгилүү калганы кайда? Баарын интервенция жасап, жаңы мыйзамдар менен парктарды өкмөттөн шаар менчигине алышыбыз керек! Маданият министрлиги парктарды башкара албайт. Ар бир районго парктар үчүн 30 млн. сомдон бөлүнөт экен, ал акчаларды мен көрбөй жатам. Ар бир парктын өзүнүн ыишкасы болуш керек!”‘-деп жазды ал биринчи иш күнүн соңунда.

Эске сала кетсек, Калича Умуралиева буга чейин “Биздин укук” уюмун жетектеп, шаардын жашыл зонасын коргоо боюнча иш алып барчу.

Илим Карыпбеков Мурашевден кечирим сурады

Бишкек. 29.05.19.informator.kg КТРКдан кетип, бош калган Илим Карыпбеков кызматынан алынган КРнын Айыл чарба, тамак-аш жана мелиорация министри Нурбек Мурашевден кечирим сурады.

Тагыраагы ал твиттер баракчасына “Көрсө биз Мурашев боюнча жаңылышыппыз. Анын ордуна көрсөтүлгөн орун басарына караганда ал төөлүк өйдө болчу. Келгиле, Мурашевден кесирим сурайлы дагы ордуна алып келели!”,-деп пикирин жазган

Эске сала кетсек, Н. Мурашев өткөн жума ишиндеги кемчиликтеринен улам кызматтан кеткен.

А. Жапаров: Кытайдан карыз алууда, катаал шарттар коюлган.

29.06.19 informator.kg Кыргызстандын тышкы карызы 4,5 млрд. долларга жакын. Анын ичинде бир эле Кытай мамлекетине 1,7 млрд. доллар карызыбыз бар. 1992-жылдан 2018-жылдын декабрына чейин Кыргызстан башка мамлекеттерден жалпысынан 10 миллиард 99 миллион доллар алган. Анын ичинен 2 миллион 854 миллиону грант болсо, ал эми 7 миллиард 244 миллиону насыя.

Анын айтымыңда, учурда республиканын тышкы карызынын жалпы суммасы 4 миллиард доллардын тегерегинде. Ошолордун ичинен коомчулук кооптонгондой эле Кытайдын карызы биздин өлкө үчүн чоң коркунуч жаратып турат. Бул тууралуу депутат Акылбек Жапаров: “Кыргызстан буга чейинки алган карыздарын өз убагында эле төлөп келе жатат. Коомчулукту кооптонткон карыз — бул соңку 4-5 жылдын ичинде Кытайдын экспорттук-импорттук банкынан алган 1 миллиард 700 миллион доллар. Аны төлөй келгенде 2 миллиард 200 миллиондон ашык акча болот. Бул карыз алынып жатканда саясий эмоция менен чечим чыгарылып калган. Анткени 2 миллиард үчүн 20 жыл абдан аз убакыт.

Экинчиден, өлкө экономикасы үчүн олуттуу орду бар Ош — Бишкек жолу, жылуулук тармагы жана Датка-Кемин долбоору эгер насыя көрсөтүлгөн убактысынан бир саат, бир күн кечиктирилип төлөнсө, Кытай тарапка өтүп кетет дегенге макулдук берилип калган. Башкача айтканда, ушул үч объектини кытайлар алып, иштетип калышат. Үчүнчүдөн, соттук иштер Гонконгдо, кытай тилинде, ошол мамлекеттин соода-сатык палатасынын эрежелери менен жүргүзүлөрүнө макулдук берилген. Ушундай катаал шартка карабай учурда Кыргызстан карызды өз убактысы менен төлөп келе жатат жана келечекте бул насыядан чыгашасыз кутулабыз деп ишенебиз”, — дейт.

Булак: «Факты.kg»