Случайно

    Коом

    Коом Страница 107

    Равшан Жээнбеков кармалды

    11-октябрь 2020/informator.kg- Саясатчы Равшан Жээнбеков бүгүн, 11-октябрда кармалып, Ички иштер министрлигинин Тергөө кызматына жеткирилди. Бул тууралуу ИИМдин Басма сөз кызматы билдирди.Маалыматка ылайык, 9-октябрда борбордук «Ала-Тоо» аянтында болуп өткөн массалык башаламандыкка байланыштуу кылмыш иши бирдиктүү реестрге катталган. 5-октябрдан 6-октябрга караган түнү тынчтык митинги массалык баш аламандыкка айланып, жаза аткаруу мекемелеринен камакта отурган бир нече адам бошотулган. Аталган кылмыш ишинин алкагында ИИМдин ыкчам кызматтары тарабынан Бишкек шаарындагы кафелердин биринен Равшан Жээнбеков кармалды. Азыркы учурда ал ИИМдин Тергөө кызматында.

    Профсоюзду текшерүү үчүн депутаттык комиссия түзүлөт

    Бишкек. 09.10.2019. informator.kg Кыргызстан профсоюздар уюмунун ишин текшерүү үчүн Жогорку Кеңеште депутаттык комиссия түзүлөт. Бул тууралуу депутат Кожобек Рысбаев сунуш киргизди.

    Анын айтымында, акыркы убактарда бул тармакта көп сөздөр чыгып, уюмдун башчылары коррупцияга шектелип жатат. Ошондон улам тыкыр текшерип, иштерди ачыктоо керек.

    Бул комиссия келерки жума куралып, ишин баштамакчы.

    Кой-Таш окуясы тергелип бүттү. Эми сот башталат

    Бишкек. 9.01.20. informator.kg

    2019-жылдын 7-8-августь күндөрү экс-президент Алмазбек Атамбаевдин Кой-Таш айылындагы үйүндө болгон окуялар боюнча козголгон кылмыш ишин ИИМ тергеп бүттү. Азыр бул документтер менен күнөөлөнгөн тараптардын жактоочулары таанышып баштаганын А. Атамбаевдин жактоочусу Сергей Слесарев билдирген.

    Анын айтымында, тергөөдө бул кылмыш иши толугу менен канча томдон турганы айтыла элек, бирок, жактоочулар баллистикалык экзпертизанын жыйынтыктары баштаган айрым документтер менен макул эмес. “Тергөөнүн материалдары боюнча талаштуу жагдайлар бар, биз макул болбой, кардарларыбыздын күнөөсүздүгүн далилдөөгө аракет көрөбүз. Буга бир топ убакыт талап кылынып, ИИМдин Тергөө башкармалыгы бизди убакытты атайылап чоюп жаткандай күнөөлөшү да мүмкүн. Бирок, иште далилдер жетиштүү болушу керек”,-дейт ал.

    Ошондой эле анын маалыматы боюнча, Кой-Таштагы окуялар Кылмыштарды жана Жоруктардын каттоо Бирдиктүү Реестрине “Массалык баш аламандык”, “Бейбаштык”, “Адам өлтүрүү”, “Адам өмүрүнө кол салуу”, “Бийлик өкүлдөрүн коркутуу жана зобмбулук көрсөтүү”, “Бийликти күч менен басып алууга аракет кылуу”, “мыйзамсыз курал колдонуу” жана “Барымтага алуу” беренелери менен катталган.

    Тергөө жарым жылга чукул убакыт жүрүп, кылмыш ишинин алкагында  12 адамга иш козголгон. Алардын арасынан А. Атамбаевге жакын делген Кыяс Смаилов менен Алга Кылычев тергөө менен кызматташып, үй камагына чыгарылган.

    Айсулуу Тыныбекова Польшадагы турнирде алтын утту

    Бишкек. 7.11.20 informator.kg  Кыргызстандык балбан кыз Айсулуу Тыныбекова Польшада өткөн эл аралык турнирде алтын медальга ээ болуп кайтты. Бул тууралуу анын машыктыруучусу бизге билдирди.

    Анын айтымында, 6-ноябрда килем үстүнө чыккан Айсулуу а дегенде Орусиялык Ульяна Тукуренова менен бет келип, 12:3 эсебинде утуп алган. Экинчи айлампада болсо Африканын чемпиону тунистик Марва Амри менен кез келип, 8:0 эсебинде утулууга дуушар болуп, бирок, мелдештин акыркы секунддарында атаандашынын далысын жерге тийгизүүгө жетишкен.

    Ал эми финалда Айсулуу Тыныбекова кайрадан орусиялык балбан кыз Анжелага туш келип, аны 9:0 эсебинде утуп, алтын медальдын ээси болуп кайткан.

    Коронавируска каршы чогулган каражатты бөлүштүрүүгө комиссия түзүлдү

    Бишкек 28.03.20 informator.kg  

    Кыргыз Республикасынын Өкмөтү тарабынан Кыргыз Республикасынын аймагында коронавирус инфекциясы (COVID-19) менен күрөшүү чараларын каржылоо үчүн ыктыярдуу жардам көрсөтүү түрүндө жеке жана юридикалык жактардан түшкөн гуманитардык жардам жана акча каражаттарын бөлүштүрүү боюнча комиссия түзүлдү. Тиешелүү чечимге Кыргыз Республикасынын Премьер-министри Мухаммедкалый Абылгазиев кол койгонун өкмөттүн маалыматтык бөлүмү кабарлайт.

    Комиссия мамлекеттик органдардын кызматкерлеринен, Жогорку Кеңештин депутаттарынан жана жарандык сектор өкүлдөрүнөн турат.

    Бул чечим Кыргыз Республикасынын аймагында коронавирус инфекциясы (COVID-19) менен күрөшүү чараларын каржылоо үчүн ыктыярдуу жардам иретинде жеке жана юридикалык жактардан түшкөн акча каражаттарын сарамжалдуу жана натыйжалуу бөлүштүрүү, ошондой эле гуманитардык жардамды бөлүп берүү максатында кабыл алынды.

    Кыргыз Республикасынын Финансы министрлигине Кыргыз Республикасынын аймагында коронавирус инфекциясынын жоюга багытталган иш-чараларды каржылоо максатында Кыргыз Республикасынын Саламаттык сактоо министрлиги үчүн депозиттик эсеп ачуу тапшырмасы берилди.

    “Муну менен катар Кыргыз Республикасынын Өкмөтүнүн 2020-жылдын 10-мартындагы №76-б буйругунун негизинде буга чейин ачылган Кыргыз Республикасынын Саламаттык сактоо министрлигинин башкаруусундагы эсепке топтолгон каражат Кыргыз Республикасынын аймагына коронавирус инфекциясынын мындан аркы жайылуусуна жол бербөө жана ага каршы күрөшүү иш-чараларын каржылоо үчүн депозиттик эсепке толук көлөмдө которулат.

    Акча каражаттарын ачык-айкын топтоо жана бөлүштүрүү максатында Маалыматтык технологиялар жана байланыш мамлекеттик комитетинин алдындагы IT-штаб www.help.covid.kg онлайн ресурсун ишке киргизди. Анда келип түшкөн каражаттардын көлөмү жана алар кайсы иш-чараларга жумшалары реалдуу режимде көрсөтүлүп турат”,-деп айтылат маалыматта.

    Эске сала кетсек, учурда атайын эсепке 40 млн. сомго чукул каражат түшкөнү маалымдалган.

    Массалык жекирүү. 77 салыкчы илең-салаң иштегени үчүн сөгүш жеди

    Бишкек. 03.03. 2020. Informator.kg  

    Мамлекеттик салык кызматынын коллегиясында иштеги кемчиликтери үчүн жалпысынан 77 салыкчыга дисциплинардык сөгүш берилген. Бул тууралуу аталган кызматтын маалымат кызматы кабарлады.

    Андагы маалымат боюнча, катуу сөгүштү төрт аймактык бөлүмдүн башчылары, ал эми сөгүштү 8 райондун начальниктери, бир төраганын орун басары, төрт бөлүм башчы жана укуктук маселелер боюнча эки адис алышкан. Ошондой эле 28  салык органдарынын башчылары, 4 төраганын орун басарлары, 16 бөлүм башчы жана 8 адиске эскертүү берилген.  

    Мындан тышкары, Араван райондук салык башкармалыгын башчысы Ала-Бука райбашкармалыкка башчы, Аксы райбашкармалыгын башчысы Майлы-Суу шаар башкармалыгына орун которгон. Ал жердеги салык башчысы Сузак райондук салык башкармалыгынын башчысына орун басар болуп жөнөтүлгөн. Сузактын башчы орун басары Аксыга жиберилген.

    Коронавирустан улам Өзбекстан Кыргызстанга гумжардам жөнөттү

    Бишкек 3.04.20. informator.kg  Кечээ, 2-апрелде коронавирус илдетининен улам Өзбекстан Кыргызстанга гуманитардык жардам берди. Бул тууралуу өкмөттүн басма сөз кызматынан кабарлашты.

     Маалыматта Өзбекстандан гумжардам катары 1000 тонна ун, 7000 комплект медициналык коргонуу кийимдери, 95 респиратор, 20 миң мээлей, 500 көз айнек, 200 медициналык пирометр жана 2000 тест-системасы келгени, аны коңшулар 17 вагонго бардык санитардык-эпидемиологиялык талаптарды сактоо менен жүктөп жөнөткөнүү айтылат.

    Өзбекстандан келген гуманитардык жардам Өзгөчө кырдаалдар министрлигинин кампасына түшүрүлүп, мамлекеттик мекемелердин макулдашуусу менен аз камсыз болгон үй-бүлөлөргө жана коронавируска каршы иштеп жаткан кызматкерлерге таратылмакчы.

    Жүк жетээри менен премьер-министр Мухаммедкалый Абылгазиев Өзбекстандын өкмөт башчысы Абдулла Арипов менен телефон аркылуу сүйлөшүп, гуманитардык жардам үчүн ыраазычылык билдирген

    Финпол: “Балыкчы шаарында казынага ири өлчөмдөгү зыян келтирген каржылык мыйзам бузуу аныкталды”

    Бишкек. 20.01. 21 informator.kg  “Финансы полициясы өзгөчө ири өлчөмдөгү акча каражатын ыйгарып алуу фактысын аныктады”. Бул тууралуу аталган органдын маалымат катчысы Анастасия Пискур кабарлады.

    Анын айтымында, Ысык-Көл облусу боюнча финансы полициясы “Балыкчы шаарына видео байкоону орнотуу” долбоорун ишке ашырууда жумуштун көлөмүнүн наркын жогорулатуу фактысы боюнча сотко чейинки өндүрүштү жүргүзүүдө.

    “Ысык-Көл облусун өнүктүрүү фондун башкаруу боюнча дирекциясы менен “Н.С” ЖЧКсынын ортосунда 2018-жылы аталган долбоорду ишке ашыруу үчүн 10 миллион сомго жакын суммадагы келишим түзүлгөндүгү аныкталды. Берилген маалыматтарга ылайык, бул объект боюнча аппараттык-программалык комплекстер 7 миллион сомго жакын суммага сатылып алынган, бирок аткарылган жумуштардын актысында аталган аппараттык комплекстер 2 миллион сомго көтөрүлгөн айырма менен эсептен чыгарылган.

    Ошондой эле, аткарылган жумуштардын актысынын жалпы наркы КНС менен кошо көрсөтүлөт, ал эми “Н.С” ЖЧКсы жумуш тапшырылган учурда КНС төлөөчү болгон эмес жана аткарылган жумуш үчүн салыктын ушул түрүн төлөгөн эмес.

    Ошентип, аталган ЖЧКнын мыйзамсыз иш-аракеттеринин натыйжасында мамлекеттин бюджетине 3 миллион сомго жакын суммада өзгөчө ири өлчөмдө зыян келтирилген”,өдеп билдирет финполдун маалымат катчысы. 

    Учурда, кызмат адамдарынын катыштыгы аныкталып, келтирилген зыяндын ордун толтуруу чаралары көрүлүүдө.

    Патрулдук милиция 1-октябрда ишке чыгат

    Бишкек. 16 . 09.2019. informator. ИИМдин алдындагы жаңы түзүлүп жаткан патрулдук милициянын алгачкы курамы 1-октябрдан тарта ишке чыгат. Бул тууралуу вице-премьер министр Жеңиш Раззаков билдирди.

    Ал белгилегендей, эки этаптагы тандоодон кийин кабыл алынган 871 жаш кадр ңч айлык кошумча курсту окуп бүтүү алдында турат. “Азыр алар патрулдук милициянын укук-милдеттери тууралуу окууларды аяктап жатышат. Алардын формасынан тартып айлык маянасына чейинки чыгымдары үчүн  бюджеттен быйыл 197 миллион сом каралды. Алар коомдук тартипти көзөмөлдөшөт”,-дейт ал.

    Эске сала кетсек, учурда патрулдук милиция болууну каалагандардын экинчи тобу экзамен тапшырып жатышат.

    “Ишеним суроосу…” Украинанын Өкмөт башчысы арызын жазды

    Бишкек.18.01.20. informator.kg Кечээ, Украинанын Премьер-министри Алексей Гончарук Президент Владимир Зеленскийге кызматтан кетүү арызын жолдогон. Бул тууралуу ал соцтармактарга өзү жарыялаганын биринчилерден болуп “КоммерсантЬ” жазып чыккан.

    Түшүндүрмөсүндө Өкмөт башчы арызды “Президентке болгон ишеним менен сый-урматка болгон ар кандай шектенүүлөрдү жок кылуу үчүн”

    “Мен кызматка президенттин программасын ишке ашыруу үчүн келгемин. Ал мага ачыктык менен адептүүлүктү үлгүсү. Бирок, биздин президентке болгон ишеничибиз менен сый-урматыбызна болгон баардык шектенүүлөрдү жок кылуу үчүн арызымды жазып, Президенттин парламентке жолдоосун сурандым”,-дейт А. Гончарук.

    Азырынча Президенттин кеңсеси арыз келгенин, ал каралып жатканын, Владимир Зеленский ал боюнча кийинчерээк кандай чечим алаарын жарыялай турганын айтышкан.

    Эске сала кетсек, бул абалга жергиликтүү Ютуб-каналдардын бириндеги өкмөттүн жыйыны тууралуу сюжет себеп болгон. Анда А.Гончарук “Зеленскийдин экономикалык процесстерге болгон түшүнүгү өтө эле примитивдүү” деп айткан жери бар.

    Муну өкмөт башчы “монтаждалган аудио, акыркы учурда өкмөттүн жыйындарындагы сөздөрдү бурмалап, фрагменттерди кесип,курап, жарандарга жалган билдирүү тараткан сайттар арбыды, мен андай сөздөрдү эч качан айткан эмесмин”,- дейт.

    1...106107108...116Страница 107 из 116

    Категориялар

    © Баардыгы билсин — Информатор.kg