Спорт

Спорт

Хабиб Нурмагомедов Кыргызстанга келет

27-ноябрь 2020/informator.kg- Белгүлүү мушкер Хабиб Нурмагомедов Кыргызстанга келүүнү пландап жатат. Бул тууралуу анын машыктыруучусу Хавьер Мендез Instagram баракчасына жазды. Анын айтымында, мушкердин Кыргызстанга келип, көк бөрү оюнун көрүү каалоосу бар.

Кыргыз мушкери Кямран Аббасов эмне себептен Орусиянын жарандыгын алгысы келип жатканын айтты

25-ноябрь 2020/informator/kg- “One FC” уюмунун чемпиону, 27 жаштагы кыргыз мушкери Кямран Аббасов эмне себептен Орусиянын жарандыгын алгысы келип жатканын “Youtube” каналдардын бирине түз эфирде берген маегинде айтты.

“Мен 6 жылдан бери Орусияда жашайм. Менин үй-бүлөмдүн бардык мүчөлөрү – аялым, балдарым – ушул өлкөнүн жарандары. Орусияда жарандыгы жок туруктуу каттоодо туруу кыйын жана мен мындан тажадым. Мага жардам бергендер дагы мени Орусиянын жараны болушумду каалашат.

Азыр мен ар кимдин оюн уга албайм. Баардыгы өздөрүнүн ою менен калышат. Мени буга чейин колдогондор дагы да колдой берет деп ойлойм. Валентина Шевченко Перу менен Кыргыз өлкөсүнүн атынан чыгат. Андан эч нерсе болбойт. Мен дагы эки өлкөнүн желеги менен чыга алам. Эмнеге мен түрк желеги менен чыгып жатам? Мен өзүм түркмүн. Бул менин улутум”, – деди Аббасов. Кямран Аббасов 1993-жылы Бишкек шаарында төрөлгөн. Буга чейин анын Орусиянын жарандыгын алуу үчүн документ тапшыргандыгы кабарланган.

Макгрегор менен Порье качан беттешери белгилүү болду

25-ноябрь 2020/informator/kg- Январда UFC уюмунун эки салмагынын экс-чемпиону Конор Макгрегор менен америкалык Дастин Порье беттешет. Бул тууралуу UFC уюмунун расмий сайты жарыялады. Таймаш кайсы жерде өтөрүн промоушен азырынча белгилеген эмес. Алдын ала маалыматтарга караганда реванш Абу-Дабидеги «Мушкерлер аралы» спорттук жайында болушу мүмкүн. «Реванш расмий белгиленди. Дастин Порье Конор Макгрегор менен 23-январда «UFC-257» мелдешинде кез келет», — деп айтылат маалыматта. Эске салсак, ушул жылдын июль айында Макгрегор спорттон кеткенин жар салган. Ирландиялык мушкер америкалык Порье менен буга чейин 2014-жылы беттешип, биринчи эле раундда техникалык нокаут менен уткан.

Шевченко эже-сиңдилердин эмгек акысы канча болду?

24-ноябрь 2020/informator/kg- Лас-Вегаста 22-ноябрда өткөн «UFC-255» турниринин катышуучулары алган төлөмдөр белгилүү болду. Валентина Шевченко бразилиялык Дженнифер Майяны жеңип, өзүнүн жеңил салмактагы чемпиондугун төртүнчү жолу коргоду. Бул жеңиши 260 миң долларга бааланды. Ал эми бир тууган эжеси Антонина Шевченко бул турнирде бразилиялык Ариана Липскийди техникалык нокаут менен утуп, 124 миң доллар таап, кечки оюну үчүн 50 миң доллар кошумча акы алды.

Жиу-житсу боюнча чемпионатта Билимбек Алмаматов 2 алтын медаль тагынды

23-ноябрь 2020/informator.kg- Билимбек Алмаматов кыргызстандык спортчулар арасында бразилиялык жиу-житсу боюнча “Пан Америка 2020” чемпионатында 2 алтын медаль тагынган алгачкы спортчу болду. Алмаматов өзүнүн салмагында жана абсолюттук салмак ченинде мелдешке катышып, 2 алтын медаль утуп алды. “Пан Америка 2020” чемпионатында башка кыргызстандык спортчулар дагы күч сынашкан. Алардын арасында Тынчтык Мамасадыков коло медалга ээ болду.

Антонина Шевченко атаандашын техникалык нокаут менен жеңип алды

22-ноябрь 2020/informator.kg-


Бүгүн АКШнын Лас-Вегас шаарында өтүп жаткан UFC 255 турниринде кыргыз мушкери, Валентина Шевченконун бир тууган эжеси Антонина Шевченко бразилиялык 26 жаштагы Ариана Липски аттуу мушкер айым менен кез келди.
Беттеште Антонина Шевченко атаандашынан бир топ күчтүү болуп, экинчи бөлүктө атаандашын техникалык нокаут менен жеңип алды.Муну менен Антонина Шевченко UFC уюмунда сегизинчи (эки жеңилүү) ирет жеңүүчү аталса, анын атаандашы карьерасындагы алтынчы жеңилүү ызасын тартты.

Конор Макгрегор UFC’ге расмий түрдө кайтып келгенин жарыялады

21-ноябрь 2020/informator.kg- Ирландиянын аралаш мушташ боюнча чебери Конор Макгрегор UFC’ге расмий түрдө кайтып келгенин жарыялады. Бул тууралуу чет элдик спорттук басылмалар жазып чыкты. UFC уюмунун эки салмак боюнча мурдагы чемпиону ирландиялык мушкер Конор Макгрегор карьерасына үчүнчү жолу кайтып келди. Ал 32 жаштагы UFC уюмунун америкалык мушкери Дастин Порьеменен келишим түзгөн.

Левандовски жылдын мыкты футболчусу аталды

18-ноябрь 2020/informator.kg- Роберт Левандовский Дүйнөлүк футбол саммитинин версиясы боюнча жылдын мыкты футболчусу аталды. Бул туралуу чет элдик спорт басылмалар жазып чыгышты. «Бавария» клубунун жана Польша курама командасынын чабуулчусу «As.com» сайтынын колдонуучулары жана атайын калыстар тобу арасында жүргүзүлгөн сурамжылоодо үчүнчү орунду ээлеген командалашы Жошуа Киммич менен «Барселонанын» капитаны Лионель Мессини жеңип алды. Сыйлык Левандовскийге виртуалдык режимде 27-ноябрда тапшырылат. Левандовский 2019/20 Германиянын чемпионатында 30 оюнда 34 гол киргизген жана Чемпиондор Лигасында 15 гол киргизген.

Шевченко: “Кандай гана беттеш болбосун менин максатым — жеңиш..”

17-ноябрь 2020/informator.kg- UFC уюму өзүнүн YouTube-каналына кыргызстандык Валентина Шевченко менен бразилиялык Женнифер Майянын беттешине карата презентациялык видеосун жарыялады. Анда беттеше тургандардын даярдыгы, алардын буга чейинки мелдештериндеги мыкты нокаут, соккулары көрсөтүлгөн. Роликтеги маалыматтарга ылайык, Шевченконун машыгуулары Лас-Вегас шаарында өтүүдө. “Кандай гана беттеш болбосун менин максатым — жеңиш”, — деген Шевченко. Лас-Вегаста 21-ноябрда өтө турчу UFC 255 турниринде кыргызстандык чемпион эң жеңил салмактагы титулун төртүнчү жолу коргойт. Бул ирет бразилиялык Женнифер Майя менен беттешмекчи.

Токиодогу мелдешке катышчулар Covid-19га каршы акысыз эмделет

17-ноябрь 2020/informator.kg- Токиодо өтө турчу олимпиада оюндарынын катышуучуларына коронавирустун вакцинасы жете турган болсо, Эл аралык олимпиада комитети эмдөөгө кеткен каражатты өз мойнуна алат. Бул тууралуу комитеттин башчысы Томас Бах билдиргенин “Р-Спорт” басылмасы жазды. Белгилей кетсек, буга чейин комитеттин президенти коронавируска каршы вакцина мелдеш өтө турчу убакытка даяр жана жеткиликтүү болсо, Олимпиада катышуучуларынын баары коронавируска каршы эмделе турганын айткан. “Вакцинаны биринчи кезекте дарыгерлер, медиктер сыяктуу коомдун жашоосун кармап турган адамдар алышы керек. Эгер ошондон кийин вакцина жете турган болсо, анда комитет мелдештин катышуучуларын эмдөөгө кеткен каражатты өз мойнуна алат”, — деди Бах. Эскерте кетсек, 24-мартта Эл аралык олимпиада комитети коронавирус пандемиясынан улам жайкы Олимпиада оюндарын кийинки жылга жылдыруу боюнча чечим кабыл алган. Оюн 2021-жылдын 23-июлунан 8-августуна чейин өтүшү күтүлүүдө.