Спорт

Спорт

Кыргызстандык балбан кыздар финалга чыгышты. Алар …

11.07.19 informator.kg Кыргызстандык балбан кыздар Назира Марсбек кызы менен Мээрим Жуманазаров жаштар арасында Азия чемпионатынын финалына чыгышты.

Мелдеш Таиланддын Чонбури шаарында өтүп жатат. Аны unitedworldwrestling.org сайты түз алып көрсөтүп жатат.

59 кг салмакта күч сынашкан Назира Марсбек кызы жарым финалда кытайлык Zhuomalaga ZHUOMALAGA’ны 6:3 эсебинде жеңип финалга чыкты.

Назира финалда индиялык балбан кыз Anshu ANSHU менен таймашат.

Ал эми 68 кг салмакта күрөшкөн учурдагы Азия чемпиону Мээрим Жуманазарова да кытайлык балбан кыз Xin LI менен таймашып, 8:1 эсебинде жеңишке ишенимдүү жетип, финалга чыкты.

Мээрим финалда жапониялык Rin MIYAJI менен алтын медаль үчүн күрөшөт.

Жаштар арасындагы Азия чемпионатына машыктыруучу Байгазы Кенжебаев жетектеген Кыргызстандан 4 балбан кыз барышкан.

Алардын экөө бүгүн күрөшүп, экөө тең өз салмактарында финалга чыгышты. Финалдык беттештер Бишкек убактысы боюнча 16:00дө башталат.

Конор Макгрегор UFC’ге расмий түрдө кайтып келгенин жарыялады

21-ноябрь 2020/informator.kg- Ирландиянын аралаш мушташ боюнча чебери Конор Макгрегор UFC’ге расмий түрдө кайтып келгенин жарыялады. Бул тууралуу чет элдик спорттук басылмалар жазып чыкты. UFC уюмунун эки салмак боюнча мурдагы чемпиону ирландиялык мушкер Конор Макгрегор карьерасына үчүнчү жолу кайтып келди. Ал 32 жаштагы UFC уюмунун америкалык мушкери Дастин Порьеменен келишим түзгөн.

Азия Чемпиону Муслим Евлоев тирүү экени такталды

10-август 2020/ informator.kg-Орусиянын Ингушетия Республикасындагы атышуудан каза болгондордун арасында эркин күрөш боюнча Азия чемпиону Муслим Евлоев жок. Бул тууралуу аталган республиканын укук коргоо органдарындагы ишенимдүү булак орусиялык басылмаларга билдирген. “Жок кылынган адамдардын өздүгү аныкталды, алар мыйзамсыз куралдуу топтун мүчөлөрү”, – деп билдиришкен укук коргоо органдарынан. Укук коргоо органында иштеген ишенимдүү булактын билдиришинче, Муслим Евлоев качып кеткен. Анын тууганы кармалган. Атайын операция өткөн аптада офицердин өлтүрүлүшү боюнча козголгон кылмыш ишинин алкагында жүргүзүлгөн. Буга чейин Кыргыз өлкөсүнүн атынан Азия чемпиону аталган Муслим Евлоев атып өлтүрүлгөндүгү кабарланган.

Кыргызстандык хоккейчилер Исландия командасы менен беттешет.

Informator.kg – Бүгүн, 12-декабрда хоккей боюнча Кыргызстандын улуттук курама командасы кышкы Олимпиада оюндарынын тандоо турунун экинчи баскычында Исландиянын командасы менен беттешет.

Мелдеш 12-15-декабрда Румыниянын Брашов шаарында өтөт.

Оюндун экинчи баскычында 12 команда күч сынашат. Алар “K”, “L”, “M” деп үч тайпага бөлүштүрүлгөн. Улуттук курама “K” тайпасына туш келип, Румыния, Исландия жана Израилдин командалары менен оюн өткөрөт.

Улуттук кураманын катарына Эрназар Исматов, Олег Колодин, Антон Кудашов, Уран Турсунбеков, Адис Качкынбеков, Владимир Ничипуренко, Ажымухамед Улугбек уулу, Жанболот Тагаев, Артур Аяпов, Кадыр Алымбеков, Михаил Чувалов, Артем Горобец, Владимир Носов, Александр Титов, Максим Егоров, Кузьма Терентьев, Александр Петров, Андрей Тришкин, Эрсултан Мирбеков, Владимир Тонких кирет.

Оюндардын жүгүртмөсү:

12-декабрь – Кыргызстан – Исландия;

13-декабрь – Румыния – Кыргызстан;

15-декабрь – Израиль – Кыргызстан.

Эскерте кетсек, Кыргызстан ноябрь айында Люксембург өлкөсүндө өткөн тандоо турунун биринчи баскычынын жеңүүчүсү аталган.

Булак: Кабар.кж

КРда биринчи жолу допинг колдонууга каршы борбор түзүлдү

5-август 2020/informator.kg-

Өлкөдө биринчи жолу допинг колдонууга каршы борбор түзүлгөнүн Жаштар иши, дене тарбия жана спорт боюнча мамлекеттик агенттиктин маалымат кызматы билдирди.
Ага ылайык, кызмат Спорт агенттигинин алдындагы Допингге каршы күрөшүү дирекциясында түзүлүп, Улуттук антидопинг борбору аталышы менен иш алып барат.Коррупцияны алдын алат .КРде спорт мектептердин маалымат базасы түзүлдү .


“Дирекция спортто тыюу салынган заттарды колдонууга каршы иш алып барган мекеме болуп саналат. Ал дүйнөлүк антидопинг кодексинин жана КРдин антидопинг эрежелеринин аткарылышын камсыз кылат. Ошондой эле таза спортту жайылтууга салымын кошот”, — деп айтылат маалыматта.

Мындан тышкары, Спорт агенттиги алдындагы Допингге каршы күрөшүү дирекциясын жетектегенге адис изделип жатканын айтып, шарт-талабын түшүндүрдү.

Шевченко эже-сиңдилердин эмгек акысы канча болду?

24-ноябрь 2020/informator/kg- Лас-Вегаста 22-ноябрда өткөн «UFC-255» турниринин катышуучулары алган төлөмдөр белгилүү болду. Валентина Шевченко бразилиялык Дженнифер Майяны жеңип, өзүнүн жеңил салмактагы чемпиондугун төртүнчү жолу коргоду. Бул жеңиши 260 миң долларга бааланды. Ал эми бир тууган эжеси Антонина Шевченко бул турнирде бразилиялык Ариана Липскийди техникалык нокаут менен утуп, 124 миң доллар таап, кечки оюну үчүн 50 миң доллар кошумча акы алды.

“Барселона” клубу машыктыруучусун алмаштырат

18-август 2020/informator.kg-

Барселонада президенттик шайлоо 2021-жылы 15-мартта биринчи оюн күнү өтөт. Бул тууралуу футбол клубунун сайты жазды.Азыр клубдун президенти — Жосеп Мария Бартомеу.Эскерте кетсек, 14-августта Лиссабондо “Барселона” Чемпиондор Лигасынын чейрек финалында “Бавариядан” утулуп, турнирдеги күрөштү аяктады. Клуб ушул сезондо бир дагы кубокту жеңип алган жок.Буга чейин Кик Сетьен Барселонанын башкы машыктыруучусу кызматынан кеткени белгилүү болду. Сетьен ушул жылдын январынан бери Барселонаны жетектеген. Анын жетекчилиги менен клуб Испания чемпионатында экинчи орунга ээ болгон.Эми клубдун жаңы машыктыруучусу жакын арада белгиленет.

Күрөш. Мына, ынтымак деген ушул – видео

Бишкек. 10.08.19 Тбилиси шаарында өтүп жаткан күрөш боюнча эл аралык турнирде кыргыздардын ынтымактуулугу көрсөтүлдү. Кыргызстандык балбандар орун үчүн бири-бири менен күрөшпөстөн, жаш курагы боюнча кичүү болгон Жоламан Шаршенбеков мекендеши Каныбек Жолчубековго утулуп берди.

Гүлжигит Алыкулов Европа кубокторуна ойногон үчүнчү кыргызстандык болот

21-август 2020/informator.kg-

Футбол боюнча Кыргызстандын улуттук командасынын оюнчусу, учурда Казакстандын “Кайрат” клубунун намысын коргоп жаткан Гүлжигит Алыкулов Европа кубокторуна ойногон үчүнчү кыргызстандык болот. Бул тууралуу Кыргыз футболдук союзунун маалымат кызматы өзүнүн Instagram баракчасына жазды. 
белгилей кетсек, улуттук команданын футболчулары Азамат Байматов менен Клод Мака Кум (түбү камерундук) Европа кубоктору мелдештеринин баштапкы (квалификация) этаптарында ойногон.
“Байматов 2009-жылы Латвиянын “Вентспилс” клубунун курамында, ал эми Мака Кум 2010-жылы Молдованын “Дачия” клубунун курамында Европа мелдештеринде ойногон”, — деп айтылат маалыматта.
Чүчү кулактын жыйынтыгына ылайык, “Кайрат” 27-августта Европа лигасы мелдешинин тандоо турунун алгачкы айлампасында Армениянын “Ноа” клубуменен кездешет.

Кыргызстандык 4 футболчу эми өмүр бою ойнобойт – себеби

Бишкек. 2.08.19 Informator – Кыргызстандык төрт футболчу Азия футбол конфедерациясынын (АФК) дисциплинардык комитетинин чечими менен өмүр бою оюндардан четтетилди.

Футбол федерациясынын маалымат кызматынан билдиришкендей, кеп Бишкектин “Дордой” командасынын мурдагы капитаны Курсанбек Шератов, “Алайдын” оюнчулары Владимир Веревкин, Ильяз Алимов (бул сезондо “Нефтчиге” өткөн) жана Абдуазиз Махкамов (дарбазачы) жөнүндө болуп жатат.

Июль айынын аягында “Дордой” клубу Шератов менен эч себепсиз кол үзүшкөн.

Бул оюнчулар АФКнын Дисциплинардык-этика кодексинин 66 жана 69-кодекстерин бузгандыгы айтылууда.

Шератов АФК кубогунун 2017-жылкы сезонунда “Дордой” клубу катышкан оюнду сүйлөшүп алуу жолу менен ишке ашырууга күнөөлүү деп табылды. Ошондой эле ал ушул эле оюн боюнча букмекерлик акча коюуларга таасир эткен деп айыпталды.

Веревкин, Алимов жана Махкамов дагы ушундай эле кылык-жорукка барганы аныкталды. Тагыраагы, АФК кубогунун 2017 жана 2018-жылкы сезонунда “Алай” клубунун оюндарына “таасир” этишкен.