Дүйнөдө

Дүйнөдө Страница 2

Бермет Турсалиева Айыл чарба министринин орун басары болду

Бишкек. 25. 12.20 informator.kg  Блоггер, активист, айыл чарба тармагы боюнча бир канча долбоорлорду ишке ашырган Бермет Турсалиева КРнын  Айыл чарба жана мелиорация министринин орун басары кызматына дайындалды. Бул тууралуу министр Тилек Токтогазиев кабарлады.

Анын атымында, Б. Турсалиева айыл чарба көйөгөйлөрүн жакшы түшүнөт, атамекендик айыл чарба продукцияларын эл аралык рынокко алып чыгууга, жашыл экологияны сактап калууда мыкты менеджерлик жөндөмгө ээ жана ал “Агрардык платформа” сыяктуу долбоолорду ийгиликтүү ишке ашырып, Кыргызстандын азык-түлүктөрүн дүйнөгө таанытууга эмгек сиңирген.

“Бул боюнча Премьер министрдин буйругу бүгүн жарыкка чыкты. Буюрса, биз мыкты көрсөткүчтөргө жетишебиз”,-деди ал.

Абдил Сегизбаев камалабы же саясий качкын болобу?

Бишкек. 24. 12.20 informator.kg Президенттикке талапкерлердин бири Абдил Сегизбаев өзүнө жана үй-бүлөсүнө коркунуч жаралып жатканын билдирди. Мындай билдирүүнү ал көчөдө шайлоочулар менен жолугушуу учурунда жасаган.

“Азыр мен балдарымды көчөгө чыгара албай калдым. Фанаттар, бандиттер бетине кислота куябыз деп жүрүшөт. Эгерде мындайга унчукпай кала турган болсок, анда дагы 5 жылга отурабыз. Бизди баары эле бандиттер башкарып калды. Азыр биздин балдар көлгө барышса тепкилеп кетип жатышат”,-деди УКМКнын мурдагы төрагасы.

Азырынча ал бул боюнча укук коргоо органдарына кайрылганын тастыктай элек.

Садыр Жапаров: “Биздин саясий көз караштарыбыз ар кандай, бирок максатыбыз бир – Кыргызстандын жаркын келечегин камсыз кылуу”

Бишкек. 13.12. 20. Informator.kg 

№1.

Биздин саясий көз караштарыбыз ар кандай, бирок максатыбыз бир: Кыргызстандын жаркын келечегин камсыз кылуу. Баарыбыз үчүн биздин мамлекеттин жана элибиздин тагдыры баарынан кымбат болууга тийиш. Эң маанилүүсү – өлкөбүздөгү тынчтык, элдин биримдиги жана коомубуздагы коопсуздук.

(С. Жапаровдун сүйлөгөн сөзүнөн 14.11.2020)

Кыргыз Республикасынын президенттигине талапкер Садыр Жапаровдун шайлоо алдындагы “Келечекке кызмат” платформасында анын Кыргызстанды өнүктүрүү боюнча негизги жана пайдубалдуу сунуштары айтылган. Бул процесстер реалдуу натыйжа бере башташы үчүн эмитен конкреттүү кадамдар жасала баштаганын белгилей кетүүгө арзыйт. 

Келечекке кызмат бүгүндөн башталат!

Кыргызстанда конституциялык реформа жүргүзүү зарылдыгы партиялык система өлкөгө саясий ыйкы-тыйкылыктан башка эч нерсе алып келбегенинен улам келип чыккан. Депутаттар талашып-тартышып, өкмөттөгү жана парламенттеги орундарды бөлүштүрүүү менен гана алектенип жатышканда өлкө өнүккөн жок, тышкы күчтөр болсо биздин экономиканы карыздын сазына ого бетер батырып келишти. Саясатчылар телеэкрандан түшпөй калжаңдашып жатканда, элдин ырыскысын жеген кызыл кулактар өзүлөрүнүн элге каршы каршы мыйзамдарын түртүп өткөрүп келишти.

“Дал ушундан улам мен: депутаттардын жамааттык жоопкерсиздиги Кыргызстанды талкалоодо деп билдирем”, – деди Садыр Жапаров.

Конституциянын жаңы редакциясы коомчулуктун кеңири катышуусу менен Контиуциялык кеңешменин ишинин алкагында дагы талкууланат жана жакшыртылат.

“Мен 2021-жылдын 10-январындагы Президентти шайлоо күнү мамлекеттик түзүлүш формасы боюнча: президенттикпи же парламенттикпи деген бир гана суроо боюнча референдум өткөрүүнү сунуштайм.  Андан кийин бүткүл элдин кызыкчылыгына жооп берген, мамлекеттик түзүлүштүн так формасы көрсөтүлгөн Конституциянын долбоорун жалпы элдик талкууга алып чыгуу керек”, – деген сунушун айтты С.Жапаров.

Садыр Жапаров президенттин жоопкерчилиги менен кошо анын ыйгарым укуктарын да күчөтүүнү сунуштайт.

“Мамлекет башчысы мамлекеттин толук кандуу иштеши үчүн – тышкы саясаттан тартып ички чарбалык ишмердүүлүккө чейинки ишине жооп берет. Эми Президент жеке өзү жооп берет” – деп белгиледи ал. 

Шайлоо жаатында сунушталып жаткан өзгөртүүлөр – депутаттардын үчтөн биринен кем эмес бөлүгү мажоритардык система боюнча, калгандары партиялык тизме боюнча шайланат. Эл дайыма конкреттүү адамдарды көрсөтөт, ошондуктан мейли, парламентте мына ошол адамдар отурсун, партиялар болсо квота боюнча өкүлчүлүктү камсыз кылышсын. 

Аткаруучу: « informator.kg» ; дареги: Кыргыз Республикасы, Бишкек ш.,    Кулатов к. 8. Буюртмачы: Төлөгөнова Аида Бейшеналиевна, Кыргыз Республикасынын Президентинин кызматына талапкер Жапаров Садыр Нургожоевичтин каржы маселелери боюнча ыйгарым укуктуу өкүлү.Нускасы:1. 2020-жылдын 23-декабрьда даярдалды. Кыргыз Республикасынын Президентинин кызматына талапкер Жапаров Садыр Нургожоевичтин шайлоо фондунан каржы маселелери боюнча ыйгарым укуктуу өкүлү Төлөгөнова Аида Бейшеналиевна тарабынан төлөндү (күб. № 35, 16.11.2020-ж).

Кыргызстанга Түштүк Кореядан гуманитардык жардам келди

Бишкек. 22.12.20. informator.kg Кыргызстандын Саламаттыкты сактоо министрлигине Түштүк Кореядан 20 миүң даана ПЦР-тесттерди алды. Бул тууралуу Good neighbors international  уюмунан кабарлашкан.

Анда белгилүү болгондой бул жабдыктардын жалпы баасы 20 миң АКШ долларын түзөт жана эки өлкөнүн достук кызматташыгынын негизинде гуманитардык жардам катары тапшырылган.

«Түштүк Корея мамлекети буга чейин да атайын коргочу формалар жана кислороддук концентратор, медициналык беткаптар түрүндө жардам көрсөткөн. Бул тесттер КОВИД-19 илдетин аныктоого жардам берет”,-деп айтылат уюмдун маалыматында.

Садыр Жапаров: “Саясатты унутуп, жалаң экономика менен алектенебиз.”

Жалпы элдик колдоонун жаңырыгы

Бишкек. 17.12.20 informator.kg Жапаровдун үгүт кербенинин 2-күнү Жалал-Абад облусунун Токтогул, Аксы, Ала-Бука, Чаткал райондорунда уланды. Кычыраган кыштын суугуна карабай элдик лидер Садыр Жапаровго жолугуп, сөзүн угуп, өзүн көргөнү миңдеген эл чогулуп жатты. Баса белгилей кетүүчү жагдай, элдик талапкер Садыр Жапаровго жолугуу үчүн эл өз каалоосу, чын жүрөгү менен келип жатышты. Илгеркидей бюджеттегилерди кыйнап чогултуп келмей терс көрүнүш болбогону – Кыргызстан чындап өзгөрүүгө, жаңыланууга бет алганынан кабар берип турат. Биздеги саясатта жүргөндөрдүн бири дагы Садыр Жапаровдукундай жалпы элдик колдоого ээ болгон эмес.

      Бүгүн жалпы элдин тандоосу – Жапаров экендиги эмитеден эле ачыкталып, баарына белгилүү болуп калды. 16-декабарь күнү эртең менен токтогулдук, түштөн кийин аксылык, чаткалдык, ала-букалык шайлоочулар Садыр Жапаровду адаттагыдай эле туш-туштан кубаттап, дүркүрөтө кол чаап, жарык маанайда тосуп жатышты. Токтогулдагы жолугушууда эл өтө көп суроолорун, каалоо-тилектерин айтышты. Мурдагы чиновник Тайырбек Сарпашев мыйзамсыз ээлеп алган 500 гектар жайыт жана сугат жерлердин Токтогул районунун ээлигине кайтаралышына кубанганын жашырбай Садыр Жапаровго рахматын айтышты. Ошондой эле Токтогулда айыл-чарба азыктарын кайра иштетүүчү ишкананын жана цемент заводунун курулушу боюнча Өкмөттүн планы бар экенин кубануу менен кабыл алышты. Берилген суроолордун айрым орчундууларын ортого салсак.   

      “Жетим-Тоону” 100 пайыз өзүбүз иштетебиз!”

       Урматтуу Садыр Нуркожоевич, Ишенбай Кадырбеков сизди “Жетим-Тоо” кенин кытайларга берип салды”- деп жатат, ошол чынбы?

     – Бул карандай калп. “Жетим-Тоодо” 10же 30 жылга эмес, 500 жылга жете тургандай кен байлык бар. “Жетим-Тоо” Кыргызстандын байлыгы. Анын бир пайызын дагы эч кимге бербестен, өз күчүбүз менен иштетсек болот. Буга көп акылдын, көп каражаттын кереги жок. Кудай буйруп, президент болуп калсам, аны иш жүзүндө сиздерге көргөзөбүз. “Жетим- Тоо” долбоору бизди экономикалык саздан сууруп чыга турган чоң долбоор. Бул боюнча иш башталган. Мен премьер-министр болгон күндөн баштап “Жетим-Тоонун” үстүндө иш алып баруу боюнча тапшырма бергем. Учурда аракеттер көрүлүп жатат. Буйруса жаңы мамлекеттик ишкана ачылат. Анын жетекчилигине Темир Сариевди сунуштагам. Ал азыр экономика жаатындагы адистер менен бирге иш алып барууда. Кудай буйурса, келе жаткан жылдын жай же күз айларына чейин “Жетим-Тоону” иштетип калабыз го деген максатыбыз бар. Кенди 100 пайыз өзүбүз иштетебиз. Эч кандай инвестордун үлүшү болбойт, бир дагы чет элдик кишинин катыштыгын көрбөйсүздөр, өз жарандарыбыз гана иш алып барышат. Жаштарга орун берилет, 2000ден 3000ге чейинки жумуш орду түзүлөт.

“Саясатты унутуп, жалаң экономика менен алектенебиз.”

Президент болупкалсаңыз ишти эмнеден баштайсыз?

– Биринчи саясий процесстерди бүтөлү. Президенттик шайлоо менен бирге референдум өтөт. Ал жерде сиздер тандап алган башкаруунун формасы кабыл алынат. Тактап айтканда, президенттик же парламенттик. Ошого жараша, Конституцияны кабыл алабыз. Бул иш болжол менен февраль айынын аягына барып калса керек. Конституция кабыл алынган соң, ага жараша мыйзамдар жазылат. Жогорку Кеңеш, Президент, Курултай, сот системасы, жергиликтүү башкаруу органдары жөнүндө баардык мыйзамдар кабыл алынып, Жогорку Кеңешке депутаттарды шайлоо болот. Парламенттик шайлоо болжол менен май, июнь айларына барат. Ушунун баарын бүткөндөн кийин биз бир гана экономика менен алектенишибиз керек. Саясатты унутуубуз зарыл. Бири- бирибизге акаарат айтууну таштап, жашоону жаңы ак барактан башташыбыз керек. Бир гана экономика менен алектенебиз. “Жетим-Тоо” сыяктуу мамлекеттик деңгээлдеги чоң- чоң долбоорлорду ишке ашырууга аракет жасайбыз, ГЭСтерди курабыз.

“Сырттан унаа ташууда элге жеңил шарт түзүүгө аракет жасайбыз”

– Бизге Япониянын эле унаалары чыдайт экен. Оң рулдуу болсо дагы жаңыраак машинелерди ташыйлы, ушул маселеге көңүл бура аласызбы?

– Авто авариянын көбү оң рулду авто унаалардан болгонун баарыбыз жакшы билебиз. Биз мамлекеттик деңгээлдеги бир программа түзүшүбүз керек. Шайланып калсам бул жааттагы адисттер менен акылдашып, маселени чечүүгө, элге жеңил шарт түзүүгө аракет жасайбыз. Оң рулдуу машинелердин рулун сол жагына которууга шарт түзүшүбүз керек. Бул иштин үстүндө Өкмөт иш алып барат…

“Жамандыкты жакшылык менен жеңелик”

– Сооронбай Жээнбековдун экс-президент макам алышы туура эле болдубу?

– Биринчи, экинчи президенттерибизди кубалап ийгенбиз. Үчүнчүсү түрмөдө жатат. “Жамандыктын учугу уланып кете берет” – дейт го, жакшылыкка жоруп, кыргыздын ата-бабадан келе жаткан “жамандыктын артын жакшылык жеңет” деген накыл кепти эске алып, ырым кылып Сооронбай Жээнбековго экс-президент макамын берүүнү туура көрдүк. Мен деле мисалы түрмөдө жаткан учурда атамдан, апамдан ажырадым. Алардын аркасынан оо дүйнөгө баламды узаттым. Баламдын кыркылыгында түрмөдө жатып, экинчи балама колукту алып берүүнү туура көрдүм. Үй-бүлө, туугандарыма айтып, алар баламды үйлөнтүштү. Азыр неберелүү болдум. Неберемдин төрөлгөнүнө төрт-беш ай болуп калды. Үйүмө жакшылык келди. Анын аркасынан мен минтип түрмөдөн чыктым. Мынакей, жакшылык ушинтип уланып кетти. Эртең мен шайланамбы, же башкасы шайланабы, беш жыл иштеген соң мыйзамдуу жол менен бийликти кийинки президентке тапшырып бере турган салтты башташыбыз керек.

“Жеке кызыкчылыгымды көздөсөм, Курултайга каршы чыкмакмын”

– Урматтуу Садыр Нуркожоевич, элдин талабы – Курултай институтун ишке киргизиш керек. Ушуга бек туруңуз?!

– Курултай институтун ишке киргизебиз. Айылдагы жергиликтүү эл, айыл өкмөт тарабынан шайланган жарандар жылына бир жолу чогулуп, бийликтин отчётун угуп, пикирлерин айтып, сунуштарын бере турган элдик орган болот. Муну 10 жылдан бери эл талап кылып келген. Буга чейинкилер курултай органын киргизгиси келген эмес. Анткени, көп чиновниктер жыл сайын элдин алдында отчёт бергенди каалашпайт. Жыл сайын ичип-жегени ачылып калышын каалашпайт. Биз президенттерди кеткенден кийин эки жыл, үч жылдан кийин канча акча жеп кеткенин билип атабыз. Мисалы, бир долларлык аттишти 600 долларга алышканын үч жылдан кийин билдик. Эгер Курултай институту кирсе, сиздер жылына кайсы акча каякка жумшалып жатат, эмнелер салынууда, кайсы материалдар канчага сатылып алынды, баардыгын көрүп турасыздар. Кайсы жол салынып атат, бир чакырым жолго канча акча жумшаганын да ачык көрөсүздөр. Мисалы, Түндүк-Түштүк альтернативдик жолун алалы. Кагаз жүзүндө бир чакырым жолго 3 миллион доллар жумшалды деп көргөзүшүптүр. Жол жарым жартылай бүтүп-бүтпөй турат. Дүйнөлүк стандарт боюнча бир километр жолго 1 миллион доллар гана жумшалат экен. Мындай көрүнүштүн баарын бийлик башындагылар кеткенден кийин билип калып атпайбызбы? Баш мыйзамга: «Бийликтин ээси – эл!» – деп жазабыз.

      Урматтуу элим, айтыңыздарчы, 30 жылдан бери бийликке эмне кылып, ээлик кылып атасыздар? Беш жылда бир шайлоо болот. Болгону бир күн, шайлоо күнү гана колуңуздарга бийлик тийет. Ошондо да шайлоодо добушуңуздарды сатасыздар, чоңдор сатып алышат дагы анан беш жыл бою карабай кетишет. Ошол себептен, мен, Курултай органын Баш мыйзамга киргиздирип жатам. Эгер жеке кызыкчылыгымды көздөсөм, анда мен дагы Курултайга каршы чыкмакмын.

       Аксы, Ала-Бука, Чаткалдыктар менен болгон Кербен шаарындагы жолугушуу 16-декабрь түштөн кийин орун алды. Садыр Жапаров платформасындагы айрым учурларын кыскача айтып берип, жолугушууну суроо-жооп иретиндеги эркин форматка өткөрдү. Жолугушуунун тартибин да Садыр Жапаров өзү аныктап, өзү башкарып турду. Эл менен түз баарлашып, эл дагы болгон ыкласын, ишенимин берип, жуурулушкан эң сонун баарлашуу болду. Элдин Садыр Жапаровго болгон ишеними ушунчалык күчтүү экенин ушундан билиңиз, эл аны талапкер эмес, учурдагы президенттей эле кабыл алып, маселесин Садыр Жапаров азыр чечип жиберчүдөй ишенип турушту. Негизинен суроолор мектеп, бала-бакча, стадиондор боюнча берилип атты. “Мен эми болгону талапкермин да. Тапшырма бере албайм. Кудай буйруса, шайланып калсак, маселени чечкенге аракет кылабыз” – деди. Суроолор да Кыргызстандын эртеңки тагдыры, коррупцияга каршы күрөш, экология ж.б. көйгөйлөрүн айтышты.

Аткаруучу: «ОсОО “Информатор”; дареги: Кыргыз Республикасы, Бишкек ш.,Кулатов көч. №8.

Буюртмачы: Төлөгөнова Аида Бейшеналиевна, Кыргыз Республикасынын Президентинин кызматына талапкер Жапаров Садыр Нургожоевичтин каржы маселелери боюнча ыйгарым укуктуу өкүлү.

Нускасы: 1. 2020-жылдын 16-декабрь даярдалды. Кыргыз Республикасынын Президентинин кызматына талапкер Жапаров Садыр Нургожоевичтин шайлоо фондунан каржы маселелери боюнча ыйгарым укуктуу өкүлү Төлөгөнова Аида Бейшеналиевна тарабынан төлөндү (күб. № 35, 16.11.2020-ж).

Сербияда кыргыздын балбан кыздары ийгилик жаратты(Видео)

Бишкек. 17.12.20 informator.kg  Сербиянын борбору Белградда өтүп жаткан Дүйнө кубогунда кыргызстандык балбан кыз Мээрим Жуманазарова алтын байгени багынттыю Ал 68 килограмм салмакта финалга жетип, атаандашы чехиялык Аделя Ганзличкованы 8:2. эсебинде жеңип алды.

Анын менен катар эле Айпери Медет кызы 76 килограмм салмак ченинде финалга жетип, акыркы атаандашы орусиялык Екатерина Букина менен кармашта 11:8де жеңип, Кыргызстанга коло медаль менен кайтты.

Буга чейин Айсулуу Тыныбекова менен Жоломан Шаршенбековдор Алтын медаль утуп, Дүйнө чемпиону болушкан.

Эске сала кетсек, быйылкы пандемиянын айынан Олимпиада артка жылып, UWW Сербияда толук кандуу дүйнө чемпионатын өткөрүүнү чечкен.

Каржы полициясы контробандалык жүктү кармады

Бишкек. 14.12.20. informator.kg  Экономикалык Кылмыштар Каршы Мамлекеттик Кызматынын Ош шаары боюнча башкармалыгы дайыма болуп турган экономикалык контрабанданы аныктады. Бул тууралуу аталган кызматтан кабарлашат.

“Финансы полициясынын Ош шаары боюнча башкармалыгы элдик керектөөдөгү товарларды (ЭКТ) мыйзамсыз ташып кирүү жана ташып чыгуу фактыларын аныктоого жана бөгөт коюуга багытталган тийиштүү иш-чараларды жүргүзүү учурунда кызмат адамдарынын катышуусу менен товарларды дайыма болуп турган контрабандалык ташып кирүү фактыларын аныктады.

Ошентип, үстүбүздөгү жылдын 11-декабрында элдик керектөөдөгү товарлар жүктөлгөн “Вольво” маркасындагы жүк ташуучу унаа кармалып, ал Өзбекстан Республикасынан “Достук” бажы посту аркылуу тийиштүү уруксат берүүчү документтери жок жана бажы төлөмдөрүн төлөбөй келе жаткан.

Бул факт Кылмыштардын жана жоруктардын бирдиктүү реестрине (КЖБР) катталып, сотко чейинки өндүрүш башталды”,-деп айтылат маалыматта.

 Эске сала кетсек, ушу тапта ЭККМК контрабандачылардын кызыкчылыктарын колдогон кызмат адамдарынын катыштыгы бардыгын аныктоого, ошондой эле мамлекеттик бюджетке келтирилген зыяндын ордун толтурууга багытталган иш-чараларды жүргүзүүдө.

Саясатчы Тайырбек Сарпашев: “Текшерүү мен үчүн көнүмүш нерсе…”

Бишкек. 10.12.20. informator.kg  “Тилекке каршы, тергөөгө байланыштуу мага эмнеге иш козголгонун, кайсыл маселелер боюнча сурак берип жатканымды ачык айта албайм, себеби, тергөөнүн купуялуулугу үчүн башында кол коюп бергем”. Бул тууралуу кечээ Каржы полициясынан сурактан чыккан Тайырбек Сарпашев журналисттерге билдирген.

Анын айтымында, ал убагы келгенде баардыгын ачык айтып берет жана эч кандай мыйзамсыз байыган эмес. “Эми мунун баары мен үчүн көнүмүш эле нерсе. Мени канча жолу текшеришкен, Жогорку Кеңеш атайын депутаттык да комиссия түзүп, баарын текшерип чыгышкан. Андыктан, мындай нерселерге анчалык деле чочуган жокмун. Кийин мен баардыгын ачык айтканга даярмын”,-деген ал.

Эске сала кетсек, Каржы полициясынын башына келген мурдагы прокуратура кызматкери Сыймык Жапыкеев Т. Сарпашев мыйзамсыз алган 500 гектар жерди мамлекетке кайтарып бергенин айткан. Бирок, кийин ал жерлер жөн гана ижарага алынган жайыт жерлер экендиги айкын болду.

АКШ Раим Матраимовду “кара тизмеге” киргизди

Бишкек. 10.12.20. informator.kg АКШын Каржы министрлиги Кыргызстандын Бажы кызматынын төрагасынын мурдагы орун басары Райымбек Матраимовго санкция киргизди. Бул тууралуу маалыматты аталган министрликтин расмий сайтынан көрүүгө болот.  Анда “Магнитский акты” деген аталыш менен белгилүү “кара тизмеде” Райымбек Матраимов жана Райым Исмаилов деген ысымга берилген эки башка паспорттук маалымат көрсөтүлгөн.

“Магнитский актына” киргендердин АКШда жайгашкан же америкалык жарандардын көзөмөлүндө же ээлигиндеги бардык мүлк менен каржылык активдерине арест (камак) салынат, алар тууралуу маалымат Чет элдик активдерди көзөмөлдөө мекемесине берилет. Буга кошумча камакка алынган мүлккө түз же кыйыр, 50% же андан ашык пайыз менен ээлик кылган башка юридикалык жактарга да арест салынат. Ал чет элдик активдерди көзөмөлдөө мекемесинин мыйзамдык актылары америкалык жарандардын санкцияга киргендер менен кандайдыр бир мүлктүк же мүлккө байланышкан амалдарга катышуусуна тыюу салат. Ошондой эле санкцияга учураган адамдын кызматын көрүүгө, же ага кызмат көрсөтүүгө, аны каражат же товар менен камсыз кылууга, ошондой эле андан салым, каражат же товар алууга тыюу салынат.

Азырынча бул боюнча Р. Матраимов тараптан жооп боло элек.

Эске сала кетссек, ал мамлекетке айып пул төлөө ниети менен УКМКга өзү келип колго түшүп берген. Ошол кездеги Президенттин милдетин аткаруучу Садыр Жапаров “ал бир айдын ичинде бюджетке 2 миллиард сом төгө турган болду, камап койсом акчалары аресте болуп, эсептери жабылып төлөй албай калат”,-деп, сот аны 2 айга үй камагына чыгарган болчу. Бирок, Раим Матраимов 1 айда 773 миллион сом эле төккөнүн каржы полициясы билдирди.

Талант Мамытов Москвада мигранттар менен жолукту

Бишкек. 9.12.20. informator.kg Президенттин милдетин аткарып жаткан Жогорку Кеңештин төрагасы Талант мамытов Москвада мекендештер менен жолукту. Бул тууралуу ЖКнын басма сөз кызматы кабарлайт.

Анда төрага жетектеген депутаттардын тобу москвалык кыргыздар менен жолукканда Орусия бийлиги менен эмгек мигранттарынын шарттарын жакшыртуу, аларга жеңилдик берүү маселелерине көңүл бурулганын айтышкан.

Ошону менен бирге эле төраганын алдында Миграция маселелери боюнча Кеңеш түзүлүп, ага мекендештер менен диаспоралардын өкүлдөрү киришкени, бул Кеңеш миграция маселелерин жөнгө салуу боюнча долбоорлорду, мыйзам ченемдик документтерди өз убагында даярдап, чет жердеги кыргызстандыктардын абалын жеңилдетүү боюнча ар кандай кеп-кеңештерди берип турмакчы.