Дүйнөдө

Дүйнөдө Страница 61

Түркияда октон көз жумган жигиттин өздүгү такталды – видео

8.07.19 informator.kg Түркиянын Аланья шаарында каза болгон 23 жаштагы жигит Ош облусунун Чоң-Алай районунун тургуну болгон. Бул маалыматты Чоң-Алай айыл өкмөтүндөгү Кызыл-Эшме орто мектебинин директору Жамила Эрмекбаева тастыктады.
«И.у.М. биздин мектепте жакшы окуган окуучулардын бири болчу. Мектепти бүтүргөндөн кийин Ошто фотограф болуп иштеп жүрдү. Ноокаттык кызга үйлөнүп, Түркияга кеткенине 1 айдан ашыптыр. Азырынча сөөгүн өлүкканадан чыгаруу кыйын болуп жатыптыр деп уктук. Жакындары, ата-энеси каза болгонун угушту», – деди Жамила Эрмекбаева.
Маркумдун үйлөнгөнүнө 5-6 ай болгон.
Буга чейин «Баракелде» басылмасы Түркияда кыргызстандык жаш жигит киши колдуу болуп көз жумганын жазган.
Жалпыга маалымдоо каражаттарындагы маалыматтар боюнча, 7-июлда Аланья шаарынын аймагындагы дүкөндөн чыккан жаш жигитке тапанчадан ок атылган. Ал көп узабай каза болуп, өздүгү такталгандан кийин Кыргызстандын 1996-жылы туулган жараны М.И. экени белгилүү болгон.
Жергиликтүү полиция кызматкерлери көп узабай шектүү катары жергиликтүү 40 жаштагы жашоочуну (эркек киши) кармашты. Алдын ала маалыматтар боюнча, шектүү мындай кылмыштын себебин маркум экөөнүн ортосундагы пикир келишпестик менен байланыштырган.

Turmush

Түркияда 23 жаштагы кыргызстандыкты атып кетти, ал…

8.07.19 informator.kg Турциянын Алания шаарында 23 жаштагы кыргызстандык жигитти атып кетти.

Бул тууралуу haberler билдиришти. Анда, болжол менен 40 жаштагы киши, жаш жигитке ок атып, качып кеткен. Көп өтпөй жакынкы үйлөргө кире качкан киши кармалган.

Окуянын күбөлөрү полиция кызматкерлерине телефон каккан. Жаш жигит октон алган жаракатынан улам, бейтапканада көз жумган.

Мексикада +30 градуста 1 метр кар жаады – видео

1.07.19 informator.kg Мексиканын Гвадалахара шаарында калың кар жаап, маалыматка ылайык, айрым жерде кардын калыңдыгы 1,5 метрге жетет. Кар жааган учурда шаарда күндүн ысыгы 30 градусту көрсөтүп жаткан.

Казак кыз менен араб жигиттин сүрөтүнөн улам конфликт чыкты – сүрөт

29.06.19 informator.kg Казахстандын Атырау облусунда Тенгиз жер кенин иштетүүчү ишканада массалык уруш орун алды. Бул тууралуу Казахстандын ММК социалдык тармактарда жарыялашты.

Анда, instagram социалдык тармагына казак кыз менен ливиялык адистин сүрөтү жүктөлүп, ал жумушчу топ арасынан алгач сын-пикирге кабылып, андан соң массалык урушка алып келди.

Биздин сайттын Фейсбук баракчасына жүктөлгөн тасмаларда көрүнгөндөй, жумушчу топ четтен келген адистерди (түрк, ливиялык ж.б) ур-токмоко алууда.

Орусия мугалимдерин Кыргызстан менен Тажикстанга жиберет

28.06.19 informator.kg Орусиянын Өнүктүрүү министрлиги 2019-2020-окуу жылында Кыргызстан менен Тажикстандын мектептерине иштөө үчүн мугалимдердин арыздарын кабыл алууну баштады. Бул тууралуу КА-Ньюс басылмасы билдирди.

Орусиянын мугалимдерин чет өлкөдөгү мектептерге жумушка орноштуруу долбоорунун негизинде Орусиянын Өнүктүрүү министрлиги 2017-жылы Тажикстанга 29 мугалим жөнөткөн. Быйыл дагы 50 мугалим барары айтылган. 2019-2020-жылында Кыргызстанга да мугалимдерди жиберүү мерчемделип жатканын аталган министрликтин басма сөз кызматы билдирген.

Быйыл Кыргызстанга орус тили жана адабияты, физика, математика, химия, биология, маалыматтык технология сабактарынан мугалимдерди жиберери күтүлүүдө.

Буга чейин орус мугалимдеринин жалпы жол чыгымын төлөп, акысыз турак жай менен камсыз кылууга тажик бийлиги милдетүү экени айтылган болчу.

Түркмөнстан Гиннеске кирди, алар ….

28.06.19 informator.kg Бүгүн, 28-июнда Түркмөнстандын Ашхабад облусунда бензин өндүрүүчү завод ачылды. Ачылыш күнүндө ишкана Гиннестин рекорддор китебинин «Дүйнөдөгү жаратылыш газынан бензин өндүргөн биринчи завод» деген сертификат алганын «Хроника Туркменистан» басылмасы жазды.

План боюнча ишкана жыл сайын 600 миң тонна А-92 үлгүсүндөгү бензинди Euro-5 стандарты менен өндүрөт. Долбоордун жалпы суммасы 1,7 млрд долларга бааланып жатат.

Буга чейин Түркмөнстан бир тилкедеги эң узун велосипед парады үчүн Гиннестин рекорддор китебинин сертификатын алган болчу.

Кремль Атамбаевдин кол тийбестиги боюнча үн катты

27.06.19 informator.kg Расмий Кремль Кыргызстандын мурдагы президенти Алмазбек Атамбаевди кол тийбестиктен ажыратуу боюнча пикирин билдирди.

Бул иш боюнча Орусиянын президенти Владимир Путиндин маалымат катчысы Дмитрий Песков билдиргенин РИА Новости агенттиги жазууда.

Песков журналистердин суроосуна жооп берип жатып «Мындай маселелер ар бир өлкөнүн ички иши болуп саналат. Биз бул иштерге аралаша албайбыз, укугубуз да жок», — деп жооп берген.

Мындан сырткары, мамлекеттердин  тарыхы, тажрыйбасы ар кандай болгондуктан, сырттан туруп сынга алуу туура эмес болорун кошумчалаган Песков.

Эске салсак, буга чейин Алмазбек Атамбаев «Батукаев маселесинде Владимр Путин да өз оюн айтат деп ишенем» деген сөзүн айткан болчу.

Ысык-Көлгө Өзбекстандан туристтер келди – сүрөттөр

27.06.19 informator.kg 27-июнь эртең менен Өзбекстандык туристтер Ысык-Көлдүн “Тамчы” эл аралык аба майданына учуп келди.

Ташкент-Тамчы каттамындагы самолёт белгиленген убакыттан жарым саат эрте конгон. Бул тууралуу КР туризм департаментинин катчылыгы билдирди.

Туристтердин саны 140ка жетип, аларды КР туризм департаментинин директору Максат Дамир уулу тосуп алды. Бул жай сезонунда Өзбекстандан 3 миң турист келүүсү күтүлүүдө.

Мексика президенти резиденциясын сатат, түшкөн сумма …

24.06.19 ınformator.kg  Мексика президенти Андрес Мануэль Лопес Обрадор, Косумель аралынын Кинтана-Роо штатындагы резиденцияны сатууну жекшемби күнү жарыялады. Сатылган үйлөрдүн акчасы Кинтана-Роо штатындагы жакыр жашаган калкка жардам катары берилет.

Андрес Мануэль Лопес Обрадор: “Casa Maya президенттик резиденция тууралуу абдан жакшы изилдейм, сатылган үйлөрдүн акчасы Кинтана-Роо штатындагы жакырчылыкка жумшалат”,- деп белгилеген.

Буга чейин баңгизат менен алектенгендердин үйлөрүн мамлекет конфискациялап, алардын баардыгы аукционго коюлуп сатылган. Сатылган үйлөрдүн акчасы 3 млн АКШ долларына жетип, ал сумма аймактагы жакырлардын турмушун жакшыртууга жумшалган.

Булак: Mexico Daily News

Германияда Кыргызстандын шириндеринде катылган 670 кг героин кармалды

22.06.19 informator.kg Германияда Кыргызстандан бараткан автоунаадан жарым тоннадан ашык баңгизат кармалышына байланыштуу «Элит Шоко» кондитердик фирмасынын ээси Аида Жолдошева Ички иштер министрлигинин Тергөө кызматына суракка чакырылды. Бул тууралуу мекеменин басма сөз кызматынын өкүлү Карима Аманкулова билдирди.

19-июнда немис басылмалар герман-поляк чек арасында жүк ташуучу автоунаадан 670 килограмм героин кармалганын жазышкан. Баңгизаттар Кыргызстанда өндүрүлгөн шириндиктердин ичине катылып, ташылып баратканы такталган.

Интернетке жарыяланган маалыматтарга ылайык, анда алынган документтерде өндүрүүчү катары Кыргызстандагы «Элит Шоко» жоопкерчилиги чектелген коому көрсөтүлгөн. Жүк Белгияга жөнөтүлгөнү кабарланган. Автоунаанын айдоочусу Түркиянын жараны экени, көптөн бери Кыргызстанда иштеп, Бишкекте жашай турганы айтылды.

Булак: Калыс медиа