27-июль 2020/informator.kg-

Кыргыз дөбөтүнүн тукумун үзбөй сактоого аракет кылып келе жаткан Чыңгыз Сейитбеков карышкырды колго үйрөтүп баштады. Ал 13 жылдан бери тайган багып келет.

«Мени кыргыз дөбөтү жоголуп бара жатканы убайга салып келген. Төрт жылдан бери кыргыз дөбөтүнүн тукумун сактап, көбөйтүү аракетин көрө баштадым. Кыргыз иттерин жакшыртуу максатында карышкыр менен иттерди аргындаштыруу жолу менен күчүктөрдү алуу аракетин да көрүүдөмүн. Ата-бабаларыбыз “бөрү баласы ит болбойт” деп коюшат. Бирок жакшылап карап бакса, карышкырды деле колго үйрөтсө болот экен. Мен эки айдан бери карышкыр багып келе жатам. Аны ээрчитип алып сейилдеп, жарышып чуркап ойнойбуз. Ал деле ит сыяктуу колго көнүп, адамга жакын дос боло алат экен», – дейт Чыңгыз Сейитбеков.Ал колунда багып жүргөн карышкырды багып алам дегендер болсо сата турганын билдирди.Чыңгыз Сейитбеков 1987-жылы Жалал-Абад облусунун Токтогул районунда туулган.