18-июль 2020/informator.kg-

Премьер-министр Кубатбек Боронов менен Беларусь Республикасынын президенти Александр Лукашенко жолугушту. Жолугушуу Минск шаарында уюштурулган, деп билдирди өкмөттүн басма сөз кызматы.«Беларусь Республикасынын президенти эки мамлекеттин ортосундагы өз ара пайдалуу кызматташуунун ырааттуу өнүгүүсүн белгиледи.Өкмөт башчы Кыргыз Республикасы Беларусь Республикасы менен достук жана өз ара кызматташтык мамилелерге өзгөчө маани берерин белгиледи.Жолугушууда Кубатбек Боронов эки жактуу соода-экономикалык кызматташууну күчөтүүнүн, товар жүгүртүүнү бир кыйла көбөйтүүнүн, инвестициялык өз ара иштешүүнү өркүндөтүүнүн, эки өлкөнүн кызыкчылыгындагы долбоорлорду ишке ашыруунун маанилүүлүгүнө айрыкча көңүл бурду», – деп айтылат маалыматта.Өкмөт башчы кечээ Евразия экономикалык бирлигинин өкмөттөр аралык кеңешинин кезектеги жыйынына катышуу үчүн Минск шаарына учуп кеткен. Өкмөт башчы учкан учак менен Беларусь Республикасынан Кыргызстанга коронавирус менен күрөшүүчү 5,4 тонна дары каражаты алынып келе турганы маалым болду.