20-ноябрь 2020/informator.kg-


Кытайдын COVID-19га каршы 5 вакцинасы учурда бир катар чет мамлекеттерде III фазалык клиникалык сыноолордо. Бул тууралуу Кытайдын Тышкы иштер министрлигинин өкүлү Чжао Лицзяндын билдирүүсүнө таянуу менен чет элдик маалымат булактары жазып чыгышты.Маалыматка ылайык, COVID-19 эпидемиясы башталгандан бери Кытайдын өкмөтү COVID-19га каршы вакциналарды иштеп чыгуу боюнча беш технологиялык ыкманы жактыргандыгын белгилеген, атап айтканда: инактивацияланган вакциналар, рекомбинанттык белок вакциналары, аденовирустук векторлордун негизиндеги вакциналар, тумоонун векторунун негизинде вакциналар жана нуклеин кислотасына каршы вакциналар. Анын айтымында, Кытай тиешелүү изилдөө жана иштеп чыгууларды ырааттуу жүргүзүп келет.Чжао Лицяндын айтымында, учурда Кытайда III фазадагы клиникалык сыноолордо беш COVID-19 вакцинасы бар: Бириккен Араб Эмираттары, Бразилия, Пакистан, Перу жана бир катар өлкөлөр, ошондой эле I жана II этаптагы клиникалык сыноолорго катышкан башка вакциналар.Ошондой эле Чжао Лицзян Кытай Дүйнөлүк саламаттыкты сактоо уюмунун каржылоосу менен COVID-19/ACT/ каражаттарына жетүүнү тездетүү демилгесине катышкандыгын жана вакциналардын адилеттүү бөлүштүрүлүшүн жайылтуу жана өнүгүп келе жаткан өлкөлөргө вакцина жеткирүүнү камсыз кылуу максатында COVAX механизмине кошулгандыгын белгиледи. Кытай вакциналарын изилдөө жана иштеп чыгуу аяктагандан кийин жакында COVAX демилгеси боюнча сатып алуулар тизмесине киргизилет деп күтүүдө жана Кытай тарап өнүгүп келе жаткан өлкөлөрдө вакциналардын жеткиликтүүлүгүн камсыз кылууга салымын кошот деп кошумчалаган.