19-сентябрь 2020/informator.kg-

Жалал-Абад шаарындагы “Алтын Сарай” ресторанынын ээсине кылмыш иши козголду. Ал эскертүүлөргө карабай той өткөрө берген. Бул тууралуу Жалал-Абад шаардык мэриясынын басма сөз кызматынан билдиришти.

“Шаардагы “Алтын сарай” ресторанынын ээсине сотко чейинки өндүрүш иши ачылды. Буга чейин берилген эскертүүлөргө, салынган айып пулга карабай ресторанда кечээ кыз узатуу тою өтүп жаткан. Бул факты Кылмыштардын жана жоруктардын бирдиктүү реестрине катталып, тийиштүү иш-аракеттер башталды”, – деп билдиришти мэриядан.Жалал-Абад шаарында тойканаларга рейд улантылып, комиссия тарабынан бир нече той өткөрүүчү ресторандар текшерилди.